Matthieu 20:2 - UNIMBƆTI NYƆƆBUNDI GBƆŊKU

² U ká-bee, ní bi sòon̄ ki bɔ́ntì yii u làá pà-bi ŋwiin ŋubɔ tundi paati, ní u cáá-bi ki tɔ́ u-kpaabun.

Matthieu 20:2 Iomraidhean Croise

1 Rois 18:12

Ama m yíkí a-cee doo kí cùú tùkù Akaab yii a dòońee ní ti-Dindaan Fam ń yòon̄-si kí cáá búntí laaba, ní u nín dɔ́miń doo kaa ká-see, ní ú kpɔ̀-mi. Man a-tɔntɔnliu mun, doooo m-naacimpɔntin ní m fàŋkí ti-Dindaan.

2 Chroniques 34:3

U nín jíń dibeel abin anii poon ki dáá sá unaacimpɔɔnee, ní u kíĺ ki bíi nyàab̀ u-naanja Daafiidi Nimbɔtiu. U nín jíń dibeel abin saalaa nì ali poonee, ní u kíĺ ki bíi kúntí iwaatootipaan nì iwindɔ nì awaa ŋin bi kpítèe nì ŋin bi dūntì tikúti ki mɔ́ɔ́yee Juuda tiŋkin nì Jeerusaleem.

Ecclésiaste 12:1

Taa súntí a-náanliu pu ŋyunti ŋun ní a dáá pɔ̀ɔǹee. Téetí u-pu kí wàatī ní iwiŋkpiti ń bàń, ŋyunti ŋun ní a làá dāá lì yii: «An kaa ti mɔ̄ǹ-mi ḿ nín bí dimaŋfalin.»

Matthieu 18:28

«Utɔntɔnlee nyáńee ní ki dūu tú u-tɔntɔnjuti un mun cáá úǹ dipɔndi kutukuee nsan, ní ki cìb̄ ki cúú-u ki ŋmáaḿ u-neen ki bí-u yii <Pà-mi m-nimbiliŋ!>

Matthieu 20:1

«Unimbɔti Beel náań nì kii bukpaadaan ubɔ nín nyáń kutaafaau pɔ̀lpɔl kí nyàab̀ bipaadambi bí tɔ̄ ditundi u-kpaabun puee ní.

Matthieu 20:13

Ní u fātìi kíí bi-kansikin ubɔ yii: <M-bɔɔ, maa mūul̀-si. Man nì si kaa sòon̄ a kíí yii a làá fōō ŋwiin ŋubɔ paati níii?

Matthieu 20:3

Tikúti tiwa gbáńee, u nyáń ki ká biba kā kinyɔŋin fám kaa bíi tūǹ diba,

Matthieu 20:9

Ní bin bi cúú kujoou tikúti tiŋmooyee dɔ́miń, ní bi-kɔkɔ fōō ŋwimmɔn paati.

Matthieu 22:19

Dàkàmaan-mi animbil ŋin bi cáa pà lampooyee.» Ní bi lēē animbil ki dàkā-u.

Matthieu 9:37

Niinee ní u bí u-boonnooliibi yii: «Kudiceeu wīikí tikpil, ama ní bicaliibi kaa náaǹ.

Marc 12:15

Yeesu béè bi-poonnyooŋŋu puee, ní ki bālifì-bi yii: «Ba pu ní ni píĺ-mi tibɔti míǹ kí kpèè m-nyɔkɔn? Cáaḿmaan-mi animbil ḿ kpèè!»

Luuki 1:15

U làá dāá nīn sá unikpaan ti-Dindaan nimbiin. Waa dāa nyù ndaam nì tinyɔkaal tin kɔkɔ pée gbéèyee. U làá dāá gbí Unimbɔti Fam doooo u-na poon ní.

Luuki 10:35

Kutaa wúntèe, ní u nyántì animbil ki tīī ukpil un kpèé anicandiinee, ní ki bí-u yii: <Á kpèè-mi kijapaai nee tiŋan. A yaa gíti jíń animbil min nyɔkɔm u-puee, m yaa láa fātìńee, ḿ téeǹ-si.>»

Luuki 20:24

«Cáaḿmaan-mi animbil.» Bi cáańee, ní u bālifì-bi yii: «Ŋma yindi nì u-yil di kā animbil pu na?» Ní bi kíí-u yii: «Gɔmina Seesaar.»

2 Timothée 3:15

Doooo a-biyatin ní a pée nyí Unimbɔti gbɔŋku poon bɔti. An di ŋūǹ kí tīī-si iciin in cáǹ unil difiilinee nì fookii un a cáá Yeesu Kriisitoo puee.

Apocalypse 6:6

Ní m gbìl̄ nneen ŋubɔ sòon̄ní tiwan tinaa tin cáá kufoouee kansikin ki lī yii: «Dū saniya kí ŋmàntī bilee kiiloo ubɔ ŋwiin ŋubɔ tundi paati, kí ŋmàntī ɔɔji kiiloo bita ŋwiin ŋubɔ tundi paati. Ama á taa gbēē ŋkpam nì ndaam pu.»

1 Samuel 2:18

Samiyeel úǹ nìn pēē gulfa un bí fálfalee bɔkutipaaŋkaaki, ki bí ti-Dindaan nimbiin ki tūǹ u-tundi.

1 Samuel 2:26

Samiyeel nìn wīintí ní ki nìn mɔ̀tīi fáatiǹ ti-Dindaan nì binib.

1 Samuel 3:1

Kinaacimpɔmbiki Samiyeel nìn bí Eelii cee ki tūǹ ti-Dindaan tundi. Ŋyunti gbantee, Unimbɔti kaa nìn sòoǹ nì binib múlmul, ní dileedakal kaa nìn gbōō.

1 Samuel 3:21

Ti-Dindaan nìn gbíntìi nìkì ki nyāntí u-ba Siiloo ki dàkà. Di sá yii Siiloo niin ní u nìn nyāntí u-ba ki dàkà Samiyeel ní ki tìì-u u-nyɔɔbundi,