Matthieu 23:4 - UNIMBƆTI NYƆƆBUNDI GBƆŊKU

⁴ Bi nyāntí marab bin nyìm̀ kii awaŋgulee ní ki tūntí binib ní kaa là kí dū bi-ŋambiki kí dáb́ awaŋgulee kí tūtuǹ binib.

Matthieu 23:4 Iomraidhean Croise

Esaïe 46:1

Diwaal Beeli kpōoǹ, diwaal Neeboo lítì. Bi dū ŋi-naŋku ki túǹ tiwaŋkuti. Dooooyee, bi yaa nìn tòotī-ŋee, bi nìn dúkutí-ŋi ní. Kɔŋkɔnnee, ŋíǹ di kpántì diwaŋgul din nyìm̀ee tiwaŋkuti tú ki gīīyee.

Matthieu 23:23

«Mbusu dɔ̄ ki cí-ni, nimbi bimaradakaliibi nì Fariisab mpoonnyoondambi, kun puee ni pà tikuŋfaal tin kɔkɔ ni kùee saalaa kamaa pu kubɔ kubɔ, ama ní ki yíití, kaa nóó marab bin bɔti páb́ee, an dàkà yii: á nīn cáá ibaamɔn, kí nīn sūǹ binib saai, kí nīn yú deedee. Tin bàà máaǹ ní ŋée dee, ní kí nín dū tin kíǹee kí páań boon.

Matthieu 23:3

Míǹ puee, ní nīn ŋáaḿmaan min bi dàkà-nee, ama ní taa fōō bíǹ bi-ba bimbim, kun puee baa ŋáań tin bi dàkà yii binib ń nīn ŋáańee.

Luuki 11:46

Ní Yeesu kíí-u yii: «Mbusu bí ki tīī nimbi bimaradakaliibi mun, kun puee ni cáá awaŋgul ŋin nyìm̀ee ki tūntí binib ní nimbi ni-ba kaa là kí dū ni-ŋambiki kí dáb́ kí tūtuǹ-bi.

Actes 15:10

Ba pu ní ni cɔ́ŋkí Unimbɔti ki cáá diwaŋgul din ti-naanjab nì timbi ti-ba kaa ŋúń ki túǹee, ki cáa tūntí Kriisitoo yab?

Actes 15:28

Min ŋān̄ Circir Fam cee ki kpáaǹ ti mun ceeyee di sá tí taa ti dū awaŋgul aba kí túń-ni, an yaa kaa tin sá tin máaǹ ní ŋée.

Galates 6:13

Di sá yii bin gífì dikpancandee bi-ba kaa ŋúb̀ Mooyiisi marab. Kun pu bi là ní gííyee di sá bi là kí gāā bi-biŋŋi yii, ni-wunti daaŋku nee, bíǹ di páb́-ni ní ni ŋá.

1 Jean 5:3

Tí nīn néeń Unimbɔtee taapu di sá yii tí nīn kpáafí u-marab. U-marab gbanti mun kaa pɔ̄ɔ̄,

Apocalypse 2:24

«Ama nimbi bin kíǹ Tiyatiir nikitil kansikin kaa bí bi-tuŋkpitiŋ gbanti poon, kaa bífì kun bíǹ yíì yii Sitaan bɔti tin bí dibalin ki nyóòyee, nimbee, maa pée cáá tiba kí lì ni-pu.