Matthieu 2:2 - UNIMBƆTI NYƆƆBUNDI GBƆŊKU

² ní ki bālifì yii: «Juuda yab bɔtiu un bi dáá màl̄ nee bí la? Ti ká u-ŋmalbijau nyáń ŋwìiń nyalaŋki pú ní ti dɔ́miń kí gbàan̄ kí jāam̀-u.»

Matthieu 2:2 Iomraidhean Croise

Psaumes 2:6

Unimbɔti lī yii: «Siiyɔn m-circir jool pu ní m kāaǹ ubɔti un m lēēyee.»

Psaumes 45:11

Pīlifì m-bisal, kpèè kí kpòon̄ a-tafal kí pīlifì. Súntí a-nibooliŋu nì a-baa dicaŋku yab pu.

Esaïe 60:3

Atimbun làá còom̀ kí dāan̄ a-walfiŋu cee, ní bibɔtiibi ń dāá dāan̄ ŋwalifi ŋun nyáń a-puee cee.

Jérémie 23:5

Ti-Dindaan bí yii: «Iwiin bí ki dòoń m làá yàntī bí màal̀ Daafiidi jipɔɔn tiŋman pu yɔu. U làá dū dinyil ní kí jī dibeel. U làá yàntī bí nīn tɔ́ mbaamɔn saŋŋu nì tin bí deedeeyee kitiŋ nee pu.

Jérémie 30:9

Ama bi làá dāá nīn sá man bi-Dindaan bi-Nimbɔtiu nì Daafiidi un m làá dāá dūú kàan̄ bi-pu ubɔtee tɔntɔnliibi.»

Zacharie 9:9

Siiyɔn tiŋki, nín̄ fàal̀! Jeerusaleem, nín̄ kūuntí nì dipɔɔpindi! Kpèè, a-bɔtiu dòoń a-cee. U sá deedeedaan ní ki sá ujajil. U sīntì u-ba taapu, ní ki kā kimaŋ pu, u kāń dimampɔmbil, kimansalii biki pu.

Nombres 24:17

M wāĺ tiba, tì bí ki dòoń, ama an kaa nín sá kɔŋkɔnnee. M dáań ki ká tiba, ama taa làá bàń díǹ. Uŋmalbija ubɔ nyáń Jaakɔb maaliŋun, ubɔtikpaan ubɔ nyáń Isirayeel nibulin. U làá dāá fáá kí wīī Moowaab yab nyɔɔkpaweeŋyi, ní kí fáá kí wīī Seeti yab yiliŋ.

Matthieu 2:3

Ubɔti Eeroodi nín gbìl̄ mimmee, ní u-pɔbil bíil̀, ki kpáaǹ Jeerusaleem nib kɔkɔ.

Matthieu 21:5

«Tùkùmaan Siiyɔn tiŋki nib, yii: Kpèèmaan, ni-bɔtiu dòoń ni-cee, ki sá unil un mɔ̄ee. U kā kimaŋ pu, u kāń dimampɔmbil, kimansalii biki pu.»

Matthieu 27:11

Bi cáá Yeesu gɔmina nimbiin, ní gɔmina bālifì-u yii: «Sii di sá Juuda yab bɔtiuaaa?» Ní Yeesu kíí-u yii: «Míǹ ní a lī nee.»

Luuki 19:38

Ní bi lì yii: «Ti-Dindaan ń bìin̄ ubɔti un dòoń u-yindi puee boon. Ŋgbansɔŋfi bí yilpu ní tinyool sá ki tīī Unimbɔti!»

Luuki 2:11

Dinyɔɔbundi gbanti di sá yii díǹ nyeeku nee, bi màl̄-ni Ufiil ubɔ Daafiidi dumpu Beetileem. Úǹ di sá Kriisitoo, ti-Dindaan.

Luuki 23:3

Ní Piilati bālifì-u yii: «Sii di sá Juuda yab bɔtiuaaa?» Ní Yeesu kíí-u yii: «Sii di lī.»

Luuki 23:38

Ní bi ŋmàn̄ u-yilpu yii: «Un bí nee di sá Juuda yab bɔtiu.»

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

Jean 12:13

Bi nìn bátì tikpakpati ki túŋkì-u nsanni, ní ki kūuntí yii: «Oosaana, tí dàntìmaan-u! Ti-Dindaan ń bìin̄ un dòoń úǹ yindi puee! Unimbɔti ń bìin̄ Isirayeel bɔtiu boon!»

Jean 18:37

Ní Piilati bí-u yii: «Mimmee, a sá ubɔti níii?» Ní Yeesu kíí-u yii: «Sii di lī. M dɔ́miń bi màl̄-mi duulinyan ḿ dàkà binib kun di sá ibaamɔnee ní. Un kamaa sá ibaamɔn yɔuee pílifí tin m sòoǹee ní.»

Jean 19:19

Piilati nìn ŋmàn̄ tiŋmaŋmabiti ki tīī bí cáá nákań Yeesu dɔpuntikaaŋu pu. U nìn ŋmàn̄ yii: «Yeesu Naasaareeti yɔu, un sá Juuda yab bɔtiuee.»

Jean 20:28

Niinee ní Toomasi ń bí-u yii: «M-Dindaan, m-Nimbɔtiu!»

Jean 5:23

án nín làá ŋá pu binib kɔkɔ ń nīn tìì-u jilma kii bi nín tìì Ubaati puee. Un kaa tīī Ubaati Jipɔɔn jilmee kaa tīī Ubaati un túnní-uee mun jilma dee.

Jean 9:38

Ní u bí yii: «M-Dindaan, m fōō-si ki kíí,» ní ki tātìi gbāaǹ Yeesu nimbiin ki jáam̀-u.

Hébreux 1:6

Ŋyunti ŋun u dū u-Jipɔŋkpiliu gbanti ki túnní duulinya poonee, ní u bí yii: «Unimbɔti tuuŋyi kɔkɔ ń gbàan̄ kí nyɔ̄ŋkì-u.»

Apocalypse 22:16

«Man Yeesu di túnní m-tuuŋŋu ŋú sòoǹ an bɔti m-nikitiŋ kansikin kí tùkù-ni. M sá Daafiidi naakookun ní, ki sá utaafaaŋmalbija un jìl̀ee.»