Matthieu 3:12 - UNIMBƆTI NYƆƆBUNDI GBƆŊKU

¹² Úǹ ŋúb́ u-yubakalkaaku, ní ki làá bàkal̀ kí gàntī tifin nì idi, ní kí dū idi kí ŋá kulɔŋŋun ní kí dū tifinee kí dūú tɔ̄ ŋŋmi ŋun kaa kúù jaanjaanee ni.»

Matthieu 3:12 Iomraidhean Croise

Yoob 21:18

Baa bí kii kumoou kun kubuŋu yòontée, kaa tí bí kii kukpɔŋkpɔŋu kun kunaakpaabuŋŋu yòontée!

Psaumes 1:4

Ama an kaa bútí binikpitib míǹ báà fiii. Bíǹ bí kii tifeel tin kubuŋu yòontí ki féeńee ní.

Psaumes 35:5

Yàntī ti-Dindaan tuuŋŋu yaa bīī bi-boon ki jì-bee, bí nīn bí kii tifeel tin kubuŋu yòontí ki féeńee.

Esaïe 1:31

Upɔɔl làá dāá nīn sá usá, ní u-tuuŋŋi dāa sá kii ŋŋmiyatiyaalee. Bi-liitil làá dāá fōō ŋŋmi, ní ubɔ kaa dāa bí kí gbíntí.

Esaïe 17:13

Atimbun gbanti wooku náań nì nnyiŋkpaam wooku ní. Ti-Dindaan kpìl̄-mì ní mì sáǹ ki nín cá ndandati, a lì kii dijool pu buŋku nín yòontí timɔkulindi ki féeń puee, kii kubuŋu nín yòontí kikuŋkumbɔŋ biliŋ puee, a lì kii kubuŋkpaaŋŋu nín yòontí kukpɔŋkpɔŋu puee.

Esaïe 27:4

Maa ti gíí diŋuul bu-pu. M yaa ká abɔjanaakun nì ikuŋkum bu-poonee, m làá gāā-i kí dū-i kí tɔ̄ ŋŋmin í wà.

Esaïe 28:28

Ukpaal yaa gbáà bileeyee, waa gbáà kaa gbèentí. U yàntī tɔrɔku taaŋi nì kuwaŋkuluu kun dàtī-uee di tà bilee, ama baa tà kí mátí abil.

Esaïe 30:24

Inaa nì mmamu mun kù a-satee dāa ŋmóò timool tin bi ŋmālim̀ ŋyaamee ní. Bi làá dāá nīn cáá peela nì adɔpantampal ní ki kàfī timool gbanti ki yàantí kitiŋ.

Esaïe 41:16

A làá dāá càatī-bi kubuŋu ń yòon̄-bi, ní kunaakpaabuŋŋu ń yàaǹ-bi an kɔkɔ pu. Ama siiyee, a làá dāá nīn tátí ki fàal̀ ti-Dindaan pu, kí dāá nīn làntī Isirayeel Circir Nimbɔtiu pu.

Esaïe 5:24

An pu ní kii ŋŋmi nín wù timool pu, timɔkulindi ń wà búkú buku puee, míǹ ní bi-nyaaŋyi làá sūū ní bi-pumpukum ń kpántí kii ŋkpɔŋkpɔmee kubuŋu ń yòon̄, kun puee bi fá ti-Dindaan Mpɔŋkɔdaan marau, kaa fātìi tɔ́ Isirayeel Circir Nimbɔtiu bɔti.

Esaïe 66:24

Binib yaa láa nyēē kitiŋinee, bi dāa ŋūǹ kí ká bin nìn jáń nì mee nikpiliŋ. Akoosibil ŋin dāa ŋmóò-ŋee kaa dāa kúù jaanjaan, ní ŋŋmi ŋun dāa wù-bee mun kaa dāa kúù. Án làá dāá nīn cáá kitiŋ kɔkɔ nib titantan ní.

Jérémie 15:7

Kitiŋee timmu kɔkɔ poonee, m yōoǹ ndɔ ŋun m cáa gbáà tijimpinee ki gbáń ki yāaǹ-bi. M nāaǹ-bi ki yāntì baa ti cáá mbiyaamu, ama ní baa kpántì bi-bimbim.

