Matthieu 23:5 - UNIMBƆTI NYƆƆBUNDI GBƆŊKU

⁵ Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Matthieu 23:5 Iomraidhean Croise

2 Rois 10:16

ní ki bí-u yii: «Dāan̄ tí cù á kpèè man nín cáá ti-Dindaan pu difaŋgiil puee!» U lī mimmee ní ki yōoǹ-u u-tɔrɔkuu pu ki cáá-u ki búntì.

Exode 13:9

Jiŋaal gbanti ń dāá nīn sá-ni diteetil, kí dāá nīn sá-ni kudaaŋŋu ni-ŋalii nì ni-yigbeeŋi pu, ní kí nīn téetí-ni yii ni máaǹ kí nìn sòoǹ ti-Dindaan marau pu, kun puee an sá nì u-ŋampɔŋŋu ní u nyántì-ni Eejipiti tiŋkin.

Proverbes 3:3

Nín̄ pée ŋáań tiŋan, kí nīn nóó ibaamɔn saŋŋu. Dū tiwan gbanti kí léeń a-neen, dū-tì kí ŋmà a-pɔbilin.

Lévitique 13:32

Iwiin iluli dalee, usaraaŋal ń fàtīí kpèè ŋweenee. U yaa ká yii ŋuaa wāaǹ, ní tikuti tin sá kpalkuee kaa bí ŋu-poon ní kaa ŋmɔ́ ki kɔ́ tiwunnan poonee,

Matthieu 9:20

Ní unimpu ubɔ nìn bí ki fùul̀ ŋkpin doooo abin saalaa nì ali an kaa gúǹ. Yeesu còom̄ ki cée, ní u dīń Yeesu boon pú ki dɔ́miń ki gbēē u-bɔkutijúti.

Luuki 16:15

Ní Yeesu bí-bi yii: «Ni là binib ń nīn wāĺ-ni yii ni sá deedeedambi. Ama Unimbɔti nyí tin kā ni-pɔbiliŋ poonee. Tin binib kpèé yii an sá tiwaŋkpaandee, an sá ntimbiil wanti ní Unimbɔti nimbiin.

Luuki 20:47

ní ki fìkì bikpiipoobi wanti, ki mèé ŋwimmeem yúntí, kí dàkà binib yii bi sá bimɔntiibi. An puee ditafadaaldi din gíti lákatèe dɔ̄ ki cí-bi.»

Jean 12:43

Di sá yii bi là binib ń pàkà-bi ki jítiǹ Unimbɔti ń pàkà-bi.

Jean 5:44

Mana ní ni ŋūǹ kí fōō kí kíí, nimbi bin néeń ni-jutiibi ń nīn pàkà-nee, kaa nyàab̀ kupampakau kun Unimbɔtibaanti tììyee?

Jean 7:18

Un sòoǹ u-ba bindi puee nyàab̀ kí yòon̄ u-ba yilpu ní, ama un nyàab̀ kí yòon̄ un túnní-uee yindi yilpuee di cáá ibaamɔn, nnyimɔn kpá udaan úǹ ni.

Deutéronome 11:18

Dūmaan marab bin m tīī-ni díǹ nee kí ŋá ni-pɔbiliŋin nì ni-nammun. Dūmaan-bi kí fìn̄ ni-ŋalii nì ni-yigbeeŋi pu án nín làá ŋá pu ní taa súntí bi-puee.

Deutéronome 22:12

Á lù a-satabiiŋkaau nyɔɔjuuŋi naatil pu igbeeŋgbeen.

Deutéronome 6:8

Á ŋmà-bi kí dūú fìn̄ a-ŋal nì a-yigbeel án nīn sá-si kudaaŋŋu.

Philippiens 1:15

Ama bi-kansikin bibee, an sá kináŋ kin bi cáá m-puee di yì-tì ní bi sòoǹ Kriisitoo bɔti ki kpākantí-mi, ní bin kíǹee, bíǹ baasii sòoǹ Unimbɔti bɔti nì nlandɔkɔmɔnti.

Philippiens 2:3

Ní taa nín̄ ŋáań tiba ki là ni-ba jandi pu ŋmaniŋma, kí taa nín̄ nyàab̀ kupampakakuliŋŋu. Ní nīn sìntīǹ ni-ba taapu ki tìì tɔb, kí nīn kpèé ni-jutiibi yii bi jítiǹ-ni.

2 Thessaloniciens 2:4

Utɔŋfitee kaa dāa kíikí binib ń nóó Unimbɔtaaa, kaa dāa kíikí bí jāam̀ tiba nì tiba. U làá dāá yíí kí mɔ̄tì míǹ ní kí tin kpáàa kɔ́ kí kàl̄ kunimbɔtidiin ní kí dū u-ba kí gíiǹ Unimbɔti.