Matthieu 3:6 - UNIMBƆTI NYƆƆBUNDI GBƆŊKU

⁶ ki bìitī bi-kpitii pu ní Yoowaneesi fùul̀-bi Unimbɔti nyim Jɔɔdan buŋŋun.

Matthieu 3:6 Iomraidhean Croise

Esdras 10:1

Ŋyunti ŋun Eesiraasi gbāā ki sūǹ kunimbɔtidii nyɔkɔpu ki mèé Unimbɔti bi-kpitii pɔ̄tam puee, Isirayeel yab dinikitikpaandi, bininjab nì binimpoobi nì mbiyaamu dɔ́miń ki māntì tú-u ní ki bíi sūǹ tikpil.

Psaumes 32:5

Niinee ní m bīitì m-kpitii pu ki tùkū-si, maa bál̀-si m-yìntitam. M lī m-ban yii: «M làá bìitī m-kpitii pu kí tùkù m-Dindaan», ní a cúú m-kpitii nyiŋfiŋu ki nyīkitì m-pu.

Proverbes 28:13

Unil un yaa cáá u-kpitii ki bāal̀ee, an kaa bútí-u. Ama unil un bìitī u-kpitii pu kí dū-i kí fée kāntí u-kpitii pɔ̄tam.

Ezéchiel 36:25

M làá kpáatí nnyim min bí circiree kí sìtī ni-pu, ní kí ŋá-ni circir. M làá fíntí-ni kí nyāntí ni-jɔkɔntuuŋŋi kɔkɔ poon nì ni-waatootii poon.

Daniel (hébreu) 9:4

M nìn mēē ti-Dindaan m-Nimbɔtiu ní ki nìn bīitì ti-kpitii pu ki lī yii: «Áù, ti-Dindaan, Unimbɔti un sá ukpaan ki sá kuwambiiuee, a ŋúb̀ a-poondi din a pōoǹ bin ŋúb́ a-marabee, ki néeń bin néeń-see.

Lévitique 16:21

Niinee ní Aarɔn ń dū u-ŋalii liitil kí páań uŋɔjee yil pu ní kí bìitī Isirayeel yab tuŋkpitiŋ nì bi-yìntitam nì bi-kpitii pu kí dūú túń uŋɔjee pu, ní kí lēē unil ubɔ ń péetí-u kí tɔ̄ kupɔɔun.

Lévitique 26:40

«Ama bi làá dāá béé yii bíǹ nì bi-baabi yīntì ní kí dāá lì yii baa síl̀ nì mi deedee, ki jáń nì mi,

Nombres 5:7

Udaan ń bìitī ikpiti in u ŋée pu, kí téeǹ tiwan daan tin u mūul̀ee, ní kí gíti nyàab̀ tiwan gbanti yaa yākatì miŋmoo puee diba pu kí kūtì kí tīī tiwan daan.

Matthieu 3:11

Man cáá nnyim ní ki fùul̀-ni ki dàkà yii ni bíi kpántí ni-bimbim, ama un làá dāan̄ man boonee làá dāá fàl̀-ni nì Unimbɔti Fam nì ŋŋmi ní. Úǹ cáá mpɔn ki jítiǹ man, maa sàafì kí nīn sá u-yumbuu kí yòon̄ u-naatakaŋ gba.

Marc 1:5

Ní Juudee watil pú yab nì Jeerusaleem tiŋkin nib kɔkɔ nìn cá Yoowaneesi cee. Bi nìn bìitī bi-kpitii pu, ní u fùul̀-bi Unimbɔti nyim Jɔɔdan buŋŋun.

Luuki 1:16

U làá dāá gíiǹ Isirayeel yab kupaau ti-Dindaan bi-Nimbɔtiu cee.

Luuki 3:16

Niinee ní Yoowaneesi bí bi-kɔkɔ yii: «Man fùul̀-ni nì nnyim ní, ama ubɔ dòoń, u-pɔŋŋu jítiǹ man yɔŋu. Man kaa kpántì kí nīn sá u-yumbuu kí kútí u-naataaŋmiii gba. Úǹ di làá dāá fàl̀-ni nì Unimbɔti Fam nì ŋŋmi.

