Matthieu 21:3 - UNIMBƆTI NYƆƆBUNDI GBƆŊKU

³ Ubɔ yaa bālifì-ni tibee, kíímaan-u yii: <Ti-Dindaan di nyàab̀-mu,> niinee, udaan làá yàntī ní cáań-mu.»

Matthieu 21:3 Iomraidhean Croise

1 Rois 17:9

«Yīkìm̄, nín̄ cá Sareepita tiŋki kin bí Siidɔn tiŋgbaŋkinee kí nīn kíǹ ki kóò niin. Di sá yii m tīī unimpukpiipu ubɔ niin mara ú kpíiǹ-si.»

Esdras 1:1

Peeriisi yab bɔtiu Siirusi beel bimpeepeekaal poonee, ti-Dindaan nìn là kí ŋá min u nìn dī u-bɔnaatiliu Yeereemii pu ki sòon̄ee. U nìn tīī ubɔti Siirusi nlandɔkɔ ú bāakì u-beel kɔkɔ poon, kí ŋmà kugbɔŋu mun ki síiń yii:

Esdras 1:5

Niinee ní Juuda yab nì Beenjameen yab dicaŋŋi kpilib nì bisaraaŋaliibi Leefii yab, an dàkà yii bin kɔkɔ Unimbɔti nìn tīī nlandɔkɔee yíkì ki nín jɔ́ḿ Jeerusaleem kí fàtīí mā kunimbɔtidii kun bí niinee.

Esdras 7:27

«Ti jáam̀ ti-Dindaan ti-naanjab Nimbɔtiu un gbēē ubɔti pɔbil ki yāntì u tīī ti-Dindaan Diiku kun bí Jeerusaleemee tinyoolee.

Psaumes 24:1

Daafiidi di ŋmàn̄ nlan nee. Ti-Dindaan di yì kitiŋ nì tin kɔkɔ bí ki-puee, úǹ di tí yì duulinya nì binib bin bí u-nee.

Matthieu 21:2

U nìn bí-bi yii: «Nín̄ cámaan kitimbilii kin bí ti-nyɔkɔpu nee. Ni yaa bàn̄ kpalaayee, ni làá ká kimansalii kiba nì ki-biki gbìn̄ niin. Ní gbìntīń-mu kí cáań-mi.

Matthieu 21:4

An jítì míǹ kí dàkà Unimbɔti bɔnaatiliibi nín nìn lī ki síiǹ puee yii:

Jean 17:2

Kun puee sii di tīī-u mpɔn binib kɔkɔ pu, yii ú tīī bin kɔkɔwoooo a dūu ŋá u-ŋaanee dimaŋfal din kaa cáá dikúntilee.

Jean 3:35

Unimbɔti néeń u-Jipɔɔn ki dū tikɔkɔ ki ŋá u-ŋaan.

Actes 17:25

kaa nyàab̀ binib tūtuntam báà an yaa pée sá tintee. An kaa sá úǹ di tìì báà ŋma dimaŋfal nì ŋfam nì tikɔkɔɔɔ?

2 Corinthiens 8:16

M jáaḿ Unimbɔti un di tīī Tiiti difaŋgiil ni-pu kii ti mun nín cáá ni-pu miŋyee.

2 Corinthiens 8:9

Kun puee ni nyí tiŋan tin ti-Dindaan Yeesu Kriisitoo ŋá-tee. Úǹ un sá ugaajee, u gíiǹ u-ba usoodaan, timbi ń kpántí bigaajab úǹ soodaŋku pu.

Jacques 1:17

Tiwannyaandi nì tiwammɔntiil tin kɔkɔ ti fòol̄ faalaayee nyēeń yilpu ní. Ti-Baa Unimbɔti iwalfi in bí yilpuee náanliu cee ní an nyēeń. Úǹ kaa kpántáaa, kaa fàtī ki ŋmíntí dijandi diba, din kíǹee dɔ̄ dibɔmbɔndin.

1 Samuel 10:26

Ní Saayuul mun nín kùǹ u-dumpu Giibeeya. Unimbɔti nìn gbēē bibaatandambi biba pɔbiliŋ ní bíǹ nóó-u.