Matthieu 3:1 - UNIMBƆTI NYƆƆBUNDI GBƆŊKU

¹ Ŋyunti gbantee ní Yoowaneesi un fùul̀ binib Unimbɔti nyimee dɔ́miń ki bíi báakí Unimbɔti bɔti Juudee teekun, yii:

Matthieu 3:1 Iomraidhean Croise

1 Rois 2:34

Niinee ní Yeewooyadaa jipɔɔn Beenayawuu nín gítí Joowaab cee ki kūū-u. Bi nìn síb́ Joowaab u-dumpu kuteeun ní.

Matthieu 11:11

Ibaamɔn ní m sòoǹ, bin kɔkɔ unimpu núuĺ ki màl̄ee kansikinee, ubɔ kaa bí ki jítiǹ Yoowaneesi. Ama un sá kiwaai Unimbɔti Beelinee jítiǹ Yoowaneesi.

Matthieu 11:7

Yoowaneesi boonnooliibi búntèe ní Yeesu bíi sòoǹ Yoowaneesi pu samaayee cee ki bí yii: «Ni nín cūtì kuteeun ki kpēē Yoowaneesee, dinicil dilal ní u sá? U sá kii dikaliŋgbaandi din kubuŋu fīintéeee?

Matthieu 16:14

Ní bi kíí-u yii: «Biba bí yii a sá Yoowaneesi un fùul̀ binib Unimbɔti nyimee, ní biba mun bí yii a sá Unimbɔti bɔnaatiliu Eelii, ní biba mun bí yii sii di sá Yeereemii àá Unimbɔti bɔnaatiliibi kansikin ubɔ.»

Matthieu 21:32

Di sá yii Yoowaneesi dɔ́miń ni-cee ki dàkà-ni deedee saŋŋu ní naa fōō-u ki kíí, ama ní bifɔtiliibi bin ni kpèé fámee nì nnimpulaakpaamu fōō-u ki kíí. Ni nín ká mimmee boonee naa kpántì ni-landɔkɔi kí fōō-u kí kíí.»

Matthieu 3:8

Nín̄ tūm̀maan atuun ŋin dàkà yii ni fá ni-kpitiiyee

Marc 1:15

«Ŋyunti bāań. Unimbɔti Beel sútì ki pìlīń-ni. Fámaan ni-kpitii kí fōōmaan tibɔmɔntiil nee kí kíí!»

Marc 1:2

Yeesaya Unimbɔti bɔnaatiliu nìn ŋmàn̄ u-gbɔŋku poon ki síiǹ, yii: Unimbɔti bí yii: «M-tuuŋŋu sèé! M túnní-ŋu ŋú lìntīń a-nyɔkɔpu kí dāá ŋāŋkì-si nsan.

Luuki 1:76

Ní sii, kibiki, bi làá dāá nīn yíì-si Yilpu Fɔ́ŋŋŋ Nimbɔtiu bɔnaatiliu ní. Di sá yii sii di làá dāá nīn līī ti-Dindaan nyɔkɔpu kí ŋāŋkì u-saŋŋu,

Luuki 7:24

Yoowaneesi boonnooliibee nín gítée, ní Yeesu bíi sòoǹ nì kunipaau Yoowaneesi pu yii: «Ni cūtì kuteeun kí kpèè Yoowaneesee, dinicil dilal ní u sá ní? U-bɔti kpántí kii kubuŋu nín fīintí dikaliŋgbaandi pueeee? Aayee.

Actes 1:22

kí yòon̄ daliŋkin Yoowaneesi fùl̄-u Unimbɔti nyim kí tin cáá sāā ŋwiin ŋun u yíkì ki nín jɔ́ḿ yilpuee. An máaǹ yii binib gbanti kansikin ubɔ nín kūtì ti-pu kí kpántí Yeesu fìkititam seeraleeliu.»

Josué 14:10

Ti-Dindaan lafun yāntì m bí dimaŋfalin ki dāa sāā díǹ pu nee, kii u nín nìn pōoǹ-mi puee. Ti-Dindaan nín sòon̄ nì Mooyiisi an bɔtee, an ŋá abin imuŋku ili nì aŋmoo dee. Ŋyunti gbanti ní Isirayeel yab nìn bí ki còom̄ kuteeunee. Kpèè, kɔŋkɔnnee m cáá abin imuŋku inaa nì abin aŋmoo dee.

Juges 1:16

Mooyiisi coo un nìn sá Keeni maaliŋunee naantiibi yíkì Ibafi tiŋki ki nóó Juuda naakookun yab ní bi-kɔ nín jɔ́ḿ Juuda teeku dijandi din bí Araadi tiŋki ŋgiil púee. Bi bàn̄ ní ki kāl̀ dinibul din nìn kóò niinee yab kansikin.