Matthieu 28:3 - UNIMBƆTI NYƆƆBUNDI GBƆŊKU

³ U nìn jìl̀ kii ntaaŋmɔŋmɔee, ní u-wampeeŋkaati pīiǹ káŋkaŋ.

Matthieu 28:3 Iomraidhean Croise

Psaumes 104:4

Kubuŋu di sá a-tuuŋyi, ní aŋmilimbil sá a-tɔntɔnliibi.

Daniel (hébreu) 7:9

«M bíi kpèé ŋyunti ŋun bi bíi sīintí abeejalee ní utikpil ubɔ dɔ́miń ki kāl̀ abeejalee diba pu. U-wampeeŋkaati nìn pīiǹ káŋkaŋ ní u-yikpiti mun pīiǹ kii ipii kuti tin bi fíntèe. U-beejal nìn sá aŋmilimbil ŋma ní, ní ki nìn cáá ataa. Ataa gbanti mun nìn sá ŋŋmi ŋma ní.

Matthieu 17:2

ní ki cúú u-ba ki kpántì bi-nimbiin, ní u-nimbiin kíǹ ki jìl̀ pàlpal kii ŋwìińee, ní u-wampeeŋkaati píil̀ bɔ́iii kii ŋwalifee.

Matthieu 28:4

Soojab nín wál̀-uee, ní bi fāŋkì tikpil, bi-wunti bíi jìkì ní bi fìkī.

Marc 16:5

Binimpoobee bāań ki kɔ́ dikaakulinee, ní ki wál̀ unaacimpɔɔn ubɔ kā bi-ŋaŋgiil pú ki pēē jibapiin, ní tifaandi kɔ́-bi.

Marc 9:3

ní u-wampeeŋkaati píil̀ káŋkaŋ ki kíǹ ki jìl̀ pàlpal. Unil báà ubɔ kitiŋ nee pu kaa ŋūǹ kí fíntí tiwan tí pīil̀ kii u-wanti nín nìn pīiǹ puee.

Jean 20:12

ní ki ká Unimbɔti tuuŋyi ili kā laakin bi nìn bíl̀ Yeesu wuntee ki pēē tiwampin. Ŋubɔ kā u-yil laŋki, ní ŋun kíǹee mun kā u-taaŋi laŋki.

Actes 1:10

Bi dáá gbíntìi yú ki kpèé yilpu u nín cá puee, kpalaayee, bininjab bili dee bi-nimbiin ki pēē tiwampin,

Apocalypse 10:1

Boonee ní m ká ntuun ŋubɔ ŋun cáá mpɔnee nyánní yilpu ki kpákatiń, ní ditagbandi bīī ŋu-pu ní dikuntinyindi māntì ki tú ŋu-yil, ní ŋu-nimbiin jìliŋkī kii ŋwìińee, ní ŋu-taaŋi bí kii ŋŋmipiinee,

Apocalypse 18:1

Boonee ní m ká ntuun ŋubɔ nyánní yilpu ki cáá mpɔŋkpaan, ní ŋu nín jìl̀ puee ŋmíntì duulinya kɔkɔ.