Matthieu 20:8 - UNIMBƆTI NYƆƆBUNDI GBƆŊKU

⁸ «Kujoou jóotèe, ní bukpaadaan bí un kpèé u-paadambee yii: <Yíiń bipaadambee kí pà-bi bi-paati, kí kíliń bin m lúŋkèe kí dāá kátí bin m pééyee.>

Matthieu 20:8 Iomraidhean Croise

Genèse 15:2

Ní Abram kíí yii: «Ti-Dindaan Unimbɔti, ba ní a làá tīī-mi ní? Man dee, maa cáá kibiki, ní Eeliyeeseer udamaasja di làá dāá jī m-fakal.»

Genèse 43:19

Bi làá kɔ́ee, ní ki sútì ki pìl̄ Jooseefi tɔntɔŋkpiliuee kipunyɔkɔpu ki sòon̄ nì u.

Lévitique 19:13

«Ní taa mùul̀ ni-juti, kí taa yɔ̀-u. Ní taa yàntī upaadaan nimbiliŋ ń dòon̄ ni-cee kutaa ń wúntí naa pàn̄-u.

Matthieu 20:7

Ní bi kíí-u yii: <Di sá yii ubɔ kaa cúú-ti pàá.> Ní u bí yii: <Too, ni mun nín̄ cámaan man kpaabun.>

Matthieu 20:9

Ní bin bi cúú kujoou tikúti tiŋmooyee dɔ́miń, ní bi-kɔkɔ fōō ŋwimmɔn paati.

Matthieu 25:19

«Uninjee búntèe, ki yúntìń tikpil. U dāa fātìi bāańee ní ki yíiń u-tɔntɔnliibi bí tùkù-u bi nín dū u-nimbiliŋ ki ŋá kuŋyee.

Matthieu 25:31

«Man Kinibiki yaa láa dɔ́miń m-nyootinee nì Unimbɔti tuuŋyi kɔkɔee, m làá dāá kàl̄ m-beejal pu nì tinyool.

Luuki 10:7

Ni yaa kɔ́ laakin ní bi yaa fōō-nee, nín̄ kāmaan kudicaŋu gbantin. Tin kamaa ní bi yaa pée cáań-nee, ní jī kí nyɔ̀, kun puee utɔntɔnli máaǹ tipaal. Ní taa nín̄ kóò ki póotí adiin.

Luuki 12:42

Ní ti-Dindaan kíí-u yii: «Tibɔŋmantikaal nee sá ki tīī utɔntɔnli kamaa un yú deedee ki cáá iciin, u-kpiliu dū u-cindi yab ki ŋúbiǹ-u ú nīn kpèé ki tìì-bi tijin ŋyunti ŋun sá ú tīī-bee ní.

Luuki 8:3

nì Kusa un nìn kpèé ubɔti Eeroodi gaajatee nimpuu Jaani, nì Susana, nì binimpoobi tikpil bin nìn tìì tin bi cááyee ki tútúǹ Yeesu nì u-boonnooliibee.

2 Corinthiens 5:10

Kun puee an sá yii ti-kɔkɔ ń dāá kpāfì Kriisitoo nimbiin ní ú sòoǹ ti-bɔti ti nín kāl̀ duulinya poon ki dū ti-yuntiŋu ki ŋá diŋyee. An yaa sá ikpitaaa, an yaa tí sá tiŋanaaa, ní ú dāá pà báà ŋma u nín máaǹ tipaal tiŋyee.

Deutéronome 24:15

Ní pà u-paati ní ŋwìiń ń nín jēetí, di sá yii u sá usoodaan, ní animbil gbanti pu ní u máká. An yaa kaa sá mimmee, u làá tīminsì ti-Dindaan kí tɔ̄ ni-pu ní ní kɔ́ ikpitin.

Tite 1:7

Di sá yii un kpòotī Kriisitoo nikitilee tundi di sá ú nīn kpèé Unimbɔti tundi ń còom̀. An puee waa máaǹ bí ká u-pu ikpiti iba. Ú taa nín̄ sá ulambidaan nì uŋuudaan nì udanyɔgbil, kí taa nín̄ sá kílkil niliu nì un dì isaŋkpiti pu ki kāntí animbilee.

Hébreux 9:28

Míǹ mbaantiim ní Kriisitoo mun dū u-ba ki ŋá saraa diba ja ki nyántì binib tikpil ikpiti poon. U làá dāan̄ nliliitiim, kaa sá kí dāá nyāntí binib ikpiti poon, ama u dāa dòoń kí fīī bin kíǹ ki kā ki cí-uee ní.

1 Pierre 4:10

Kii Unimbɔti nín pú-ni ŋŋmam mì bí tɔbin puee, nín̄ cáa tútúm̀maan tɔb. Ni yaa bíi ŋáań mimmee, binib làá ká Unimbɔti ŋanti kɔkɔ tin u là kí tīī-bee.

Ruth 2:6

Ní utɔntɔnli un kpèé bijincaliibee kíí-u yii: «An sá kimoowaabibiki kin nóoń Nawoomii ki nyánní Moowaab satinee.