Matthieu 26:53 - UNIMBƆTI NYƆƆBUNDI GBƆŊKU

⁵³ A nyí yii maan ŋūǹ kí yíiń m-Baa ń jòoń-mi, ní ú tīiń-mi niin niin ituun kutukub kutukubaaa?

Matthieu 26:53 Iomraidhean Croise

2 Rois 6:17

Eeliisee lī mimmee ní ki mēē yii: «Ti-Dindaan, ŋúbití u-nimbiliŋ ú wāl̀!» Ti-Dindaan cúú utɔntɔnlee nimbiliŋ ki ŋúbitèe ní u wál̀ itaamu nì janjatɔrɔkub bin sá ŋŋmee gbí dijool pu ki māntìi tú Eeliisee.

Daniel (hébreu) 7:10

Mbun ŋun poon ŋŋmi pùub̀ee nìn jītí u-nimbiin. Binib kutukub kutukub nìn bí ki tūǹ ditundi ki tìì-u ní binib kutukub cutimaanyi nìn yú u-nimbiin. Niinee bibɔsoonliibi kāl̀ ní bi cúú tigbɔn ki kpátì.

Matthieu 25:31

«Man Kinibiki yaa láa dɔ́miń m-nyootinee nì Unimbɔti tuuŋyi kɔkɔee, m làá dāá kàl̄ m-beejal pu nì tinyool.

Matthieu 4:11

Ní Sitaan cāntì-u ní Unimbɔti tuuŋyi dɔ́miń u-cee ki bíi kèetī-u.

Marc 5:15

ki bāań Yeesu ceeyee ki ká uwaati un pu kurasiniipaau nìn kēe kā ki pēē tiwan ki dàkafī nnimɔntiyaamin. Bi ká-uee, ní tifaandi kɔ́-bi.

Marc 5:9

Ní Yeesu bālifì-u yii: «Bi yíì-si yii ba?» Ní uwaatee kíí-u yii: «M-yindi di sá yii: <Kusoojapaau,> kun puee ti wīikí tikpil.»

Luuki 8:30

Ní Yeesu bālifì-u yii: «Bi yíì-si yii ba?» Ní u bí yii: «Bi yíì-mi yii Kupaau.» Kun pu u lī mimmee di sá yii arasiniibee nìn kā u-pu ki wīikí tikpil.

Jean 10:18

Ubɔ kaa ŋūǹ kí tìl̄ man maŋfal, see man m-ba di là ní kí dū-dì kí tīī. M ŋūǹ kí dū-dì kí tīī, ki ŋūǹ kí fàtīí fōō-dì mun. M-Baa nín bí ḿ ŋá miŋyee dee.»

Jean 18:36

Ní Yeesu kíí-u yii: «M-beel kaa sá taapu doo beel. M-beel yaa bàà sá duulinyan yal, m-tɔntɔnliibi bàà jáà kí mɔ̄tì m-pu ní. Baa bàà kíikí bí dū-mi kí tīī Juuda yab kpilib. Ama, m-beel kaa sá taapu doo yal.»

2 Thessaloniciens 1:7

U làá dāá kàan̄ nimbi bin jíń falaayee nì timbi nsɔŋfin ŋyunti ŋun ti-Dindaan Yeesu yaa láa nyánní yilpu nì u-tuuŋyi ipɔndambee.

Jude 1:14

Bíǹ pu ní Eenɔki un sá Adam naantitɔntɔkɔl ululuútee nìn sòon̄ dooooyee ki yóoǹ yii: «Ní pīlifì, ti-Dindaan dòoń nì u-circir tuuŋyi kutukub kutukub.