Matthieu 24:7 - UNIMBƆTI NYƆƆBUNDI GBƆŊKU

⁷ Ditimbundi diba dāa yíkí kí jáǹ diba, ní dibeel diba yab mun ń jáǹ diba. Ŋkùm làá dāá nyā, ní kitiŋ ń dāá cìŋkì ajan kupaau pu.

Matthieu 24:7 Iomraidhean Croise

2 Chroniques 15:6

Ditimbundi diba nìn jáà nì di-juti, ní kitiŋ kiba jáà nì ki-juti, di sá yii Unimbɔti di nìn cáań animbinaaman gbanti kɔkɔ nì ŋi-bulifi ki tɔ́ bi-pu.

Esaïe 19:2

Ti-Dindaan bí yii: «M làá jáaǹ Eejipiti yab, unil nì u-nabiki làá nīn jáà, ní unil nì u-juti ń nīn jáà. Kitiŋ kiba làá nīn jáà nì kin kíǹ, ní dibeel diba ń nīn jáà nì din kíǹ.

Esaïe 29:6

ti-Dindaan Mpɔŋkɔdaan làá dāá dī ditaadundi pu, nì kuwookpaaŋŋu pu, nì kubuŋkpaaŋŋu nì utaaja pu, nì aŋmilimbil ŋin wùee pu kí já kí tīī-si.

Ezéchiel 14:21

Míǹ boonee ní ti-Dindaan Unimbɔti bí-mi yii: «M dū inaabukpaan inaa ki tɔ́ Jeerusaleem pu kí kpɔ̀ kí céetí binib nì tiwaŋkuti. Inaabu gbanti di sá kujaau nì ŋkùm nì ipeecuncuti nì bìlbil kúm.

Ezéchiel 21:27

Mpiin ŋun dàkà Jeerusaleemee lítì u-ŋaŋgiilin. U làá pɔ̄ kinyɔkɔ bí cùú kpɔ̀ binib bin bí niinee ní kí fáá iwinliili bí kíĺ kujaau. U làá dū kujaau masiimbi kí gbàan̄ kitiŋ punyɔmmu pu, kí mā agun ŋin boon bi làá nīn bāal̀ ki jáà kujaauee, ní kí gbà abɔbil ŋin poon bi làá nīn kàal̀ ki jáàyee.

Zacharie 14:13

Ŋwiin gbantee, ti-Dindaan làá dāá dū dinyoondi kí tɔ̄ bi-pu. Bi làá dāá fàtīí nyā tɔb pu ní kí kíĺ ki bíi jáà.

Luuki 21:11

Ajan tikpil puee, kitiŋ làá dāá cìŋkì ŋkpitim pu, ní bìlbil kúm nì ŋkùm làá dāá nyā atinjan kupaau poon. Tiwan tikpil làá dāá ŋá kí kɔ́ǹ binib tifaandi, ní tidaandi tikpaandi dāa pāantí kutagbɔŋu pu.

Actes 11:28

Bi-kansikin ubɔ ní bi nìn yíì Agabusi. Unimbɔti Fam yāntì kijapaayee yíkìi lī yii, ŋkùm miba làá nyā kitiŋ kɔkɔ pu kí nīn pɔ̄ɔ̄. - Ní mì lafun bāań Kloodi beel yuntiŋu.

Actes 2:19

M dāa ŋáań maamaacib yilpu, ní kí dàkà tidaandi taapu. Ni làá dāá ká fatiku nì ŋŋmi nì ŋŋminyiim.

Hébreux 12:27

Anyɔɔbun ŋin sá yii «u làá gíti cìŋkèe» dàkà yii tin kɔkɔ u náańee, ní tin kaa bá ki pɔ̄ɔ̄yee ń lítí kí wāŋkì kí kíń tin bá ki pɔ̄ɔ̄yee.

Apocalypse 6:12

Ní Dipibilee tí cúú tiwampiiŋkaal kululuutiiu ki bútì, ní kitiŋ cīŋkì ŋkpitim pu, ní ŋwìiń fōō ki bɔ̄ntì kii satabɔnee, ní uŋmal mántì cínciŋ kii fatikuee,

Apocalypse 6:5

Ní Dipibilee bútì tiwampiiŋkaal kutataatiiu, ní m gbìl̄ kuwaŋu kun cáá kufoouee kutataatiiu téeń yii: «Dāan̄!» M kpēēyee, ki ká utambɔn, un kā-uee ŋúb́ saniya u-ŋaan.

Apocalypse 6:6

Ní m gbìl̄ nneen ŋubɔ sòon̄ní tiwan tinaa tin cáá kufoouee kansikin ki lī yii: «Dū saniya kí ŋmàntī bilee kiiloo ubɔ ŋwiin ŋubɔ tundi paati, kí ŋmàntī ɔɔji kiiloo bita ŋwiin ŋubɔ tundi paati. Ama á taa gbēē ŋkpam nì ndaam pu.»

Apocalypse 6:8

M kpēēyee, ki ká utaamu un pīiǹ fùuuyee, ní bi yíì un kā-uee yii Ŋkúm ní Ditaŋkpiil nóó-u. Bi nìn tīī-bi mpɔn yii bí dū ntàataajimu nì ŋkùm nì bìlbil kúm kí kpɔ̀ kitiŋ pu nib kɔkɔ yaa yākatì minaayee dijandi diba pu, ní tipeecuncuti tin bí kitiŋ puee ń cūtì binib.