Matthieu 24:11 - UNIMBƆTI NYƆƆBUNDI GBƆŊKU

¹¹ Bin yíì bi-ba yii Unimbɔti bɔnaatiliibi kin kaa sée làá dāá dāan̄ kí ŋmàtiǹ binib tikpil mun.

Matthieu 24:11 Iomraidhean Croise

Matthieu 24:12

Tikpitil làá dāá wíiǹ, an puee, binib tikpil neendi làá dāá sɔ̀ŋkì.

Matthieu 24:24

Di sá yii, bin làá dāá mɔ̄ntì yii bíǹ di sá Meesiya nì Unimbɔti bɔnaatiliibee, làá dāá nyā ki ŋáań tikpaŋkpantiil nì maamaaci tuuŋŋi ki nyàab̀ bi yaa ŋūǹ kí ŋmàtiǹ bin Unimbɔti lútèe gba.

Matthieu 24:5

Di sá yii binib tikpil làá dāá dū man yindi kí kpántí bi-yaŋ kí lì yii bíǹ di sá <Meesiya> ní ki làá dāá kīil̀ binib tikpil.

Matthieu 7:15

«Ní nīn nyím̀maan ni-ba nì bin yíì bi-ba yii Unimbɔti bɔnaatiliibi kin kaa sée. Bi yaa dòoń ni-ceeyee, bi bí soooo kii apibilee, ama ní bi-pɔbiliŋ sá isaakpan yaŋ ki cútí.

Marc 13:22

Di sá yii bin làá mɔ̄ntì yii bíǹ di sá meesiyabee nì Unimbɔti bɔnaatiliibee làá dāá nyā ki ŋáań tikpaŋkpantiil nì maamaaci tuuŋŋi, kí bàà dūú ŋmàtiǹ bin Unimbɔti lútèe gba.

Actes 20:30

Míǹ ní ni-kansikin bininjab biba mun làá dāá yòon̄ tinyimɔmbɔti kí sòoǹ kí ŋmàtiǹ Kriisitoo yab biba ń nīn nóó-bi.

1 Timothée 4:1

Unimbɔti Fam lī ki cántì yii, iyuntijoolkaa poonee, binib biba làá dāá fá nnimbɔtisan ní ki kíǹ ki tɔ́ arasiniibi bin kíiĺ binibee, ní ki nóó bi-dàkatam.

2 Pierre 2:1

Iyunti in jítèe poonee, bin nìn mɔ́ntí yii bi sá Unimbɔti bɔnaatiliibee nìn kɔ́ Unimbɔti nikitil kansikin. Míǹ mbaantiim ní bin dàkà tinyimɔmbɔtee mun làá tí kɔ́ ni mun kansikin. Bíǹ làá cáań tinyimɔmbɔti tin làá nàan̄ binibee ní kí dàkà, ní kí dū bi-kpiliu un fīī-bee kí fá kí yàntī Unimbɔti tafadaaldi ń jēetí bi-pu bí kpú kí céetí dicilpu.

1 Jean 2:18

M-biyaamu, ŋyuntijoolkaa sèé. Kii ni nín gbìl̄ yii Kriisitoo nannanliu dòońee, kɔŋkɔnnee Kriisitoo nannanliibi tikpil pūtì kpáàa bāań. Míǹ pu ní ti béè yii ŋyuntijoolkaa sèé nee.

1 Jean 2:26

M ŋmàn̄ tin bí nee kí sòoǹ nì ni bin là kí ŋmàtiǹ-nee pu.

1 Jean 4:1

M-nabineeŋkaamu, ní taa nín̄ máká bin kɔkɔ lì yii bi cáá Ŋfamee, ama ní cɔ̄ŋkì kí dáań kí kpèè yii an sá Unimbɔti Famaaa, an kaa sá. Di sá yii nnyimɔn bɔnaatiliibi gbóotì duulinyan tikpil.

Jude 1:4

Di sá yii binib biba bin kaa tɔ́ Unimbɔtee ŋá soooo ki kóoń ni-kansikin ki kpántì tiŋan tin Unimbɔti ŋá-tee bɔti, ki ŋáań min kaa kítèe, ki yíì, kaa là Yeesu Kriisitoo un baba sá ti-kpiliu ki sá ti-Dindaanee. Ama dooooyee ní ditafadaaldi din dɔ̄ ki cí bidambee pée ŋmàn̄ Unimbɔti gbɔŋkun.

Apocalypse 19:20

Ní un kā utaamu puee nì u-janjaliibi cúú upeelee nì u-nyimɔmbɔnaatiliu un nìn ŋáań maamaacib upeelee nimbiin ki kíiĺ binib bin kɔkɔ bi nìn dáań upeelee daaŋku bi gbàantí ki jáaḿ upeelee naŋkuee. Ní bi dū bi-liitil nì bi-nimbiliŋ ki tɔ́ farwata ŋmibookun.