Matthieu 21:9 - UNIMBƆTI NYƆƆBUNDI GBƆŊKU

⁹ Ní kunipaau kun līī Yeesu nyɔkɔpuee nì kun pá u-boonee kūuntí yii: «Oosaana! Daafiidi naantiiu ń ká tinyool! Ti-Dindaan ń bìin̄ un dòoń u-yindi puee! Bí nyɔ̄ŋkì Unimbɔti un bí yilpuee!»

Matthieu 21:9 Iomraidhean Croise

Psaumes 148:1

Aleeluya, nyɔ̄ŋkìmaan ti-Dindaan! Nyɔ̄ŋkìmaan ti-Dindaan doooo yilpu, nyɔ̄ŋkìmaan-u yilpu yilpu.

Matthieu 21:10

Yeesu nín bàn̄ ki kɔ́ Jeerusaleemee, ní kitiŋ kɔkɔ fōō ki píĺ dàmmm, ní binib bàlifī yii: «Unil nee sá ŋma ní?»

Matthieu 21:15

Bisaraaŋakpilib nì bimaradakaliibi nín ká maamaaci tuuŋŋi ŋin Yeesu ŋáaǹee, nì mbiyaamu nín bí kunimbɔtidii poon ki tátí yii: «Oosaana! Daafiidi naantiiu ń ká tinyoolee!» ní bi fōō diŋuul,

Matthieu 23:39

M tùkù-ni yii, kí yòon̄ díǹ kí nīn cée, naa làá ti ká-mi kí nīn cí ŋyunti ŋun ni làá dāá sòoǹ m-pu yii: <Unimbɔti ń bìin̄ un dòoń ti-Dindaan yindi puee.>»

Matthieu 9:27

Yeesu nyáń niin ki búntèe, ní bijɔfub bili páaǹ u-boon ki tátí yii: «Daafiidi naantiiu, sɔ̄ ti-saai!»

Luuki 13:35

An puee Unimbɔti làá fá ni nì ni-diiku. Ibaamɔn ní m tùkù-ni, naa làá ti ká-mi kí nīn cí ŋyunti ŋun ni làá dāá sòoǹ m-pu yii: <Unimbɔti ń bìin̄ un u túnnée boonee.>»

Luuki 2:14

«Inyɔŋki sá ki tīī Unimbɔti un bí yilpu fɔ́ŋŋŋee, ní u-gbansɔŋfiŋu sá ki tīī taapu doo nib bin fáatì-uee.»