Matthieu 2:4 - UNIMBƆTI NYƆƆBUNDI GBƆŊKU

⁴ U nìn yíiń Juuda yab saraaŋaliibi nì bimaradakaliibi ki kpáfì ní ki bālifì-bi yii: «La ní an lī yii bi làá màal̀ Meesiya ní?»

Matthieu 2:4 Iomraidhean Croise

2 Chroniques 34:13

nìn kpèé bin tūntí tiwanee nì bitɔntɔnliibi kɔkɔ, báà udaan tundi yaa nìn sá diŋyee. Leefii yab kansikinee, biba mun nìn sá bigbaŋŋmaliibi ní biba sá bikàliŋkpilib ní bin kíǹ sá bipunyɔɔciitiliibi.

2 Chroniques 34:15

Yiilkiyaawuu nìn bí ugbaŋŋmal Safan yii: «M ká Marab gbɔŋku ti-Dindaan Diikun.» U lī mimmee ní ki dū kugbɔŋuee ki tīī-u.

2 Chroniques 36:14

Abɔtibil nì bisaraaŋaliibi nì samaa kɔkɔ kaa nìn yúl̀ nì Unimbɔti deedee. Bi nìn ŋá ntimbiil tuuŋŋi ŋin ní atimbun ŋin māntìi tú-bee ŋáańee ki kɔ́ǹ kunimbɔtidii kun bí Jeerusaleem ti-Dindaan dūu sú u-bee tijɔkɔndi.

Esdras 10:5

Niinee Eesiraasi yíkì ní ki yāntì bisaraaŋaliibi nì Leefii yab nì Isirayeel yab kɔkɔ pūtì yii bi làá ŋá kii Seekaniya nín sòon̄ puee, ní bi-kɔkɔ pūtì.

Esdras 7:6

Eesiraasi gbanti nìn nyánní Babiloon ní. U nìn sá unil un nyí Mooyiisi marab bin ti-Dindaan Unimbɔti nìn tīī u-nibul Isirayeel yabee tiŋan. Ti-Dindaan Unimbɔti nìn yú u-boon, an puee tin u yaa nìn bālifì ubɔtee, u nìn tìì-u ní.

Néhémie 12:7

nì Saluu nì Amooki nì Ilikiya nì Yeedaya. Yeesuwa yuntiŋuee, bíǹ nì bi-nabiyaamu di nìn sá bisaraaŋaliibi kpilib.

Psaumes 2:2

Kitiŋ pu bɔtiibi bíi bōob̀ dikɔ̀ndi, biyidambi bíi sòoǹ kí kpāfì kinyɔkɔ kí já nì Unimbɔti nì ubɔti un u lēēyee.

Jérémie 8:8

Mana ní ni ŋūǹ kí lì yii: «Ti sá biciŋfitiibi, ti-Dindaan marab bí ti-cee?» Di sá yii bimaradakaliibi bin fàtīi ŋmà marabee sá binyimɔndambi ní ki kpántí marab gbanti.

Malachie 2:7

Tiŋman, usaraaŋal tundi di sá ú dàkà binib bí béé Unimbɔti. Úǹ cee ní binib tí cá kí béé marab. Di sá yii úǹ di sá ti-Dindaan Mpɔŋkɔdaan tuuŋŋu.

Matthieu 13:52

Ní u bí-bi yii: «Míǹ ní umaradakal kamaa un di yaa fōō Unimbɔti Beel bɔtee náań nì kudiidaan un cáá tigaajati ki lèekī ti-poon tikpikil nì tipɔn ki cáa tútúǹ binibee ní.»

Matthieu 2:3

Ubɔti Eeroodi nín gbìl̄ mimmee, ní u-pɔbil bíil̀, ki kpáaǹ Jeerusaleem nib kɔkɔ.