Jérémie 17:27

Ama ni yaa kaa pílifiǹ-mi kaa dū ŋwiŋŋuŋfikaa ki sú-mi, ki túǹ diwaŋgul ŋwiŋŋuŋfikaa dal ki dī Jeerusaleem punyɔmmu pu ki kɔ́ee, m làá tūū ki-punyɔmmu ŋŋmi. Ŋu làá wà Jeerusaleem beeciŋŋi, ní kaa làá kpú.>»

Jérémie 4:11

Ŋyunti gbantee ti-Dindaan làá dāá lì Jeerusaleem yab yii: «Ŋgbantamu pu buŋku kun tùm̀ee làá nyānní kuteeun kí jītí m-nibul pu. Kubuŋu gbanti kaa dāa sá kun jītí bi càatī àá bi céefí tijimpinee.»

Jérémie 51:2

M làá cáań binicambi kí tɔ̄ ki-pu ní bí jà ki-nib kí yàl̄ kii kubuŋu nín yòontí tifeel kí fá puee ní. Bi làá nàan̄ kitiŋee. Dinimbinaamandi dalee, bi làá màntī kí tū-kì ijaan kɔkɔ pu.»

Jérémie 7:20

«Too, m làá kpáatí m-ŋuukpaandi kí sìtī mpaan nee nì binib nì ipeel nì tisatin sufii nì tikpaajin pu. Di làá nīn bí kii ŋŋmi ŋun kaa kúùyee ní.»

Osée 13:3

An pu ní bi làá nīn bí kii ditaafaapɔ̀ńdee, a lì kii ditaafaamalindi nín wáŋkí pu malaayee. Bi làá nīn bí kii tifeel nín yíkí pu kí cù ndandati kí wàatī dibileenaapaal puee ní, àá kii ŋŋminyiim nín nyēē mbùń ŋubɔ poon puee ní.

Amos 9:9

Di sá yii m làá tīī mara ní bí jáká Isirayeel timbundi atimbun ŋin kíǹee kɔkɔ poon, kii bi nín dù kidicaai kí jáká tiwan pu, báà kitaŋkpalii kaa lùntī kí lítée.

Matthieu 13:30

Míǹ puee, yàntīmaan an kɔkɔ ń nīn yú ki cí kudiceeu. Ŋyunti gbantee ní ḿ tùkù-bi yii: 'Fùkùmaan ukeenjee kí bíĺ afeencun afeencun kí tūū ŋŋmi, ama cáámaan m-dii kí ŋá m-cakalaaun.'>»

Matthieu 13:41

Man Kinibiki làá dāá tɔ̄ń m-tuuŋyi ní í dāá lēē m-Beelin bin kɔkɔ sá nsugimu bi-jutiibi gbéetí ki lítée nì bin ŋáań ikpitee,

Matthieu 13:42

ní kí dū-bi kí tɔ̄ ŋŋmin kipaayin, laakin bi làá nīn kā ki sūǹ, bi-nyiŋŋi gà tɔb kàkakee.

Matthieu 13:43

Ama ní deedeedambi dāa jìl̀ kii ŋwìińee ní pàlpal bi-Baa Beelin. Un yaa cáá ditafalee ń gbìl̄.»

Luuki 3:16

Niinee ní Yoowaneesi bí bi-kɔkɔ yii: «Man fùul̀-ni nì nnyim ní, ama ubɔ dòoń, u-pɔŋŋu jítiǹ man yɔŋu. Man kaa kpántì kí nīn sá u-yumbuu kí kútí u-naataaŋmiii gba. Úǹ di làá dāá fàl̀-ni nì Unimbɔti Fam nì ŋŋmi.

Luuki 3:17

Úǹ di ŋúb́ u-yubakalkaaku ki làá bàkal̀ kí gàntī idi nì tifin, kí dū idee kí ŋá kulɔŋŋun, ní kí dū tifin kí tɔ̄ ŋŋmi ŋun kaa kúù jaanjaanee ni.»

Jean 15:2

Apan ŋin túkú m-pu kaa lòoǹee, u gà-ŋi ki féeń ní. Apan ŋin lòoǹee, u ŋáŋkí-ŋi, ní ŋí mɔ̀tīí lòoǹ.