Matthieu 21:5 - UNIMBƆTI NYƆƆBUNDI GBƆŊKU

⁵ «Tùkùmaan Siiyɔn tiŋki nib, yii: Kpèèmaan, ni-bɔtiu dòoń ni-cee, ki sá unil un mɔ̄ee. U kā kimaŋ pu, u kāń dimampɔmbil, kimansalii biki pu.»

Matthieu 21:5 Iomraidhean Croise

Genèse 49:10

Sii Juuda ŋaan ní dibeel làá nīn pée bí, a-dicaŋkun ní mpɔn làá nīn bí, kí nīn cí un baasii yì dibeelee ń bàń. Úǹ ní atimbun kɔkɔ làá dāá nīn tɔ́.

2 Samuel 16:2

Ubɔti bālifì Siiba yii: «Tin kɔkɔ ní a tú nee, a làá ŋá nì ba?» Ní Siiba kíí-u yii: «Ti-baa ubɔti, mmamu nee sá ki tīī a-dicaŋkun yab ń nīn cáa kàal̀, ní kpɔnɔb nì asubilee sá a-naacimpɔmbi jikaati, ní bin cōom̀ kuteeun ki gīīyee ń nīn cáá ndaamee ki sɔ̀ŋkī bi-neen.»

1 Rois 1:33

Ní ubɔti bí-bi yii: «Kóom̀maan m-tɔntɔnliibi kɔkɔ kí kpāfì, ní kí dū m-jipɔɔn Saloomɔn kí kàan̄ mama m-ba mambooŋwu pu, kí cáá-u kí sìntī Giiyɔn nyimbuliŋun.

1 Rois 10:26

Saloomɔn nìn kóoǹ janjatɔrɔkub nì itaamu ki kpáfì. U nìn cáá janjatɔrɔkub kutuku ubɔ nì alaataa anaa, ní ki cáá itaamu kutukub saalaa nì bili. Tijanjawan gbanti tiba nìn bí ntimu mun poon ní ajanjanaapaa nìn bée, ní tiba mun bí u-cee Jeerusaleem.

Psaumes 9:14

M-Dindaan, sɔ̄ m-saai! Kpèè m-nannanliibi nín bí ki sàantí-mi puee! Fīī-mi kí nyāntí ditaŋkpiilin,

Esaïe 12:6

Sii un kóò Siiyɔn jool puee, fáá ŋwiliili nì dipɔɔpindi kí nīn nyàkantī, di sá yii Isirayeel Nimbɔtiu un bí a-cee ki bí circiree, sá ukpaan ní!

Esaïe 40:9

Sii Siiyɔn un ŋúbiń tibɔmɔntiil kí nàatēe, jɔ̄m̀ dijool din fɔ̀kɔ̀ee yilpu kí téeń mpɔn. Sii Jeerusaleem un ŋúbiń tibɔmɔntiil kí nàatēe, téeń mpɔn mpɔn, á taa fàŋkì báà tiba. Tùkù Juuda timmu yii: «Kpèèmaan ni-Nimbɔtiu!

Esaïe 62:11

Tibɔti tin ti-Dindaan sòon̄ bi tin gbìl̄-tì doooo kitiŋ kuntilaŋkee sèé: «Ní tùkùmaan Siiyɔn tiŋki yii: <Kpèè a-Fiiliu di dòońee. Kpèè úǹ di dòoń ki ŋúbiń u-paatee, u-tundi paatii di līiń u-nyɔkɔpuee.>

Ezéchiel 34:24

Man ni-Dindaan, man di làá nīn sá bi-Nimbɔtiu ní man tɔntɔnliu Daafiidi ń nīn sá bi-bɔtibil. Man ni-Dindaan di sòon̄.

Ezéchiel 37:24

M-tɔntɔnliu Daafiidi làá nīn sá ni-bɔtiu. U làá nīn sá upikpaabaanti ní kí tīī ni-kɔkɔ. Ni làá nīn tɔ́ m-marab ní kí nīn tɔ́ m-bɔkpaaŋi ní kí ŋá ŋi nín bí yii ní ŋá puee.

Osée 1:7

Ama m làá nīn néeń Juuda yab. Man di sá bi-Dindaan bi-Nimbɔtiu, m làá fīī-bi, ama kaa sá nì butɔbu àá kitàataajiki àá tijanjawan tin kíǹee àá nì itaamu àá nì bitanjakaliibi.»

Michée 5:2

Ti-Dindaan làá dū u-nibul kí fá ŋyunti ŋubɔ poon, kí nīn cí ŋyunti ŋun ní unimpu un làá màal̀-uee ń dāá màal̀-u. Ŋyunti gbantee, u-nabiyaamu mun làá dāá kíń kí nīn bí dimaŋfalinee làá dāá dāan̄ kí kūtì Isirayeel yab bin kíǹee pu.

Nombres 24:19

Ubɔ làá nyānní Jaakɔb maaliŋun kí nīn tɔ́kɔ́ tikɔkɔ pu. U làá dāá kúntí bin bin nìn sáǹ ki nyáń ntimun ki ŋmátèe.»

Matthieu 11:29

kí yòom̄maan man kpaambooku kí fōōmaan m-bɔti. Kun puee m-poon mɔ̄, ní m-bɔti kaa pɔ̄ɔ̄, ni làá ká diŋuŋfil.

Matthieu 2:2

ní ki bālifì yii: «Juuda yab bɔtiu un bi dáá màl̄ nee bí la? Ti ká u-ŋmalbijau nyáń ŋwìiń nyalaŋki pú ní ti dɔ́miń kí gbàan̄ kí jāam̀-u.»

Matthieu 2:6

<Sii Beetileem, kitiŋ kin bí Juudeeyee, tiŋmanee, aa sá kitiŋwaai Juudee tiŋkpaammu kansikin, kun puee sii poon ní ubɔti un làá kpàà Isirayeel yab man nibulee làá nyānní.>»

Matthieu 21:6

Ní u-boonnooliibee búntì ki cūtìi ŋá kii Yeesu nín bí yii bí ŋá miŋyee.

Luuki 24:27

Ní u kíĺ ki bíi sòoǹ ki cántí-bi Unimbɔti gbɔŋku poon tibɔti tin kɔkɔ Mooyiisi nì Unimbɔti bɔnaatiliibi nìn ŋmàn̄ ki síiǹ u-puee.

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

2 Corinthiens 10:1

Man Pɔɔl m-ba, m dū Kriisitoo basintil nì u-niti ki sáŋkí-ni, man un ni lì yii m yaa bí ni-cee m-nyɔkɔ pɔ̀fì, ama ní m yaa bíń ndan, m sòoǹ nì anyɔɔbun ŋin pɔ̄ɔ̄yee.

Deutéronome 17:16

Ama udaan kaa dāa máaǹ kí nīn cáá itaamu tikpil, àá kí tɔ̄ binib bí cù Eejipiti tiŋkin kí dāń-i, di sá yii ti-Dindaan nìn tùkū-ni yii: «Ní taa pée fàtīí gítí niin».

Juges 12:14

Abidɔn nìn cáá jipɔmbi imuŋku ili nì naantiibi mmuŋku nì saalaa ní, ní bi nìn kàal̀ mmanjamu imuŋku ita nì saalaa. U nìn kpōotì Isirayeel yab abin anii ní.

Juges 5:10

Nimbi bin kàal̀ mmansapimu puee, nimbi bin kàal̀ tisatakampati puee, nimbi bin còom̄ adan puee, dàkafìmaan.