Matthieu 2:5

Ní bi kíí-u yii: «Beetileem, kitiŋ kin bí Juudeeyee, kun puee Unimbɔti bɔnaatiliu nìn ŋmàn̄ yii:

Matthieu 21:15

Bisaraaŋakpilib nì bimaradakaliibi nín ká maamaaci tuuŋŋi ŋin Yeesu ŋáaǹee, nì mbiyaamu nín bí kunimbɔtidii poon ki tátí yii: «Oosaana! Daafiidi naantiiu ń ká tinyoolee!» ní bi fōō diŋuul,

Matthieu 21:23

Yeesu tí kɔ́ kunimbɔtidiin ki bíi dàkà binib Unimbɔti bɔtee, ní bisaraaŋakpilib nì Juuda yab kpilib dɔ́miń u-cee ki bālifì-u yii: «Nì nsan ŋulɔŋu pu ní a tūǹ atuun ŋin a tūǹ nee ní? Ŋma di pú-si an saŋŋu?»

Matthieu 26:3

Ní bisaraaŋakpilib nì Juuda yab tindaŋkpilib kpáfì usaraaŋakpil un bi yíì Kaayiifee naakookun,

Matthieu 26:47

Yeesu kaa láá sòon̄ ki ŋmíl̀, ní u-kpambaliŋ saalaa nì alee kansikin un bi yíì Juudasee bāań u nì kunipaau nóoń ki ŋúbiń njimu nì atambɔn. Bisaraaŋakpilib nì Juuda yab tindaŋkpilib di nìn túnní-bi.

Matthieu 27:1

Kutaafaau pɔ̀lpɔlee, bisaraaŋakpilib kɔkɔ nì Juuda yab tindaŋkpilib kpáfì ki sòon̄ bi nín làá dī nsan ŋun pu ní kí kpɔ̀ Yeesuee.

Matthieu 7:29

kun puee úǹ dàkatamee cáá mpɔn, kaa bí kii bimaradakaliibi yamee.

Marc 8:31

Ŋyunti gbantee, u kíĺ ki bíi tùkù u-boonnooliibi yii: «An sá man Kinibiki ń jī falaa tikpil. Bitindaŋkpilib nì bisaraaŋakpilib nì bimaradakaliibi kɔkɔ làá dāá lì yii baa là m-bɔti, bi làá dāá kpɔ̀-mi, ní ḿ fàtīí fìkitī winta dal.»

Luuki 20:19

Niinee, bimaradakaliibi nì bisaraaŋakpilib bíi nyàab̀ isan kí cúú Yeesu, kun puee bi béè yii bíǹ pu ní u dū tibɔti gbanti ki ŋmāntì, ama binib nín nìn wīikí u-cee puee, bi fāŋkì.

Luuki 23:10

Bisaraaŋakpilib nì bimaradakaliibi nìn bí niin ki sòoǹ mpɔn ki mɔ́ntí ki tūntí u-pu.

Jean 18:3

Bisaraaŋakpilib nì Fariisab nìn tīī Juudasi disoojakitil nì dipilisikitil, ní u yōoǹ-bi ki cáa nín cá bukpaayee poon. Bi nìn ŋúb́ iŋminaapool nì fitilab nì tijanjawan.

Jean 3:10

Ní Yeesu fātìi kíí-u yii: «Sii un sá udakakpaan ki dàkà Isirayeel yabee di kaa nyí tin bí neeee?

Jean 7:32

Fariisab nín gbìl̄ samaa bíi sòoǹ Yeesu pu míǹ bi-ŋmaniŋmee, ní bi nì bisaraaŋakpilib tú soojab ń cù kí cúuń-u.

Jean 8:3

Ní bimaradakaliibi nì Fariisab cáań-u unimpu ubɔ, bi nìn cúú-u u bíi ŋáań tilaakpaal. Ní bi cáá-u ki yóoǹ kunipaau kansikin,

Actes 23:9

Niinee ní kujakpaaŋŋu jéetì bi-kansikin, ní bimaradakaliibi bin nìn sá Fariisab jandi púee biba yíkì, kaa kíí, ki bíi mɔ́tí yii: «Timbi kaa ká kijapaai nee ŋá tiba. An yaa yíì, Unimbɔti tuuŋŋu di làá nīn máaǹ ki sòon̄ nì u.»

Actes 4:5

Kutaa wúntèe, Juuda yab yidambi nì bitindaŋkpilib nì bimaradakaliibi kpáfì Jeerusaleem.

Actes 6:12

Ní an cúú kunipaauee poon ki kūtì ki kpáaǹ bitindaŋkpilib nì bimaradakaliibi, ní bi cūtìi cúuń-u mpɔn ki cáań bibɔsoonliibi kitil nimbiin.