Matthieu 24:10 - UNIMBƆTI NYƆƆBUNDI GBƆŊKU

¹⁰ Ŋyunti gbantee, binib tikpil làá dāá fá bi-fookiiu un bi cáá man puee, kí nīn kíǹ ki nyáfí tɔb ki ná tɔb.

Matthieu 24:10 Iomraidhean Croise

Matthieu 10:21

Unil dāa cútí u-nabiki kí tīī bí kpɔ̀, ní ubaati ń dāá cúú u-biki kí tīī bí kpɔ̀, ní mbiyaamu mun dāa yíkí kí jáǹ bibaatiibi nì binaatiibi kí yàntī bí kpɔ̀-bi.

Matthieu 11:6

Unil un fōō-mi ki kíí kaa gùgufēe bí mmɔnneeee!»

Matthieu 13:21

ama waa yàntī tibɔtee ń kàl̄ u-ni kí yúntí kí báań inyaan. Unimbɔti bɔti puee, digìńdi kii disàandi diba yaa bāań-uee, ní ú dū nnimbɔtisan kí fá.

Matthieu 13:57

An di nìn yāntì ní baa fōō-u ki kíí. Ní Yeesu bí-bi yii: «Baa kpèé kí sìŋkīǹ Unimbɔti bɔnaatiliu fám laaba, an yaa kaa tin sá u-tiŋkin nì u-cindin.»

Matthieu 24:11

Bin yíì bi-ba yii Unimbɔti bɔnaatiliibi kin kaa sée làá dāá dāan̄ kí ŋmàtiǹ binib tikpil mun.

Marc 13:12

Unil làá dāá cúú u-nabiki ní kí tīī bí kpɔ̀, ní ubaati ń dū u-biki kí tīī bí kpɔ̀, ní kibiki ń jáǹ ki-baa nì ki-na ní kí yàntī bí kpɔ̀-bi.

Marc 4:17

Nì min kɔkɔ bi fòol̄ mimmee, baa cáá inyaan kí sīĺ kí báań. Bi nín fōō dinyɔɔbundee puee, an yaa sá digìńdi kii disàandi di yaa jéetì bi-puee ní bí dū dimákal din bi cáá Unimbɔti puee kí fá malaa.

Luuki 21:16

Ni-baabi nì ni-nab nì ni-nabiyaamu nì ni nì bin pēēyee, nì ni-bɔɔbi làá dāá dū-ni kí ŋúbíǹ ni-nannanliibi, ní bíǹ ń kpɔ̀ ni-kansikin biba.

2 Timothée 1:15

Kii a nín nyí puee, bin kɔkɔ sá Asiiyee dū-mi ki fá ki kpáaǹ Fiijeel nì Eemɔgeeni.

2 Timothée 4:10

di sá yii Deemasi dū-mi ki fá ki búntì Teesalooniiki, kun puee u néeń duulinya un poon ti bí nee tikpil. Kriiseensi búntì Galaati, ní Tiiti mun búntì Dalmatii.

2 Timothée 4:16

Bi nín péé péé ki cúú-mi ki cáá ibɔsoonee, báà ubɔ kaa yúl̀ m-boon. Bi-kɔkɔ dū-mi ki fá ní. Unimbɔti ń taa dūú ŋá-bi tibɔti.