Matthieu 27:3 - UNIMBƆTI NYƆƆBUNDI GBƆŊKU

³ Juudasi un nìn dū Yeesu ki nyáfèe nín ká yii bi làá kpɔ̀ Yeesuee, ní u-pɔbil bíil̀ tin u ŋée pu, ní u cáań animbil jitɔmbi mmuŋku nì saalaayee ki gíiǹ ki tīī bisaraaŋakpilib nì Juuda yab tindaŋkpilib,

Matthieu 27:3 Iomraidhean Croise

Yoob 20:5

binikpitib nyandi kaa cá ndan, ní bi-pɔɔpindi mun kaa súŋkáaa?

Exode 21:32

Unaa yaa gūū uyumbu uninja àá unimpuee, unaayee dindaan ń pà animbil jitɔmbi mmuŋku nì saalaa kí tīī uyumbuee kpiliu, ní bí yāŋkì unaayee ataŋkpee kí kpɔ̀.

Zacharie 11:13

Ní ti-Dindaan bí-mi yii: «Bi nín ká m-daaku nimbiŋmiiku sá puee dee! Yòon̄ animbikpaan gbanti kí cáá lúkú ukúduntil!» Ní m yōoǹ animbil jitɔmbi mmuŋku nì saalaayee ki cáa lúkú ukúduntil kunimbɔtidiin.

Jean 13:2

Ŋyunti ŋun u nì u-boonnooliibi kā ki jīǹ tijoojinee, mimmee Sitaan pée lūkutì Juudasi Isikaariyɔti, Siimɔn jipɔɔn ú dū Yeesu kí nyāfiǹ u-nannanliibi dee.

Jean 13:27

Juudasi fōō kpɔnɔee, ní Sitaan kɔ́ u-ni. Ní Yeesu bí-u yii: «Tin a cáá ki làá ŋée, á ŋá-tì malaa!»

Jean 18:3

Bisaraaŋakpilib nì Fariisab nìn tīī Juudasi disoojakitil nì dipilisikitil, ní u yōoǹ-bi ki cáa nín cá bukpaayee poon. Bi nìn ŋúb́ iŋminaapool nì fitilab nì tijanjawan.

Actes 1:18

Unil gbanti dū ntoonam nimbiliŋ ki dá kusaau. Niin ní u lítì dicincibil, u-pool pōō, u-nai kɔkɔ yāaǹ.

2 Corinthiens 7:10

Kun puee kunimbaau kun Unimbɔti kɔ̄ntí binibee cāabìń dibakpántil ní, ní unil ń ká difiil, ní kunimbaauee kaa ti páb̀-u. Ama kunimbaau kun duulinya nee gìŋ́ŋi tììyee cáǹ ŋkúmin ní.