Matthieu 27:4 - UNIMBƆTI NYƆƆBUNDI GBƆŊKU

⁴ ní ki bí-bi yii: «M ŋá ikpiti ní ki dū un kaa ŋá tibee ki tīī ní kpɔ̀!» Ní bíǹ kíí-u yii: «An ká timbi la? Sii nì a-bɔti dee!»

Matthieu 27:4 Iomraidhean Croise

1 Rois 21:27

Akaab nín gbìl̄ tibɔti gbantee ní u cúú tiwan tin u pēēyee ki cátì, ní ki dū kutuku ki pēeǹ ní ki bóob́ kinyɔkɔ. U nìn pèentí kutuku míǹ ní ki dɔ̀, ní ki còom̄ soooo soooo.

2 Rois 24:4

U nìn kūū maanyiibab tikpil ki yāntì fatiku gbí Jeerusaleem tiŋki, an puee ti-Dindaan kaa nìn kíí kí dūú pɔ̄.

Yoob 13:4

Nimbee, ni cáá inyimɔn ki bìintí ibaamɔn pu, ni-kɔkɔ sá inyimɔn nyɔkɔdambi ní.

Yoob 16:2

Tin a sòon̄ee, m gbìl̄ míǹ ŋfunyɔm dilaataal pu. Ni sá biŋmeenliibi bin kaa pée bí tibanee ní.

Psaumes 94:21

Bi kpáfí kinyɔkɔ ki lèekī deedeedaan maŋfal, ki sòoǹ maanyiiba bɔti ki kù-u.

Exode 12:31

Kunyataasiiu gbantee ní Faaroo yíiń Mooyiisi nì Aarɔn ní ki bí-bi yii: «Yīkì kí nyāmaan m-tiŋkin, ni nì Isirayeel yab kɔkɔ! Cùú jāam̀maan ni-Dindaan kii ni nín bālifì puee!

Exode 9:27

Niinee Faaroo yíiń Mooyiisi nì Aarɔn ní ki bí-bi yii: «Min bí nee, m béè yii m yīntì. Ni-Dindaan di sá deedeedaan ní man nì m-nibul fōō dibɔkpil.

Proverbes 12:8

Unil un cáá dinyilee, bi pàkà-u ní, ama bi kpèé un kaa nyí tibee fám.

Jérémie 26:15

Ama ni máaǹ kí béé yii nimbi nì Jeerusaleem tiŋki nì ki-nib yaa kūū-mee, maanyiiba fatikuu kpuulool làá lítí ni-pu. Di sá yii ti-Dindaan di lafun túnní-mi ni-cee ḿ sòoǹ nì ni tibɔti nee kɔkɔ ní gbìl̄.»

Jonas 1:14

Niinee ní bi tíminsì ki yíiń ti-Dindaan ní ki bí yii: «Áù, ti-Dindaan, ti gbàam̄-si! Taa yàntī tí kpú kijapaai nee pu. Taa dū kijapaai nee kpuulool kí lúntí ti-pu, waa ŋá-ti tiba. Ti-Dindaan, sisi a-ba nín là puee, míǹ ní a ŋá.»

Matthieu 27:19

Ŋyunti ŋun u kā ibɔsoon puee, ní u-nimpuu túnní bí tùkù-u yii: «Á taa pée cèeǹ deedeedaan nee bɔtin! Di sá yii m jíń u-pu falaa tikpil kudamintiiun díǹ.»

Matthieu 27:54

Room soojakpiliu nì u-yab bin nìn cí Yeesuee nín ká kitiŋ cìŋkitam nì tin kɔkɔ pée jítèe, ní tifaandi cúú-bi tikpil ní bi lī yii: «Tiŋman, kijapaai nee lafun sá Unimbɔti Jipɔɔn ní.»

Luuki 23:22

Ní Piilati fātìi tí lī ntataatiim yii: «Tibɔkpitil tilati ní u baasii ŋá ní? Man kaa ká diyìntil diba u-pu din pu ní u máaǹ ŋkúmee. Míǹ puee m làá yàntī bí gbá-u anaalab kí gíiǹ-u kí líí.»

