Matthieu 2:18 - UNIMBƆTI NYƆƆBUNDI GBƆŊKU

¹⁸ «Bi gbìl̄ Raama tiŋkin dituweel, nsiim, nì iyaliŋki tikpil, an sá Raseel di bíi sūǹ u-biyaamu pu, kaa là bí ŋméeǹ-u, kun puee mu kpíì.»

Matthieu 2:18 Iomraidhean Croise

Genèse 37:30

Ní u nín fàtī u-naalib cee ní ki bí-bi yii: «Jooseefi gíti kpá dilɔkɔgindin! Kin man làá ŋá m-ba la?»

Genèse 42:36

Ní bi-baa Jaakɔb bí-bi yii: «Ni làá yàntī ḿ nīn kā kí taa ti nín̄ cáá mbiyaamuɔɔ! Jooseefi kaa ti bí, Simeeyɔn kaa ti bí, ní ni là kí fōō Beenjameen mun m-cee! Tikɔkɔ fātìi lítì man pu ní nee!»

Yoob 14:10

Ama unil úǹ yaa kpíìyee, waa ti cáá mpɔn. Unil fooku yaa nyáń u-nee, u gíti bí tilatin?

Jérémie 31:15

Ti-Dindaan nín sòon̄ puee sèé: «Bi gbìl̀ Raama tiŋkin dituweel nì nsiim pu. An sá Raaseel di bíi sūǹ u-biyaamu pu. Waa kíí ubɔ ń ŋméeǹ-u, di sá yii muaa ti bí.»

Jérémie 4:31

M gbìl̄ ibiil iba pu kii unimpu di kā imatiŋween puee, a lì kii unimpusapɔɔn di làá màal̀ u-biseebikee. An sá Siiyɔn tiŋki biilii, kì bí ki yáliŋkí ki lábití iŋal ki lì yii: «M-falaau na! Binikpɔliibi làá gbá kí kpɔ̀-mi dee!»

Ezéchiel 2:10

Ŋu cúú kugbɔŋuee ki kpátì. Bi nìn ŋmàn̄ ajanliitil pu. Tin bi nìn ŋmàn̄ kugbɔŋuee poonee nìn sá iyaliŋki nì nsiim nì dinimbinaamandi bɔti ŋma ní.

Matthieu 2:17

An ŋá míǹ kí dàkà Unimbɔti bɔnaatiliu Yeereemii nín nìn lī puee dee, yii:

Luuki 8:52

Binib nìn bíi sūǹ ki yáliŋkí kibiki gbanti pu. Ní Yeesu bí-bi yii: «Taa ti sɔ̄maan! Kàa kpíì, kì gèeǹ ní.»

Apocalypse 8:13

M bí ki kpèéyee, ní ki gbìl̄ ukaalun ubɔ nín ŋàaǹ yilpu yilpu ki tátí mpɔn yii: «Mbusu, mbusu, mbusu gíti dɔ̄ ki cí kitiŋ pu nib ŋyunti ŋun ituun ita in kíǹee yaa láa búń i-kantáŋŋee.»