Matthieu 23:9 - UNIMBƆTI NYƆƆBUNDI GBƆŊKU

⁹ Ní taa yíiń ubɔ kitiŋ pu <ni-Baa>, kun puee ni-Baa pée sá ubambaanti ní, ki bí yilpu.

Matthieu 23:9 Iomraidhean Croise

2 Rois 13:14

Eeliisee nìn búŋkì ki làá kpú ní Isirayeel bɔtiu cūtì kí màntì u-pu. U bàn̄ee ní ki tīntì u-pu ki bíi sūǹ ki lì yii: «M-baa! M-baa! A jítiǹ Isirayeel janjatɔrɔkub nì u-tanjakaliibi!»

2 Rois 2:12

Eeliisee nín ká mimmee ní u kíĺ ki bíi kūuntí yii: «M-baa! M-baa! A nìn jítiǹ Isirayeel janjatɔrɔkub nì u-tanjakaliibi kɔkɔ!» Ŋyunti ŋun waa ti wāĺ Eeliiyee ní u cúú u-wampeeŋkaati ki dáaĺ ki cátì mili pu.

2 Rois 6:21

Isirayeel bɔtiu nín ká-bee ní u bālifì Eeliisee yii: «M-baa, ḿ kpɔ̀-baaa?»

Malachie 1:6

Man ni-Dindaan Mpɔŋkɔdaan nín sòon̄ nì bisaraaŋaliibi puee sèé: «Ujipɔnti tìì u-baa tinyool, ní utɔntɔnli tɔ́ u-kpiliu. M yaa sá ni-baa, ni tìì-mi tinyoolaaa? M yaa sá ni-kpiliu, ni tɔ́-maaa? Ni kpèé ki sìŋkīǹ m-yindi ní ki bàlifī-mi yii: <Mana ní ti kpèé ki sìŋkīǹ a-yindi?>

Matthieu 23:10

Ní taa yàntī bí nīn yíì-ni <Uyidaan>, kun puee ubaanti di sá ni-Yidaaŋwu, úǹ di sá Meesiya.

Matthieu 6:32

An sá bin kaa nyí Unimbɔtee di nyàab̀ tíǹ múlmul. Ama nimbi Baa un bí yilpuee nyí yii an wanti kɔkɔ máaǹ ní nīn cáá-tì.

Matthieu 7:11

Nimbi binikpitib nyí kí tīī ni-biyaamu tiwammɔntiil, kin ataa aŋa pu ní ni-Baa un bí yilpuee kaa nín ŋūǹ kí dū tiwammɔntiil kí tīī bin mèé-uee?

Actes 22:1

«M-baabi nì m-nabiyaamu, pīlifìmaan kɔŋkɔnnee tibɔti tin m cáá kí tùkù-nee!»

1 Corinthiens 4:15

Báà binib kutukub saalaa di yaa làá kpòotī-ni nnimbɔtisan poon, ni-baa làá nīn pée sá ubambaanti ní. Ní nīn nyí yii man di sá ni-baa, kun puee man di cáań Tibɔmɔntiil ki sòon̄ nì ni, ní ni fōō ki kíí.

2 Corinthiens 6:18

kí nīn kíǹ ki sá ni-Baa, ní ni mun ń nīn kíǹ ki sá man jipɔmbi nì m-bisalib. Ti-Dindaan Mpɔŋkɔdaan di lī míǹ.»

Hébreux 12:9

Tí kpèè ti-baabi bin màl̄-tee nín dàkà-ti ti tɔ́-bi miŋyee, kin ataa aŋa pu ní taa máaǹ kí nīn tɔ́ Ubaati un yì ŋfamee kí ká dimaŋfal!

1 Jean 3:1

Ní kpèèmaan ti-Baa Unimbɔti nín cáá ti-pu dineeŋkpaandi diŋyee! Di sá yii u yíì-ti u-biyaamu. Míǹ ní tiŋman ti lafun sá u-biyaamu. Kun pu duulinya kaa nyí-tee di sá waa béè Unimbɔti.