Matthieu 26:10 - UNIMBƆTI NYƆƆBUNDI GBƆŊKU

¹⁰ Yeesu gbìl̄ bi nín bí ki sòoǹ tiŋyee, ní u bíi lìǹ-bi yii: «Ba pu ní ni páb́ unimpu nee míǹ? An sá ditummɔntiil ní u ŋá ki tīī-mi.

Matthieu 26:10 Iomraidhean Croise

Néhémie 2:18

Ní m máafì-bi m-Nimbɔtiu nín bīī m-pu puee, nì ubɔti nín sòon̄ nì mi puee. Niinee ní bi téeń yii: «Tí yīkì kí māmaan.» Ní bi yíkì nì kunyannyaau ki kíĺ ditummɔntiil gbanti.

Yoob 13:7

Ni dàkafī yii Unimbɔti ní ni mɔ́ntáaa? Ni làá dū inyimɔn ní kí mɔ̄tì u-puɔɔɔ?

Matthieu 26:11

Kun puee ni nì biwɔfib di làá nīn pée bí baabadal, ama man kaa làá nīn bí ni-cee baabadal.

Matthieu 26:9

Bi bàà ŋūǹ kí nyāfì-u animbikpaan kí dūú yàkatī biwɔfibaa!»

Marc 14:6

Ní Yeesu bíi lìǹ-bi yii: «Yàntīmaan-u! Ba pu ní ni páb́-u míǹ? Unimpu nee ŋá ditummɔntiil ní ki tīī-mi.

Luuki 8:49

Yeesu kaa láá ŋmíl̀ ní unil nyánní kukpafidii kpiliuee dumpu, ní ki bí kukpafidii kpiliu yii: «A-bisal kpíì, taa ti páb́ ukpil fám.»

2 Corinthiens 9:8

Unimbɔti cáá mpɔn kí tīī-ni tiŋan kɔkɔ nì ti-nyɔkɔm tikpil tikpil, án nín làá ŋá pu ní nīn cáá baabadal tin kɔkɔ ni yaa lèe án lákatí ní nīn cáa tūǹ atummɔnti kɔkɔee.

Galates 1:7

Ama Tibɔmɔntiil tiba kaa ti bí ki kútì Yeesu Bɔmɔntiiti pu. An sá binib biba di là kí lábití ni-landɔkɔi kí cúú Kriisitoo Bɔmɔntiiti kí kpántí.

Galates 5:12

M bàà là bin páb́-ni ní gííyee ń cù bí fàatī-bi.

Galates 6:17

Kí pée yòon̄ díǹ kí nīn cá, ubɔ ń taa ti ŋá-mi digìńdi, kun puee m-wunti buŋwati di sá Yeesu daanti.

Ephésiens 2:10

Kun puee ti sá Unimbɔti wannaaŋkaati ní. Ti nín ŋá ubaanti nì Yeesu Kriisitooyee ní u fātìi náań-ti mpɔm, tí ŋmā kí nīn tūǹ atummɔnti ŋin u nìn bɔ́ntì ki yóoǹ tí nīn tūǹee.

Colossiens 1:10

Ú yàntī ni-bimbim ń nīn nóó nì bin sá ti-Dindaan yabee bimbim kí ŋmā kí fáatí-u ŋyunti sá kamaa. Míǹ ní ni làá nīn lòoǹ abimɔnti ŋin sá ní nīn tūǹ atummɔnti kɔkɔee, kí nīn mɔ̀tīi béetí Unimbɔti,

2 Thessaloniciens 2:17

ń gbéeǹ ni-pɔbiliŋ kunyannyaau kí tīī-ni mpɔn ní ŋmā kí nīn ŋáań tin ŋān̄ee ni-tuuŋŋi nì ni-bɔsoontam poon.

1 Timothée 3:1

Tibɔti tin m làá sòoǹee sá ibaamɔn ní: di sá yii unil un là kí nīn kpòotī Kriisitoo nikitilee lēē ditummɔntiil.

1 Timothée 5:10

Ú nīn sá unimpu un bi pàkà yii u tūǹ atummɔnti ki ŋúń ki ŋúb́ u-biyaamu tiŋan, ki fòol̄ binicambi mmɔntiimin, ki fíntí Unimbɔti nib taaŋi, ki tútúǹ bifalaadambi, ki pée tūǹ atummɔnti ŋmaniŋmee.

2 Timothée 2:21

Un yaa fá ikpiti in bɔti m sòoǹee kpántì umɔnti dee ki sá kii sindaariya booŋŋi ŋin yú ki cí iwiŋkpaanee. Di sá yii u bí ki tīī u-kpiliu an kɔkɔ pu ú dū-u kí tɔ̄ atummɔnti.

Tite 1:16

Bi gà bi-biŋŋi yii bi nyí Unimbɔti, ní bi-tuuŋŋi ŋin bi tūǹee dàkà yii baa nyí-u. Bi sá bikpitib ní ki gáatì, kaa ŋūǹ kí tɔ̄ ditummɔntiil báà diba.

Tite 2:14

Úǹ di dū u-ba ki tīī ki dá-ti ki nyántì ikpiti kɔkɔ poon, ní ki dū-ti ki kpántì dinikitil din sá úǹ baba yal, ki bí circir, ki cáá difaŋgiil ki tūǹ atummɔntee.

Tite 3:1

Á téetí-bi yii bi máaǹ kí sìntīǹ bi-ba kí tīī bikpilib bin sá gɔmina nì biyidambee. Bí nīn tɔ́-bi, ki yáb̀ atummɔnti kɔkɔ pu.

Tite 3:14

An máaǹ ti-yab mun ń dū bi-ba kí tīī atummɔnti tɔ̄tam, án nín làá ŋá pu tiba yaa bāań ki páb́ee, bí ŋmā kí tūtuǹee. Bí taa nín̄ kā, kaa kèetī diba.

Tite 3:8

Tibɔti tin m sòoǹ nee sá ibaamɔn ní. M là á nīn cɔ́ tibɔtee pu tikpil, án nín làá ŋá pu bin fōō Unimbɔti ki kííyee ń dū bi-ba kí tīī atummɔnti tɔ̄tamee. Tin ŋān̄ ki kèetī binibee dee.

Hébreux 13:21

Unimbɔti gbanti ń tīī-ni ŋŋmam ní nīn pée ŋáań tin ŋān̄ee nì tin u lèe. Yeesu Kriisitoo puee, ú dī ti-pu kí ŋá min fáatiǹ-uee. Úǹ Yeesu Kriisitoo ní bí nīn pée tìì tinyool kí nīn cáa cá jaanjaan! Ameeni.

1 Pierre 2:12

Ní nīn cáá mbimbimɔntiim bin kaa nyí Unimbɔtee kansikin. Báà biba yaa bàà bíi kúŋfí ni-boon yii ni sá binikpitibaaa, bi yaa ká ni-tunnyaaŋŋee, Unimbɔti ń yàntī bí béé yii an tunnyaaŋŋi nyánní úǹ cee ní, ní bí pàkà-u ŋyunti ŋun u yaa láa dɔ́mińee.