Actes 1:5

Kun puee nì nnyim ní Yoowaneesi nìn fùul̀ binib. Ama nimbee, nì iwiŋkaaŋkaa poonee, Unimbɔti làá fàl̀-ni nì Circir Fam.»

Actes 11:16

Niinee, m téetì ti-Dindaan nyɔɔbundi nee pu yii: <Yoowaneesi nìn fùul̀ binib Unimbɔti nyim, ama Unimbɔti làá dāá fàl̀ nimbi nì Circir Fam ní.>

Actes 19:18

Bin nìn fōō ki kííyee tikpil nìn dòoń samaa nimbiin ki bìitī tin bi nìn ŋáaǹee pu.

Actes 22:16

Míǹ puee ba di gíti ŋúb́-si kɔŋkɔnnee? Yīkìm̄ kí kúuǹ kí yíiń ti-Dindaan bí fàl̀-si Unimbɔti nyim á ká a-kpitii pɔ̄tam.>»

1 Corinthiens 10:2

Ditagbandee nì dimɔɔlee poon ní bi fùl̄-bi bí nīn nóó Mooyiisi,

Colossiens 2:12

Kii bi nín síb̀ bin kúùyee puee, míǹ ní ni nì Kriisitoo nìn kpíì, ní bi síb́-ni ŋyunti ŋun bi nìn fùl̄-ni Unimbɔti nyimee. Boonee, ni nì u fīkitì, kun puee ni fōō ki kíí yii Unimbɔti cáá mpɔŋkpaan ki ŋúń ki fīkitì Kriisitoo.

Hébreux 6:2

nì bi nín dàkà Unimbɔti nyiŋfàltam bɔti puee, nì bi nín pāantí iŋal binib pu ki mèé ki tìì-bee, nì bitaŋkpiibi fìkititam, nì ditafadaaldi din kaa cáá dikúntilee nín dɔ̄ ki cí binikpitib puee.

Hébreux 9:10

An sá marab bin bi yóoǹ bi sá tijin nì tinyɔkaal nì tiwun difíntilee bɔti ní. An marabee kɔkɔ sá tiwun pu marab ní kí tin sāā ŋyunti ŋun Unimbɔti làá dāá cáań tipɔnee.

Jacques 5:16

An puee, nín̄ bìitī ni-kpitii pu ki tùkùmaan tɔb, kí nīn mèé ki tììmaan tɔb, kí ŋmā kí nīn kāntí dicáaǹdi. Di sá yii unil un yú deedee Unimbɔti nimbiinee yaa dū u-pɔbil kɔkɔ ki mēē-uee, an tūǹ atuŋkpaan ní.

Josué 7:19

Ní Joosuwa bí Akan yii: «M-jipɔɔn, tīī ti-Dindaan Isirayeel Nimbɔtiu tinyool, kí nyɔ̄ŋkì-u. Māafì-mi tin a ŋée kɔkɔ kí taa báĺ-mi báà tiba!»

1 Pierre 3:21

Nnyim min nìn fīī binib biniiyee náań nì min ni fùul̀ ki kāntí difiil nan ní. Unimbɔti nyim difaldee kaa sá kí lēē tiwun pu jɔkɔnti, an sá kí mèè Unimbɔti ú fíntí ti-pɔbiliŋ ń nyā circir ní. Yeesu Kriisitoo fìkititam pu ní Unimbɔti nyim difaldi cáá mpɔn kí fīī-ti.

1 Jean 1:9

Ti yaa bīitì ti-kpitii pu, Unimbɔti sá deedeedaan ki cáá ibaamɔn ki làá dū ti-kpitii kí pɔ̄-ti, kí fíntí tin kɔkɔwoooo bí ti-pɔbiliŋin kaa ŋān̄ee, tí nīn bí circir.