Matthieu 2:6 - UNIMBƆTI NYƆƆBUNDI GBƆŊKU

⁶ <Sii Beetileem, kitiŋ kin bí Juudeeyee, tiŋmanee, aa sá kitiŋwaai Juudee tiŋkpaammu kansikin, kun puee sii poon ní ubɔti un làá kpàà Isirayeel yab man nibulee làá nyānní.>»

Matthieu 2:6 Iomraidhean Croise

Genèse 49:10

Sii Juuda ŋaan ní dibeel làá nīn pée bí, a-dicaŋkun ní mpɔn làá nīn bí, kí nīn cí un baasii yì dibeelee ń bàń. Úǹ ní atimbun kɔkɔ làá dāá nīn tɔ́.

2 Samuel 5:2

Iyunti in jítèe, min Saayuul nìn sá ti-bɔtiuee, sii di nìn līī Isirayeel yab janjaliibi nyɔkɔpu ki cáǹ-bi kujaau. Ní ti-Dindaan nìn pōoǹ-si yii: <Sii di làá dāá kpàà Isirayeel yab man nibul kí nīn sá bi-bɔtiu.>»

1 Chroniques 2:51

nì Salima un náań Beetileem tiŋkee, nì Areefi un náań Beeti-Geedeer tiŋkee.

1 Chroniques 5:2

Juuda di nìn sá u-mambi nì u-naalib kansikin un pɔ̄ɔ̄, ní u-dicaŋkun yab ubɔ dāa kpántì Isirayeel bɔtiuee. Ama Jooseefi ní bi dū tikpiti ki tīī.

Esdras 2:21

Beetileem tiŋkin yab nìn sá binib dilaataal nì binib mmuŋku nì bita.

Esaïe 40:11

U sá kii upikpaal un kpàá u-picaŋkpuŋkuee ní, u cáá u-ŋal ki kōontí u-pibiliŋ ki kpáfí. U yòontí u-pibiyaamu ki bìb̀, ní ki kpòotī ipinaati in cáá mbiyaamu ŋáaḿee ki cáǹ nsɔŋfin.»

Michée 5:2

Ti-Dindaan làá dū u-nibul kí fá ŋyunti ŋubɔ poon, kí nīn cí ŋyunti ŋun ní unimpu un làá màal̀-uee ń dāá màal̀-u. Ŋyunti gbantee, u-nabiyaamu mun làá dāá kíń kí nīn bí dimaŋfalinee làá dāá dāan̄ kí kūtì Isirayeel yab bin kíǹee pu.

Nombres 24:19

Ubɔ làá nyānní Jaakɔb maaliŋun kí nīn tɔ́kɔ́ tikɔkɔ pu. U làá dāá kúntí bin bin nìn sáǹ ki nyáń ntimun ki ŋmátèe.»

Matthieu 2:1

Bi màl̄ Yeesu Beetileem ní, Juudee tiŋki kiban. Ŋyunti gbantee Eeroodi di nìn sá ubɔti, ní bin nyí iŋmalbijaa bɔtee biba nyánní ŋwìiń nyalaŋki pú ki bāań Jeerusaleem,

Matthieu 28:18

Ní Yeesu sútìń ki sòon̄ nì bi, yii: «M fōō yilpu nì taapu kɔkɔ pu mpɔn.

Jean 21:16

Ní u gíti bālifì-u nliliitiim yii: «Siimɔn, Yoowaneesi jipɔɔn, a néeń-maaa?» Ní u bí yii: «Iiin, m-Dindaan, a nyí m nín néeń-see.» Ní Yeesu bí-u yii: «Á nīn kpàá m-piii.»

Jean 7:42

Ama Unimbɔti gbɔŋku tùkù-ti yii Meesiya làá dāá nīn sá Daafiidi maaliŋun, ní ki sá Beetileem, kitiŋ kin ni Daafiidi nìn sée.»

Ephésiens 1:22

Unimbɔti dū tikɔkɔ ní ki ŋá Kriisitoo taapu. U dū-u tɔ́kɔǹ tikɔkɔ pu ní ki dū-u ki ŋá Kriisitoo Nikitil yil.

Colossiens 1:18

Úǹ di sá u-nikitil yil ní u-nikitil sá u-wunti. Úǹ di tìì dimaŋfal. Bin fīkitì ditaŋkpiilinee kansikinee, úǹ di sá ukpil, án nín làá ŋá pu ú kpántí upeepeekaa tikɔkɔ poonee.

Hébreux 7:14

Báà ŋma nyí u-pu yii u sá Juuda naakookun ní. Mooyiisi kaa nìn tīī kunaakoou gbanti disaraaŋatundi báà fiii.

Apocalypse 11:15

Ntuun nluluútee búń ŋu-kantándee, ní ineen kupaau sòon̄ní yilpu mpɔn yii: «Duulinya beel kpántì ti-Dindaan nì u-Meesiyau Beel ní kɔŋkɔnnee. Úǹ di làá nīn pée kā di-pu kí nīn cá jaanjaan.»

Apocalypse 2:27

Mpɔn ŋun m làá tīī udaan ú dūú kpàà-bee dāa pɔ̄ɔ̄ kii tikútee ní. U dāa ŋūǹ kí dūú wīī binib sɔkɔmii kii atansambilee.

Apocalypse 7:17

Kun puee Dipibil din yú dibeejal kansikinee di dāa sá bi-kpàaliu, ní kí cáá-bi kí cùnnì nnyim min tìì dimaŋfalee laŋki, ní Unimbɔti ń pítí bi-nyinnyim kɔkɔ.»