Matthieu 3:11 - UNIMBƆTI NYƆƆBUNDI GBƆŊKU

¹¹ Man cáá nnyim ní ki fùul̀-ni ki dàkà yii ni bíi kpántí ni-bimbim, ama un làá dāan̄ man boonee làá dāá fàl̀-ni nì Unimbɔti Fam nì ŋŋmi ní. Úǹ cáá mpɔn ki jítiǹ man, maa sàafì kí nīn sá u-yumbuu kí yòon̄ u-naatakaŋ gba.

Matthieu 3:11 Iomraidhean Croise

Esaïe 4:4

Ti-Dindaan làá yàntī kubuŋu kun ŋáań binib deedee nì circiree ń jītí ní kí fíntí Siiyɔn nimpunyaambi jɔkɔnti. U làá fíntí Jeerusaleem tiŋki fatiku un u nyántèe pu.

Esaïe 44:3

Di sá yii m làá yàaǹ kitiŋ kin kūńee pu nnyim, kí yàntī ibun ń pùub̀ kitiŋkuliŋŋi pu. M làá dāá yàntī m-Fam ń kpákatiń a-biyaamu pu, ní kí bìin̄ a-naantiibi pu.

Zacharie 13:9

M làá fíntí bin kíǹ kaa kpíì gbantee jɔkɔnti kí cɔ̄ŋkì kí kpèè kii bi nín dù tikúti nì sindaariya kí ŋá ŋŋmin kí cɔ̄ŋkì kí kpèè puee ní. Niinee bi làá dāá yíiń-mi ní man ḿ dāá kíí-bi. M làá dāá lì-bi yii bi sá <m-nibul> ní bi mun ń dāá lì-mi yii: <M-Nimbɔtiu di sá m-Dindaan.>»

Matthieu 3:6

ki bìitī bi-kpitii pu ní Yoowaneesi fùul̀-bi Unimbɔti nyim Jɔɔdan buŋŋun.

Marc 1:4

Ntuunee di sá un bi yíì Yoowaneesi u kóò kuteeun ki fùul̀ binib Unimbɔti nyimee. U nìn báakí ki tùkù binib yii: «Kpántímaan ni-bimbim kí yàntī bí fàl̀-ni nnyim, Unimbɔti ń dū ni-kpitii kí pɔ̄-ni.»

Luuki 1:17

U làá dāá lìntīń ti-Dindaan nyɔkɔpu kí dāá nīn cáá Unimbɔti Fam nì mpɔn kii Eelii nín nìn cáá puee. U làá yàntī bibaatiibi nì mbiyaamu ń mɔ̄ɔkì, ní kí gíiǹní bin gáatèe deedeedambi ciiŋŋun, ní kí bɔ́ntí dinikitil mmɔntiim kí yóoń ti-Dindaan.»

Luuki 3:16

Niinee ní Yoowaneesi bí bi-kɔkɔ yii: «Man fùul̀-ni nì nnyim ní, ama ubɔ dòoń, u-pɔŋŋu jítiǹ man yɔŋu. Man kaa kpántì kí nīn sá u-yumbuu kí kútí u-naataaŋmiii gba. Úǹ di làá dāá fàl̀-ni nì Unimbɔti Fam nì ŋŋmi.

Luuki 3:3

Ní Yoowaneesi kíĺ ki bíi yìiǹ ntimu mun bí Jɔɔdan buŋŋu caŋinee ki sòoǹ yii: «Kpántímaan ni-bimbim bí fàl̀-ni Unimbɔti nyim, ní Unimbɔti ń dū ni-kpitii kí pɔ̄-ni.»

Jean 1:15

U-pu ní Yoowaneesi nìn kúuǹ ki lī yii: «Un m nìn lī yii u dòoń man boon ama úǹ jítiǹ mamee, dee! Di sá yii úǹ pée bí ní bi nín màl̄ man.»

Jean 1:30

Úǹ pu ní m fu sòon̄ yii: <Uninja ubɔ làá dāá dāan̄ man boon, ama úǹ jítiǹ man, kun puee úǹ pée bí ní bi nín màl̄ man.>

Actes 1:5

Kun puee nì nnyim ní Yoowaneesi nìn fùul̀ binib. Ama nimbee, nì iwiŋkaaŋkaa poonee, Unimbɔti làá fàl̀-ni nì Circir Fam.»

Actes 19:4

Niinee ní Pɔɔl kíí-bi yii: «Yoowaneesi nyiŋfàltam sá ki tīī bin fá bi-kpitiiyee ní. U nìn tùkù samaa yii bí dāá fōō un làá dāá dāan̄ úǹ boonee kí kíí: an dàkà yii Yeesu.»

Actes 8:36

Bi còom̄ ki cée, ki bàn̄ laaba ki ká nnyim, ní ukàlinjee bí yii: «Kpèè, nnyim sèé nee. Ba di gíti lìkintí-mi bí taa fàl̀-mi Unimbɔti nyim?» [

Actes 8:38

Ní u bí yii bí yóoń tɔrɔku, ní u nì Fiiliipi liitil nín sìntī ŋkpinni, ní Fiiliipi tin fùl̄-u Unimbɔti nyim.

1 Corinthiens 12:13

Míǹ ní bin sá Juuda yabee nì bin kaa sée, nì bin sá iyumbuee nì bin kaa sée, Unimbɔti Fam mbaantiim ní bi fùl̄ ti-kɔkɔ ti kpántì tiwumbaantiil. Míǹ ní Unimbɔti tīī ti-kɔkɔ u-Fam gbanti mbaantiim.

Ephésiens 3:8

Unimbɔti yab kɔkɔ kansikinee, man di sá bin sá ŋwaamuee waaki. Nì míǹ kɔkɔee, Unimbɔti pú-mi diyimɔɔl ḿ sòoǹ nì bin kaa sá Juuda yabee Kriisitoo gaajati tin sá tikpaŋkpaandi, kaa cáá dikúntilee bɔti.

Tite 3:5

ki fīī-ti. An kaa sá yii ti túń atunnyaan aba, an sá isaa ní u súń ti-pu. Bi nín fùul̀-ti Unimbɔti nyim puee di dàkà min Circir Fam fātìi màl̄-ti mpɔm ki tīī-ti dimaŋfapɔndi diŋyee.

1 Pierre 5:5

Nimbi binaacimpɔmbi mun, ní sìntīǹ ni-ba taapu kí tīī bikpilib. Ni-kɔkɔ ń sìntīǹ ni-ba kí tīīmaan tɔb kí nīn tūǹ atuun ki tìì tɔb, kun puee Unimbɔti gbɔŋku poon lī yii: «Unimbɔti kaa gèetíǹ bilambidambi, ama ní ki ŋáań tiŋan ki tìì bin sìntīǹ bi-ba taapuee.»