Matthieu 2:23 - UNIMBƆTI NYƆƆBUNDI GBƆŊKU

²³ ní ki cūtìi kāl̀ Galiilee tiŋki kin bi yíì Naasaareetee. An ŋá kii Unimbɔti bɔnaatiliibi nín nìn sòon̄ ki síiǹ puee dee, yii: «Bi làá dāá nīn yíì-u unaasaareetija ní.»

Matthieu 2:23 Iomraidhean Croise

Nombres 6:13

«Un dū u-ba ki sú-mee yuntiŋu yaa sāāyee, u nín máaǹ kí ŋá puee marau sèé. U-yuntiŋu yaa sāāyee, bí yàntī ú dāan̄ circir kɔŋkooŋŋu punyɔkɔki nyɔkɔpu.

Matthieu 1:22

Tin bí nee kɔkɔ bāań ki ŋá kii ti-Dindaan nín yāntì u-bɔnaatiliu sòon̄ miŋyee ní yii:

Matthieu 21:11

Ní kunipaauee kíikí yii: «An sá Yeesu Unimbɔti bɔnaatiliu un sá Naasaareeti Galiilee tiŋkinee.»

Matthieu 26:71

U còom̄ ki cá kipunyɔkɔ watil púee, ní usapɔɔn ubɔ mun gíti ká-u, ní ki tùkū bin bí niinee yii: «Kijapaai nee mun nìn bí Yeesu Naasaareeti yɔuee cee ní.»

Marc 1:24

«Yeesu Naasaareeti yɔu, a nyàab̀-ti nì tilati ní? A dɔ́miń kí kúntí-ti níii? M nyí un ní a sée! A sá circirdaan un nyánní Unimbɔti ceeyee ní!»

Marc 1:9

Ŋyunti gbantee, Yeesu nyánní Galiilee tiŋki kin bi yíì Naasaareetee, ki dɔ́miń Yoowaneesi fùl̄-u Jɔɔdan buŋŋun.

Luuki 1:26

Eeliisabeeti cáá dipool iŋmal iluuyee, ní Unimbɔti tú u-tuuŋŋu Gabriyeel Galiilee tiŋki kin bi yíì Naasaareetee

Luuki 18:37

Ní bi tùkū-u yii: «Yeesu Naasaareeti yɔuee di jītí.»

Luuki 2:39

Yeesu baa nì u-na ŋá ti-Dindaan nín yóoǹ mara bí ŋá puee ki dóòyee, ní bi fātìi nín gítí bi-dumpu Naasaareeti, Galiilee tiŋkin.

Jean 18:5

Ní bi kíí-u yii: «Ti nyàab̀ Yeesu Naasaareeti yɔuee ní.» Ní u kíí-bi yii: «Man sèé!» Juudasi, un nyáń u-boonee, sáká bi-kansikin.

Jean 18:7

Ní Yeesu fātìi tí bālifì-bi yii: «Ŋma ní ni nyàab̀ ní?» Ní bi bí yii: «Ti nyàab̀ Yeesu Naasaareeti yɔuee ní.»

Jean 19:19

Piilati nìn ŋmàn̄ tiŋmaŋmabiti ki tīī bí cáá nákań Yeesu dɔpuntikaaŋu pu. U nìn ŋmàn̄ yii: «Yeesu Naasaareeti yɔu, un sá Juuda yab bɔtiuee.»

Actes 2:22

«Isirayeel yab, pīlifìmaan tibɔti nee. Unimbɔti yāntì Yeesu Naasaareeti yɔu ŋáaǹ maamaaci tuuŋŋi nì tidaandi ni-kansikin, ki dàkā-ni yii úǹ di lafun túnní-u ni-cee, kii nimbi ni-ba nín nyí puee, kun puee tikɔkɔ jítì ni-nimbiin ní.

Actes 24:5

Di sá yii timbi ká yii kijapaai nee sá unil un sá asaluu daanee. Úǹ di yì-tì ní fìkil fikil kɔ́ Juuda yab bin bí duulinya nee nee kɔkɔ kansikin. Úǹ di sá Naasaareeti yab kitil kpiliu ubɔ.

Juges 13:5

kibininjabiki kin a làá cáá dipool kí màal̀ee pu. Bɔlfi ń taa pée gbēē kibikee yil, di sá kí yòon̄ ŋwiin ŋun ní a làá díkí u-poolee, u làá nīn sá un bi dūu sú Unimbɔtee ní. Úǹ di làá kíĺ kí fīī Isirayeel yab Fiiliistii yab ŋaan.»

1 Samuel 1:11

U nìn pōoǹ ti-Dindaan yii: «Ti-Dindaan Mpɔŋkɔdaan, kpèè man a-tɔntɔnliu falaau. Téetí m-pu, taa súntí m-pu. A yaa tīī-mi kibininjabikee, m làá dū-kì kí sú sii ti-Dindaan ní. Ki-maŋfal wiiŋyi kɔkɔ poonee, bɔlfi kpá kí gbēē ki-yikpiti.»