Matthieu 27:2 - UNIMBƆTI NYƆƆBUNDI GBƆŊKU

² Ní bi bóob́-u ŋŋmii ki cáá-u ki ŋúbiǹ gɔmina Piilati.

Matthieu 27:2 Iomraidhean Croise

Genèse 22:9

Bi bàn̄ laakin Unimbɔti dàkā-bi bí cùee, ní Abraam máń niin nsaraafan, ki kɔ́fì idɔ ki páaǹ ní ki bóob́ u-jipɔɔn Isaaki ki páaǹ idɔee pu.

Matthieu 20:19

Bi làá dū-mi kí ŋúbíǹ bin kaa sá Juuda yabee ní bíǹ ń bèel̀-mi kí gbá-mi anaalab, kí kpáá-mi ndɔpuntikaa pu kí kpɔ̀-mi, ní winta dalee ḿ fàtīí fìkitī.»

Matthieu 28:14

Báà gɔmina yaa gbìl̄aaa, timbi làá sɔ̀kɔl̀-u kí nyāntí-ni tibɔtin.»

Luuki 13:1

Ŋyunti gbantee ní binib biba dɔ́miń ki tùkū Yeesu yii Galiilee yab biba nìn bíi kù tiwaŋkuti ki ŋáań saraa ki tìì Unimbɔti, ní gɔmina Piilati yāntì bi dɔ́miń ki kūū-bi, ní bi-fatikuu nì tiwaŋkuti tin bi kūūyee fatikuu ŋmālim̀ tɔbin.

Luuki 20:20

Ní bi kíĺ ki bíi cɔ́ŋkí Yeesu ní ki nyántì binib biba ki túnní u-cee, bi dū bi-ba ki gíiǹ nnimɔntiyaamin kí píĺ-u tibɔti bí ŋmā kí cúú-u kí dūú ŋúbiǹ gɔmina ń dáaĺ u-tafal.

Luuki 23:1

Ní bikpilibee kɔkɔ yíkì ki yōoǹ Yeesu ki cáa cūnnì gɔmina Piilati cee,

Luuki 23:12

Ŋwiin gbantee ní Piilati nì Eeroodi kansikin mɔ́ɔkì ní bi kpántì bibɔɔtiibi, dooooyee baa nìn kpí.

Luuki 3:1

Gɔminakpaan Tiibeer nín kāl̀ dibeel nee, an ŋá abin saalku dee. Dibindi gbanti poonee, Pɔnsi Piilati di nìn sá gɔmina Juudee tiŋkin, ní Eeroodi sá ubɔti Galiilee tiŋkin ní u-maan Fiiliipi mun sá ubɔti Iituree nì Trakoonii timmun, ní Liisaniyasi sá ubɔti Abileen tiŋkin,

Jean 18:12

Niinee ní disoojakitilee nì bi-kpiliu nì Juuda yab pilisib cúú Yeesu ki bóob́-u,

Jean 18:24

Yeesu ŋalii gbíntìi bóob́ee, ní Aani dū-u ki tīī usaraaŋakpil Kaayiifi.

Jean 18:28

Ní bi yōoǹní Yeesu Kaayiifi cee ki cáá-u ki nín cá gɔmina Piilati cee. An nìn dáá sá kutaafaau pɔ̀lpɔl ní. Juuda yab kaa nìn là kí kɔ́ gɔmina diikun kun puee bi là kí nīn bí circir kí ŋmā kí jī Dilákatil jiŋaaliu.

Actes 12:6

Kutaa ń wúntí Eeroodi ń cáá-u ibɔsoon samaa nimbiinee, kunyeeuee, Peetroo nìn sáká soojab bili kansikin ki dɔ̄ ki gèeǹ. Bi nìn bóob́-u ikusaka ili, ní soojab bili yú kipunyɔkɔpu ki cí kusarkadii.

Actes 21:33

Niinee ní Room yab soojakpikpaaŋwu dāatìi cúú Pɔɔl, ní ki bí yii bí dū ikusaka ili kí bóob́-u, ní u bālifì-bi un Pɔɔl sée nì tin u ŋée.

Actes 22:25

Bi bóob́-u ki dóò ki làá gbá-uee, ní Pɔɔl bí usoojakpil un nìn bí niinee yii: «An máaǹ ní gbá Room tindambiki un bɔti gba baa láá sòon̄eeee?»

Actes 22:29

Kpalaayee, bin bàà làá gbá-u kí yàntī ú sòoǹee kākatì ki wāatì-u. Usoojakpikpaanee nín dāa béè yii Pɔɔl sá Room tindambikee, ní tifaandi kɔ́ u mun u-ba, kun puee u nìn dū ikusaka ní ki bóob́-u.

Actes 24:27

Abin ali boonee ní Pɔɔsiyusi Feestuusi fōō Feeliikisi yil ki kíǹ ki sá gɔmina. Feeliikisi là an mɔ̄ɔkiǹ Juuda yabee, ní u yāntì Pɔɔl gbíntìi bí sarkan.

Actes 28:20

Kun pu ní m là kí ká-ni kí sòoǹ nì nee dee. Di sá yii dipoondi din pu Isirayeel yab kā ki mákée pu ní ikusaka kā m-ŋaan nee.»

Actes 3:13

Di sá Abraam nì Isaaki nì Jaakɔb Nimbɔtiu, ti-naanjab Nimbɔtiuee di ŋá míǹ kí tīī u-tɔntɔnliu Yeesu tinyool. Úǹ ní ni cúú ki tīī Piilati yii naa là-u, bí kpɔ̀-u, ŋyunti ŋun Piilati u-ba bàà nìn là kí gíiǹ-u kí lííyee.

Actes 4:27

An lafun ŋá míǹ, yii kitiŋ nee poon Eeroodi nì Pɔnsi Piilati nì binicambi nì Isirayeel yab kpáfì kí jáǹ a-circir tɔntɔnliu Yeesu, un a lēē u sá Meesiyayee.

Actes 9:2

ki mēē-u yii ú tīī-u tigbɔn ú cáá cùnnì Damaasi kpafidiiŋŋi kpilib cee, án nín làá ŋá pu u yaa ká biba niin bin nóó nsan gbantee, uninjeeee, unimpueeee, ú cúú-u kí bóob́ kí cáań Jeerusaleemee.

1 Timothée 6:13

Unimbɔti un tìì tiwan kɔkɔ dimaŋfalee nimbiin, nì Yeesu Kriisitoo un nìn sòon̄ ibaamɔn Pɔnsi Piilati cee mmɔntiimee mun nimbiin ní m kpáafí-si.

2 Timothée 2:9

Tibɔmɔntiil gbanti sòontam pu ní m bí ki jīǹ falaa bi bóob́-mi ikusaka kii m sá unikpitee, ama baa bóob́ Unimbɔti bɔti tíǹ.

Hébreux 13:3

Ní nīn téetímaan bisarkadambi pu kí jī bi-falaau kii ni nì bi kɔkɔ di kpáfì ki bí sarkanee, kí nīn téetí bin bi sàantée pu kii ni nì bi kɔkɔ ní bi kpáfì ki sàantée.

Juges 15:12

Ní bi bí-u yii: «Too, timbi sīntìń kí bóob́-si iŋmii kí cáá-si kí ŋúbiǹ Fiiliistii yab ní!» Ní Samsɔn bí-bi yii: «Ní pùtīmaan yii nimbi ni-ba kaa làá kpɔ̀-mi.»