Matthieu 23:8 - UNIMBƆTI NYƆƆBUNDI GBƆŊKU

⁸ Ama nimbi ń taa yàntī bí nīn yíì-ni <Ukpil>, kun puee ni cáá ukpibaanti ní, ní ni-kɔkɔ sá nnabiyaamu.

Matthieu 23:8 Iomraidhean Croise

Matthieu 10:25

An ŋmāntì utumbifil ń nīn kíǹ ki bí kii un dàkà-uee, ní utɔntɔnli mun ń nīn kíǹ ki bí kii u-kpiliuee. Bi yaa yíiń kudiidaan yii Beelseebuul, arasiniibi bɔtiuee, mana ní baa dāa ŋūǹ kí yíiń u-dicaŋku yab bíǹ míǹ?»

Matthieu 17:5

U bíi sòoǹ mimmee, ní ditagbandi diba dɔ́miń ki bīiǹ bi-pu ki jìl̀ pàlpal, ní bi gbìl̄ Unimbɔti sòon̄ní ditagbandee ni yii: «Un bí nee di sá man Jipɔɔn un m néeń tiŋanee, u-pu ní m-pɔbil sɔ̀m̀. Ní pīlifìmaan-u.»

Matthieu 23:10

Ní taa yàntī bí nīn yíì-ni <Uyidaan>, kun puee ubaanti di sá ni-Yidaaŋwu, úǹ di sá Meesiya.

Matthieu 23:7

ki néeń bí nīn jáaḿ-bi binibin, ki néeń bí nīn yíì-bi <Ukpil, ukpil.>

Matthieu 26:25

Ní Juudasi un bíi cáá-u ki nyáfée bālifì-u yii: «Ukpil, man di làá dū-si kí tīīii?» Ní Yeesu kíí-u yii: «Iiin.»

Matthieu 26:49

Dicilpu niinee, u sútì ki pìl̄ Yeesu, ki bí-u yii: «Ukpil, a-jooku!» ní ki kpàl̄-u.

Marc 10:51

Ní Yeesu bālifì-u yii: «Ba ní a là ḿ ŋá kí tīī-si ní?» Ní ujɔfuee fātìi kíí-u yii: «Ukpil, m là kí wāl̀ ní!»

Marc 11:21

Niinee, Peetroo téetì, ní ki bí Yeesu yii: «Ukpil, kpèè fiigi subu bun a fu tɔ́ mbusuee kūń!»

Marc 14:45

Juudasi bāań kpalaayee ki sútì ki pìl̄ Yeesu, ní ki bí yii: «Ukpil,» ní ki kpàl̄-u.

Marc 9:5

Ní Peetroo tùkū Yeesu yii: «Ukpil, an ŋān̄ tí nīn bí doo, tí gāā tibìń tita: sii kubɔ, Mooyiisi kubɔ, Eelii kubɔ!»

Luuki 22:32

Ama m mēē a-pu án nín làá ŋá pu a-fookiiu ń taa wāŋkèe. Boonee a yaa láa fātìi kpántì a-bee, á dāá nyàatī a-nabiyaamu.»

Jean 1:38

Yeesu fātìi kpēē bi nóó-uee, ní ki bí-bi yii: «Ni nyàab̀ ba?» Ní bi bí yii: «Rabii, la ní a kóò ní?» - Rabii taapu di sá yii, Udakal. -

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

Jean 11:8

Ní u-boonnooliibi kíí-u yii: «Ukpil, yaadal nee ní Juuda yab kpilib kaa bíi nyàab̀ ataŋkpee kí yāŋkì kí kpɔ̀-saaa? Ní a là kí gítí niinaaa?»

Jean 20:16

Ní Yeesu yíiń-u yii: «Maarii!» Ní u fātìi u-ba ki túĺ-u ní ki lī-u nì eebru sooŋyin yii: «Rabuunii!» - An taapu sá yii, Ukpil. -

Jean 3:2

Ukpilee nìn dɔ́miń Yeesu cee kunyeeu kubɔ ní ki bí-u yii: «Ukpil, ti nyí yii Unimbɔti di túnní-si á dāan̄ kí dàkà-ti. Di sá yii, Unimbɔti yaa kaa bí unil cee, waa ŋūǹ kí ŋá maamaacib kii bin a ŋáań nee.»

