Matthieu 26:13 - UNIMBƆTI NYƆƆBUNDI GBƆŊKU

¹³ Ibaamɔn ní m tùkù-ni, duulinya jaŋŋi kɔkɔ, laakin ní bi dāa sòoǹ tibɔmɔntiil neeyee, bi làá dāá sòoǹ unimpu nee nín ŋá min nee kí nīn téetí u-pu.»

Matthieu 26:13 Iomraidhean Croise

Psaumes 112:6

Tiba kaa pée ŋūǹ kí cìŋkì deedeedaan, u-kpátam boonee, binib làá nīn pée téetí u-pu ní.

Esaïe 52:9

Jeerusaleem digbuŋŋi, ni-kɔkɔ ń kpāfì dicilpu kí nīn tátí mpɔn ki fàal̀! Di sá yii ti-Dindaan bíi sɔ̀ŋkī u-nibul pɔbil, u bíi fìil̄ Jeerusaleem tiŋki.

Matthieu 24:14

Bi dāa sòoǹ Unimbɔti Beel bɔmɔntiiti nee kitiŋ jaŋŋi kɔkɔ pái, án nīn sá seera kí tīī atimbun kɔkɔ kí wàatī ní duulinya ń nín kúntí.»

Matthieu 28:19

Míǹ puee, nín̄ cámaan atimbun kɔkɔ nib cee kí dū-bi kí kpántí m-boonnooliibi, kí fàl̀-bi Unimbɔti nyim, Ubaati, nì man u-Jipɔɔn nì Circir Fam yindi pu.

Marc 13:10

Ama an máaǹ yii inibool kɔkɔ ń gbìl̄ m-bɔmɔntiiti kí wàatī ní duulinya ń nín kúntí.

Marc 14:9

Ibaamɔn ní m tùkù-ni, duulinya kɔkɔwoooo laakin kamaa ní bi yaa láa sòon̄ m-bɔmɔntiitee, bi dāa téetí unimpu nee pu ki máafí min u ŋée.»

Marc 16:15

Ní u tùkū-bi yii: «Cùmaan kitiŋ jaŋŋi kɔkɔwoooo kí sòoǹ tibɔmɔntiil nee kí tīī kunibuluu kamaa!

Luuki 24:47

An máaǹ yii ní sòoǹ u-pu atimbun kɔkɔ nib cee, kí kíliń Jeerusaleem, yii binib ń kpántí bi-bimbim kí ká bi-kpitii pɔ̄tam.

Actes 10:4

Tifaandi nìn kɔ́-u, ní u kíǹ ki bíi kpèé Unimbɔti tuuŋŋu, ní ki bí yii: «Ba ŋá ní, m-Dindaan?» Ní ntuun bí-u yii: «A-wimmeem nì a nín pūǹ tiŋyee bàn̄ Unimbɔti, ní u téetì a-pu.

Romains 10:18

Míǹ puee, Isirayeel yab kaa gbìl̄ tibɔmɔntiilee naaa? Bi gbìl̄-tì. An nóó nì min an ŋmàn̄ee dee, yii: «Kitiŋ kɔkɔ gbìl̄ bi-neeŋyi pu, ní tibɔti tin bi sòoǹee bàn̄ kitiŋgbeennyɔkɔ.»

Romains 15:19

ki ŋá tidaandi nì maamaacib, nì Unimbɔti Fam pɔŋŋu. Míǹ ní m sòon̄ Tibɔmɔntiil tin sá Kriisitoo yatee an kɔkɔ, ki yōoǹ Jeerusaleem ki dāa sāā Iliirii tiŋki.

2 Corinthiens 10:18

An kaa sá a yaa bí ki pàkà a-bee di dàkà yii a lafun máaǹ kupampakau, see sii un Unimbɔti pàkèe.

Colossiens 1:23

Ama, ni máaǹ tibɔti tin ni nìn fōō ki kííyee, ní nīn ŋúb́-tì mmɔntiimin, kí nīn sí deedee kí báań inyaan kí taa lēē dimákal Tibɔmɔntiil tin ni gbìl̄ee pu. An bɔtee di sá tin bi sòon̄ ki tīī báà ŋma ajan kɔkɔee. Man mun Pɔɔl kpántì un kíǹ ki sòoǹ an bɔtee ní.

Colossiens 1:6

Tibɔmɔntiil gbanti tin bi cáań-nee bíi gbìtī ki lòoǹ abimɔnti ajan kɔkɔ nib cee. Míǹ ní tì túń atunnyaan ni-cee, kí yòon̄ doooo ŋyunti ŋun ni nìn péé péé ki fōō-tì ki lafun béè Unimbɔti nín ŋáań binib tiŋan tiŋyee.

1 Timothée 2:6

U dū u-ba ki tīī ki pàn̄ ti-kɔkɔ pu ki fōō-ti ki líì. U ŋá míǹ ki dàkā yii Unimbɔti là binib kɔkɔ ń ká difiil ŋyunti ŋun u síiǹee ní.

Hébreux 6:10

Di sá yii Unimbɔti sá deedeedaan ní. Waa làá súntí dineendi din ni dàkà binib u-puee nì atummɔnti ŋin ni túń nì ŋin ni gbíntì ki nìkì ki tūǹ ki tìì bin sá u-yabee pu.

Apocalypse 14:6

Boonee ní m ká ntuun ŋubɔ ŋàaǹ kutagbɔŋu pu yilpu yilpu ki cáá Tibɔmɔntiil tin kaa cáá dikúntilee ki tùkù binib bin kóò duulinyanee, ntimu kɔkɔ nib nì atimbun kɔkɔ nì isoon kɔkɔ nib nì anibul kɔkɔ.

1 Samuel 2:30

An pu ní man ni-Dindaan Isirayeel Nimbɔtiu lī yii: <M nìn pōoǹ yii a-dicaŋkun yab nì a-baa dicaŋkun yab làá nīn pée sá m-saraaŋaliibi ní kí nīn cá jaanjaan. Ama kɔŋkɔnnee, man ni-Dindaan sòon̄ yii an kaa ti sá míǹ. Di sá yii bin tìì-mi jilmee, m tìì-bi jilma ní, bin kpèé-mi fámee, ma mun kpèé-bi fám ní.