Matthieu 22:3 - UNIMBƆTI NYƆƆBUNDI GBƆŊKU

³ ní ki dū u-tɔntɔnliibi ki tú bí cù kí tùkù binib bin u yíińee yii bí dāan̄, ama ní bi yíì kaa dɔ́miń.

Matthieu 22:3 Iomraidhean Croise

Psaumes 68:11

A-tiŋki pu ní a-nib kāl̀, a-ŋanti poonee, Unimbɔti, a bɔ́ntì mpaan gbanti ki tīī bifalaadambi.

Esaïe 30:15

Di sá yii ti-Dindaan Mpɔŋkɔdaan, Isirayeel Circir Nimbɔtiu bí yii: «Ni yaa kaa fātìi gítìń m-cee ki kāl̀ soooo, ni pée kpá kí ká difiil. Ni-pɔŋŋu kɔkɔ di sá yii ní cúú ni-ba soooo ní kí nīn máká man pu. Ama ní naa là míǹ.

Jérémie 25:4

Ti-Dindaan túnní u-tɔntɔnliibi u-bɔnaatiliibi ni-cee kaa gbēeǹ, ama naa kpōoǹ ni-tafal ki pílifì-bi.

Jérémie 35:15

M túnní m-tɔntɔnliibi bibɔnaatiliibi ni-cee ŋfunyɔm kupaau kaa gbēeǹ bí tùkù-ni yii: <Báà ŋma ń dū u-saŋkiŋkpitil kí fá, kí ŋá min kítèe. Taa nín̄ jòó ki pámaan awaa boon ki tòotī-ŋi. Niinee ni làá ŋmā kí kàl̄ kitiŋ kin m tīī ni nì ni-naanjabee poon.> Ama naa kpōoǹ ni-tafal ní kaa nín pílifì.

Osée 11:2

Ama míǹ boonee, m yaa gíti yíiń-uee, u kíǹ ki sáń-mi ní. Bi ŋáań saraabi ki tìì awaa ŋin bi yíì Baalee, ní ki tùutī talaalub ki tìì awaakpitikaa.

Osée 11:7

M-nibul lafun lēē bi-pɔbilin kí dū-mi kí fá. Bi yíì-bi doooo yilpu, ama bi-kansikin báà ubɔ kaa yíkì.

Sophonie 1:7

Ní ŋmīĺmaan díkí diki ti-Dindaan Unimbɔti nimbiin, di sá yii u-ŋuul wiiŋŋu tóobiń. Ti-Dindaan bɔ́ntì saraa, kí ŋá bin u yíińee circir.

Matthieu 21:34

Isufee biliŋ kìtitam bàn̄ee, ní ukpilee túnní u-tɔntɔnliibi biba u-paadambee cee bí fōō u-jandi kí cáań-u.

Matthieu 23:37

«Jeerusaleem yab, Jeerusaleem yab, nimbi di kù Unimbɔti bɔnaatiliibi ní ki cáá ataŋkpee ki yāŋkí ki kù bin Unimbɔti túnní ni-ceeyee! Miŋa pu ní maa mākaǹ kí bàà kóoǹ ni-kɔkɔ kí kpāfì m-cee kii ukoonaati nín kōontí u-biyaamu u-taapu puee? Ama ní ni yíì.

Matthieu 3:2

«Kpántímaan ni-bimbim kun puee Unimbɔti Beel sútì ki pìlīń-ni.»

Matthieu 9:15

Ní Yeesu kíí-bi yii: «Unimpucaan cal bɔɔbi ŋūǹ kí nīn bí kunimbaaun ŋyunti ŋun unimpucaan cal u-ba dáá béeee? Aayee, baa ŋūǹ! Ama ŋyunti ŋubɔ bí ki dòoń, bi làá dāá yòon̄-u bi-kansikin, an yuntiŋu ní bi dāa bōob̀ kinyɔkɔ.

Luuki 13:34

«Jeerusaleem yab, Jeerusaleem yab, nimbi bin kù Unimbɔti bɔnaatiliibi ki cáá ataŋkpee ki yāŋkí ki kù bin Unimbɔti túnnée, ataa aŋa pu ní maa nyàab̄ kí kóoǹ-ni kí kpāfì m-cee kii ukɔl nín kōontí u-biyaamu kí ŋá u-taapu kí dū u-feeŋyi kí bìin̄ mu-pu miŋyee! Ama ní ni yíì.

Luuki 15:28

Niinee, ujipɔŋkpilee fōō diŋuul ní ki yíì kaa là kí kɔ́ kudiin. Ní u-baa nyánní ki sɔ̄kɔl̀-u ú kóoń.

Luuki 19:27

An yaa kíǹ m-nannanliibi bin bí yii baa là ḿ nīn sá bi-bɔtiuee, cáaḿmaan-bi kí kpɔ̀-bi m-nimbiin doo.>»

Jean 5:40

ama naa là kí dāan̄ man cee kí ká dimaŋfal.

Actes 13:45

Juuda yab ká kunipaauee, ní ki kíǹ ki bíi ŋáań Pɔɔl nì Baarnaabaasi ipoompoon, ki bí yii Pɔɔl nín sòon̄ tiŋyee kaa sá míǹ, ní ki sìí-u.

Romains 10:21

Ama tin u sòon̄ Isirayeel yab puee sèé: «M tāntì m-ŋalii kutaafaau áli kujoou ki yíìń bin kaa tɔ́-mi, bi-yiliŋ pɔ̄ɔ̄yee.»

Hébreux 12:25

An puee ní nīn nyíǹ ni-ba kí taa yíí un bí ki sòoǹ nì ni nee nyɔkɔ. Bin nìn yíì kaa fōō un nìn bí bi-cee taapu doo ki sòoǹ nì bee nyɔkɔee, bi nìn dáaĺ bi-tafal ní, kin ataa aŋa ní ti yaa yíì kaa fōō un nyánní yilpu ki sòon̄ nì tee nyɔkɔee, taa kāntí ditafadaaldi!

Hébreux 9:15

Kriisitoo di cáań-ti dipoompɔndi, án nín làá ŋá pu ní bin Unimbɔti fīīyee ń ŋmā kí fōō tigaajawan tin Unimbɔti pōoǹ tàa cáá dikúntilee. Kun pu bi làá ŋmā kí fōō tigaajawan gbantee di sá Kriisitoo kpíì ki nyántì-bi bi nín nìn bí dipooŋkpikil poon ki ŋáań ikpiti iŋyee ni.

Apocalypse 22:17

Unimbɔti Fam nì Unimpucaan bí yii: «Dāan̄!» Bin mun gbìl̄ an bɔtee ń lì yii: «Dāan̄!» Un nnyinnyoo yaa cááyee ń dāan̄ kí fōō nnyim min tìì dimaŋfalee faalaa.

1 Samuel 9:13

Ni yaa pée kɔ́ kitiŋin kpalaayee, ni làá ká-u kí wàatī ú nīn nín jɔ́ḿ nsaraaŋapaan laŋki kí jī tijin. Di sá yii u yaa kaa bāań, samaa kaa máaǹ kí jī, kun puee úǹ di mèé kí bìin̄ saraa jinti pu ní bin bi yíińee ń nín jī. Míǹ puee nín̄ cámaan kɔŋkɔnnee, ni làá tin yìkin̄-u.»