Jean 3:26

Ní bi cūtì Yoowaneesi cee ki bí-u yii: «Ukpil, sii nì un nìn bí Jɔɔdan gbandi lapu puee, un pu a nìn sòon̄ yii u sá unikpaanee, báà ŋma di yíkí sii cee ki cá u-cee u fùul̀-bi Unimbɔti nyimee.»

Jean 4:31

Unimpuee búntèe, ní u-boonnooliibi bíi lì yii: «Ukpil, dāá jī tijin!»

Jean 6:25

Bi bàn̄ niin ki ká-uee, ní ki bí yii: «Ukpil, ŋyunti ŋulɔŋu ní a bāań doo ní?»

Jean 9:2

Ní u-boonnooliibi bālifì-u yii: «Ukpil, ba pu ní bi màl̄ kijapaai nee nì ijɔfi ní? Úǹ u-ba di ŋá ikpiti naaa, u-baa nì u-na di ŋá ikpiti ní?»

2 Corinthiens 1:24

Di sá yii taa là kí dū mpɔn kí dàkà-ni ni nín máaǹ kí fōō kí kíí puee. Ama ti là kí jòò-ni ní nīn cáá dipɔɔpindi ní, kun puee ni-fookiiu pɔ̄ɔ̄.

2 Corinthiens 4:5

Di sá yii taa bíi sòoǹ nì ni timbi ti-ba bɔti, Yeesu Kriisitoo bɔti ní ti sòoǹ nì ni yii úǹ di sá ti-Dindaan. Úǹ pu ní timbi sá ni-tɔntɔnliibi.

Ephésiens 3:15

Úǹ cee ní bin bí yilpuee nì bin bí taapuee kíǹ ki nyí kubaatiiu.

Philémon 1:16

Kun puee waa ti sá uyumbufantanti. Kɔŋkɔnnee u jítì uyumbu pu, u kíǹ ki sá kinabineeŋkaai ní. Man néeń-u tiŋan, ama sii làá nīn gíti néeń-u tikpil, kun puee u sá sii yumbuu ní, ní ki sá a-nabiki mun ti-Dindaan pu.

Jacques 3:1

M-nabiyaamu, ni-kɔkɔ ń taa yīkì bìliku yii ni là kí nīn dàkà Unimbɔti bɔti, kun puee ni nyí yii timbi bidakaliibee bɔsooŋyi dāa pɔ̄ɔ̄ ki jítiǹ bin kíǹee yai.

1 Pierre 5:3

Ní taa nín̄ wɔ́b́ binib bin bi dū ki ŋúbiǹ-ni ní kpààyee, ama nín̄ sámaan binib bin bimbim sá mmɔntiim bí nīn kpèé ki tááyee.

Apocalypse 1:9

An sá man Yoowaneesi ni-nabiki, ni nì un kpáfì ki jīǹ Yeesu pu falaa nì kimɔtii u-Beel puee. M nìn bí Patimoosi tiŋki kin dimɔɔl māntì ki túee ni ní. Kun pu bi nìn cáá-mi ki cūnnì niinee di sá m sòon̄ Unimbɔti bɔti ki lēekì Yeesu pu seera.

Apocalypse 19:10

U lī mimmee ní m gbāaǹ kí jāam̀-u, ní u bí-mi yii: «Taa ŋée! Ma mun pée sá utɔntɔnli kii si nì a-nabiyaamu mun bí ki sòoǹ Yeesu bɔti tin u nyántì ki dàkā-nee ní. Unimbɔti ní a máaǹ kí jāam̀.» Kun puee Unimbɔti Fam nín yāntì Unimbɔti bɔnaatiliibi sòon̄ tiŋyee sòoǹ Yeesu pu ní.

Apocalypse 22:9

Ní ŋu bí-mi yii: «Taa ŋée, kun puee ma mun sá utɔntɔnli kii sisee ní, kii a-nabiyaamu mun nàatī Unimbɔti bɔtee, nì bin kɔkɔ tɔ́ tibɔti tin bi ŋmàn̄ kugbɔŋu nee poonee ní. Unimbɔti ní an sá á jāam̀.»