Matthieu 3:16 - UNIMBƆTI NYƆƆBUNDI GBƆŊKU

¹⁶ Ŋyunti ŋun Yoowaneesi fùl̄-u ki dóò, u bíi nyēeń nnyiminee, kpalaayee ní kutagbɔŋu cúu pīitì, ní u wál̀ Unimbɔti Fam kpákatìń u-pu ki bí kii dibeenanjilee.

Matthieu 3:16 Iomraidhean Croise

Esaïe 11:2

Ti-Dindaan Fam làá dāá nīn bí u-pu. Mì làá dāá tīī-u iciin nì mpɔn ú gàntī tin ŋān̄ee nì tin kaa ŋān̄ee. Mì làá dāá tīī-u isaŋki nì dibaatandi. Mì làá dāá yàntī ú béé ti-Dindaan kí nīn fàŋkí-u.

Esaïe 42:1

Ti-Dindaan bí yii: «Kpèè, m-tɔntɔnliu, m ŋúb́ u-ŋal, m lēē-u ní m-pɔbil sɔ̀m̀ u-pu. M dū m-Fam ki ŋá u-pu ú dāá sòoǹ deedee bɔti kí tùkù atimbun kɔkɔ.

Esaïe 59:21

Ní ti-Dindaan kútì ki lī yii: «Mpèé ŋun làá nīn bí man nì bi kansikinee sèé: <M-Fam bí ni-pu, m-nyɔɔbuŋŋi kā ni-nyɔkɔn. Ŋi làá nīn sá ki tīī ni nì ni-biyaamu nì ni-naantiibi ní kí yòon̄ kɔŋkɔnnee kí nīn cáa cá jaanjaan. M kpá kí fàtīí fōō-dì.> Man ni-Dindaan di lī míǹ.»

Esaïe 61:1

Ti-Dindaan Unimbɔti Fam bí m-pu. Tiŋman, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ cáaǹ bin pɔbiliŋ bíil̀ee, kí bāakì kí tùkù bin bi cúú kuyuŋuee yii bi làá líí-bi, kí tùkù bisarkadambi yii bi làá ká dibatɔl.

Ezéchiel 1:1

Abin mmuŋku nì saalaa uŋmananaati wiŋŋmooŋmootiŋu dalee, m nìn bí bin bi nìn cúú kuyuŋu Keebaar mɔɔgbandi caŋinee kansikin. M nìn ká yilpu cúu pīitì ní Unimbɔti lēē aleedaka ki dàkā-mi.

Marc 1:10

Yoowaneesi nín fùl̄-u ki dóò u nyēeń nnyiminee, ní u wál̀ kutagbɔŋu pīitì ní Unimbɔti Fam kpákatìń kii dibeenanjilee ki tɔ́kɔǹ u-pu,

Jean 1:51

Ibaamɔn ní m tùkù-ni, ni làá dāá ká kutagbɔŋu cúu pīitì, ní Unimbɔti tuuŋyi sìntīń ki jɔ́ḿ man Kinibiki pu.»

Jean 3:34

kun puee un Unimbɔti túnnée sòoǹ Unimbɔti bɔti ní. Di sá Unimbɔti tìì-u u-Fam ní an kaa cáá bí dūú ŋmàntī.

Actes 1:22

kí yòon̄ daliŋkin Yoowaneesi fùl̄-u Unimbɔti nyim kí tin cáá sāā ŋwiin ŋun u yíkì ki nín jɔ́ḿ yilpuee. An máaǹ yii binib gbanti kansikin ubɔ nín kūtì ti-pu kí kpántí Yeesu fìkititam seeraleeliu.»

Actes 7:56

Ní u bí yii: «Kpèèmaan, m ká yilpu cúu pīitì, ní Yeesu Kinibiki yú Unimbɔti ŋaŋgiil pú!»

1 Jean 5:6

An sá úǹ Yeesu Kriisitoo di dɔ́miń duulinyan nì nnyim nì fatiku. An kaa sá nì nnyim ŋmaniŋma, ama an sá nì nnyim nì fatiku ní. Ní Unimbɔti Fam mun lèekī seera yii an sá míǹ, kun puee mì sá mbaamɔn ní.