Luuki 23:41

Timbi nín máaǹ puee di sá ditafadaaldi din poon ti bí nee, kun puee digaŋgam tuuŋŋi ŋin ti ŋáańee paati dee. Ama un bí nee, úǹ kaa ŋá digaŋgam ubɔ.»

Luuki 23:47

Room soojakpiliu ká mimmee ní ki bíi pàkà Unimbɔti, ní ki bí yii: «Ibaamɔn, kijapaai nee sá unimɔnti ní.»

Jean 19:7

Ní Juuda yab kíí-u yii: «Timbi marau poonee, u máaǹ ŋkúm, kun puee u bí yii u sá Unimbɔti Jipɔɔn.»

Actes 13:28

Nì min sá kamaa ní baa ká tin u ŋá ki máaǹ ŋkúmee, bi mēē Piilati yii ú kpɔ̀-u.

Romains 3:19

Ti nyí yii marab nín sòoǹ tiŋyee kɔkɔee, bi sòoǹ ki tìì bin bin Unimbɔti nìn tīī u-marabee ní. Míǹ puee, ubɔ kaa dāa cáá kinyɔkɔ kí wàan̄ kí tīī nnaakpal. Kitiŋ pu yab kɔkɔ dāa béetí yii bi sá binikpitib Unimbɔti nimbiin.

1 Timothée 4:2

Mpoonnyoondambi bin mɔ́ntí binib, bi-pɔbiliŋ tīlifèe di làá dāá yàntī bí gáatí.

Tite 1:16

Bi gà bi-biŋŋi yii bi nyí Unimbɔti, ní bi-tuuŋŋi ŋin bi tūǹee dàkà yii baa nyí-u. Bi sá bikpitib ní ki gáatì, kaa ŋūǹ kí tɔ̄ ditummɔntiil báà diba.

Hébreux 7:26

Usaraaŋakpil un ti máaǹee dee. U bí circir, kaa ŋá ikpiti iba, ikpiti iba kaa bí u-pu. Unimbɔti cúú-u ki lēē bikpitib kansikin ki jɔ́m̀ yilpu fɔ́ŋŋŋ.

1 Pierre 1:19

Ama an sá nì Kriisitoo fatikuu un jítiǹ tikɔkɔ nì tikɔkɔee ní u dū ki nyántì-ni. Kriisitoo di sá kii dipibimɔntiil din pu baa kāntí tikpitil tiba nì tibee.

1 Jean 3:12

Tí taa nín̄ bí kii Kayeen nín nìn bí puee. Úǹ nìn sá Sitaan niliu ní, ní ki kūū u-naal. Ba pu ní u nìn kūū u-naal míǹ? Kun pu u nìn kūū-uee di sá Kayeen tuuŋŋi sá akpiti, ní u-naal tuuŋŋi sá deedee yaŋ.

Apocalypse 11:10

Bi-kúm gbanti puee, an dāa sá duulinya yab kɔkɔ jiŋaal ní, ní bi fàal̀ ki pūǹ tɔb tiwan. Kun pu an dāa mɔ̄ǹ-bi mimmee di sá Unimbɔti bɔnaatiliibi bili gbantee nìn kɔ́ǹ-bi dinimbinaamandin.

1 Samuel 15:24

Ní Saayuul bí Samiyeel yii: «M ŋá ikpiti, m yīntì ti-Dindaan marab nì a-bɔkpaaŋi. Di sá yii m fāŋkì bijanjaliibi ní ki ŋá bi nín là puee.

1 Samuel 15:30

Ní Saayuul tí bí yii: «M ŋá ikpiti. Ama m gbāam̀-si, tīī-mi disíndi m-nibul kpilib nì Isirayeel yab nimbiin kí céeǹ-mi tí cù ḿ jāam̀ ti-Dindaan a-Nimbɔtiu.»

1 Samuel 19:5

U nìn dū u-maŋfal ki sú ní ki kūū ufiiliistiija. Ŋwiin gbantee, ti-Dindaan nìn tīī Isirayeel yab kɔkɔ dijajikpaandi. Sii a-ba nìn ká ki fāal̀. Kin ba pu ní a làá ŋá ikpiti kí kpɔ̀ Daafiidi un kaa ŋá tibee fám.»