Matthieu 3:10 - UNIMBƆTI NYƆƆBUNDI GBƆŊKU

¹⁰ Unimbɔti bɔ́ntì kicɔkɔ ki bíl̀ isufi taapu kí kpìkitī-i. Busubu bun kamaa yaa kaa lòoǹ abimɔntee, bi làá gāā-bu kí tɔ̄ ŋŋmin ní.

Matthieu 3:10 Iomraidhean Croise

2 Samuel 23:7

Un yaa là kí gbēē-iee, see udaan ń dū kikpaŋ àá ndɔ kí kùl̄-i kí tūū ŋŋmi dibɔbilin niin.

Psaumes 1:3

Udaan bí kii busubu bun yú mbun caŋin, ki lòoǹ ŋyunti ŋun an máaǹ bú lòoǹee ní. Bu-faati pée sɔ̀m̀ ŋma ní. Tin kamaa udaan ŋáańee bútí-u ní.

Psaumes 140:10

Yàntī bi nín sòon̄ kí ŋá-mi tikpitil tiŋyee ń fàtīí gítí bíǹ bi-ba yil pu!»

Psaumes 92:12

M-nimbil ká m-nannanliibi lítitam, m-tafal gbìl̄ bin jáà nì mee biilii pu.

Esaïe 27:11

Tikpaŋkpaal yaa kūń ki kɔ́fì kɔ́fèe, ní binimpoobi ń dāan̄ kí dū ŋŋmi kí sēē. Tiŋman ní, dinibul nee kaa gbìl̀ tibɔti taapu. An pu ní Unimbɔti un náań-bee kaa làá sɔ̄ bi-pu, un di máń-bee kaa làá sɔ̄ bi-saai.

Esaïe 61:3

Siiyɔn pu ní bi kā dikpool. M làá pítí ŋfantam min bi dūu pùkū bi-yilee kí dū ŋŋaamɔnti kí fìn̄ bi-yiliŋ. M làá cúú kpɔsata kí pèetī-bi ní kí dū ŋkpam min sɔ́fèe kí ŋmìtī-bi. M làá dū dijiŋaabɔkutil kí pèen̄-bi ní dí fōō diwuŋyɔtil paaŋŋu. Niinee bi làá dāá yíiń-bi yii isufi in tìì Unimbɔti tinyoolee, bukpaa bun dàkà ti-Dindaan nyootee.

Jérémie 17:8

Udaan bí kii busubu bun yú mbun caŋin, bu-nyaaŋyi lālim̀ ki kɔ́ mbunee ní. Kutuntuŋu yuntiŋuee, buaa fàŋkí tiba, ní bu-faati pée sɔ̀m̀ ŋma. Báà ŋweel yaa yúl̀ dibimmɔndi, bu pée lòoǹ abil ní kaa gbèentí.

Daniel (hébreu) 4:14

«Unimbɔti tuuŋyi in cí duulinyee di bíi lèekī tibɔti nee ki dàkà. Mimmee binib kɔkɔ làá béé yii Yilpu Fɔ́ŋŋŋ Nimbɔtiu di cáá binib beeŋi kɔkɔ pu mpɔn. Úǹ di kàantí un u yaa lèe dibeel ní ki yòontí unil un sīntiǹ u-ba taapuee yilpu.»

Matthieu 21:19

U kpēēyee ki ká busubu bun bi yíì fiigee yú nsan caŋin, ní u pāatì busubuee taapu ki bàà nyàab̀ asubil kí ŋmɔ́, ní ki ká yii an sá tifaal ŋmaniŋma ní. Ní u lī busubuee yii: «Sii pée gíti kpá kí lòoǹ dibil.» Kpalaa niin ní busubuee kūń.

Matthieu 7:19

Isufi in kɔkɔ kaa lòoǹ asubimɔntee, bi làá gāā-i ní kí tɔ̄ ŋŋmin.

Luuki 23:31

Bi yaa ŋá man un sá bususɔmbuee mimmee, kin nimbi bin sá isukulimee fáà?»

Luuki 3:9

Áli gba, Unimbɔti bɔ́ntì kicɔkɔ ki bíl̀ isufi taapu: busubu bun kamaa yaa kaa lòoǹ abimɔntee, bi làá gāā-bu kí tɔ̄ ŋŋmin.»

Jean 15:2

Apan ŋin túkú m-pu kaa lòoǹee, u gà-ŋi ki féeń ní. Apan ŋin lòoǹee, u ŋáŋkí-ŋi, ní ŋí mɔ̀tīí lòoǹ.

Jean 15:6

Un yaa kaa bí man nee, bi gà-u kí fá kii disupandee ní, ní ú kpā. Asupaŋkulimee, bi kōontí-ŋi kí tɔ̄ ŋŋmin, ní án wà.

Hébreux 12:25

An puee ní nīn nyíǹ ni-ba kí taa yíí un bí ki sòoǹ nì ni nee nyɔkɔ. Bin nìn yíì kaa fōō un nìn bí bi-cee taapu doo ki sòoǹ nì bee nyɔkɔee, bi nìn dáaĺ bi-tafal ní, kin ataa aŋa ní ti yaa yíì kaa fōō un nyánní yilpu ki sòon̄ nì tee nyɔkɔee, taa kāntí ditafadaaldi!

Hébreux 6:8

Ama kitiŋ gbanti yaa nyēē ikuŋkum nì abɔjanaakunee, mimmee bi ká-kì yii kàa bí tiban dee. Mbusu kaa pɔ̄ɔ̄ an tiŋkee dikɔl, kun puee ŋŋmi di dāa dòoń kí wà-kì.