Matthieu 2:16 - UNIMBƆTI NYƆƆBUNDI GBƆŊKU

¹⁶ Eeroodi nín dāa béè yii bin nyí iŋmalbijaa bɔtee ŋmātiǹ-u kaa ti gítìń u-ceeyee, ní u fōō diŋuul tikpil ní ki pú kinyɔkɔ yii bí cù Beetileem tiŋkin nì ntimu mun māntìi tú-kèe kí kpɔ̀ mbininjabiyaamu mun cáá abin alee nì mun kaa láá bàn̄ alee, ki táá nì ŋyunti ŋun bin nyí iŋmalbijaa bɔtee nìn tùkū-uee.

Matthieu 2:16 Iomraidhean Croise

Genèse 39:14

ní u yíiń dicindin nib, ní ki bí-bi yii: «Dāá kpèèmaan! Bi cáań-ti ueebruja ú nīn cáá-ti ki gbíilíǹ ní! U dɔ́miń kí bàà dòon̄ nì man dee ní m fáá mbiil.

Genèse 39:17

U-cal Pootifaar dāa bāańee ní u gíiǹ ki téeǹ míǹ mbaantiim yii: «Ueebruja uyumbu un a cáań-tee dɔ́miń kí dòon̄ nì mi.

Genèse 49:7

M ŋá bi-ŋuul fám, kun puee bi dū-dì ki ŋá tipɔmbɔti. M ŋá bi-búm fám, kun puee bi dū-mì ki ŋá inimbinaakulim. M làá yàkatī-bi kí tɔ̄ Jaakɔb niboolii kansikin. M làá yàntī bí yàl̄ kí kɔ́ Isirayeel tiŋki kɔkɔn.

2 Rois 8:12

Ní Asayeel bālifì-u yii: «M-kpiliu, ba pu ní a bíi sūǹ ní?» Ní Eeliisee kíí yii: «M sūǹ kun puee m nyí inikpiti in a làá dāá ŋá Isirayeel yabee. A làá dāá tūū bi-timmu mun bi máń agun ki túee ŋŋmi, kí dāá làntī bi-naacimpɔmbiyaamu, ní kí dāá tāā tāā kí mátí bi-biyaamu ní kí dāá pùtī bi-nimpoobi bin sá bipɔdambee.»

Yoob 12:4

M kūuntí ki yíì Unimbɔti ki máká yii u làá kíí-mi, ama ní m-bɔɔbi ŋúb́-mi ki bèel̄. Man un máká Unimbɔti pu, baa kāntí m-pu tibee, bi ŋúb́-mi ki bèel̄.

Proverbes 28:15

Kii gbikinti nín sūǹ pu àá digbiŋgbil nín wúlìń puee, míǹ ní unikpiti un wɔ́b̀ dinibul din sá binandambee bí.

Proverbes 28:17

Unil un kūū u-jutee sáń ki cá dikaakulin ní, ubɔ ń taa cúú-u.

Esaïe 26:21

Kpèè, ti-Dindaan di nyánní u-kɔŋkooŋŋunee. U làá cùú dáaĺ kitiŋ pu nib tafal bi-kpitii pu. Kitiŋ làá nyāntí fatiku un bi yāaǹee mpaampiin pu, kàa ti làá báĺ binib bin bi nìn kūū kūūyee pu.

Esaïe 59:7

Ni sáń malaa malaa kí cùú ŋá ikpiti, ni yáb̀ kí cùú kpɔ̀ maanyiibab. Ni-landɔkɔi sá ilandɔkɔkpiti. Laakin kamaa ní ni yaa jítèee, ni ŋáań tipɔmbɔti ní ki bíiĺ tikɔkɔ.

Daniel (hébreu) 3:13

Niinee ní Neebukadineesaar gíí diŋuul ŋkpitim pu. U nìn tīī mara yii bí cáań Sadraaki nì Meesaki nì Abeedi Neegoo u-nimbiin. Dicilpu niinee ní bi cūtìi cáań-bi ubɔti nimbiin.

Osée 10:14

An pu ní kujaau làá pōō ni-nibul kansikin, ní bí dāá nàan̄ ni-timmu mun bi máń agun ki túee kɔkɔ. Ŋi làá dāá kpántí kii Beeti Arbeel tiŋkee ní. Ubɔti Calman nín nìn jáń nì kitiŋ gbantee, u nìn kūū bibinaatiibi ki kpáaǹ bi-biyaamu ní.

Nombres 22:29

Ní Balaam kíí-kì yii: «A kpēē-mi fám ní. M yaa bàà ŋúb́ kitàataajiki m-ŋaan doo, m bàà làá làntì-si!»

Nombres 24:10

Niinee ní Balaaki fōō Balaam pu diŋuul ní ki kpáafì u-ŋalii ki bí Balaam yii: «M yíiń-si á dāan̄ kí tɔ̄ m-nannanliibi mbusu, ní sii dɔ́miń ki mēē ki bīiǹ bi-pu mita kɔkɔɔ!

Matthieu 2:1

Bi màl̄ Yeesu Beetileem ní, Juudee tiŋki kiban. Ŋyunti gbantee Eeroodi di nìn sá ubɔti, ní bin nyí iŋmalbijaa bɔtee biba nyánní ŋwìiń nyalaŋki pú ki bāań Jeerusaleem,

Matthieu 2:17

An ŋá míǹ kí dàkà Unimbɔti bɔnaatiliu Yeereemii nín nìn lī puee dee, yii:

Matthieu 2:7

Niinee ní Eeroodi yíiń bin nyí iŋmalbijaa bɔtee dibalin ki bālifì-bi ŋyunti ŋun páaa ní bi ká uŋmalbijee,

Apocalypse 12:4

U-juul ní u dūu fùkū iŋmalbijaa yaa yākatì mitee diba pu ki lúkufìń kitiŋ pu, ní ki kíǹ ki yú ki kɔ́ĺ unimpu un làá màal̀ee, u yaa màl̄ee ú cúú kibikee kí ŋmɔ́.

Apocalypse 17:6

Ní m ká yii unimpuee nyùn̄ Unimbɔti nib nì bin nóó Yeesu deedee bi kūū-bee fatikuu ki gbí. M nín ká mimmee ní m bākatì sèeee.

Juges 16:10

Niinee ní Daliila bí Samsɔn yii: «Kpèè a ŋúb́-mi ki gbíilíǹ ki mɔ́ntí-mi inyimɔn. Kɔŋkɔnnee baasii tùkù-mi min ní unil máaǹ kí ŋá ní kí ŋmā kí bóob́-si iŋmiiyee.»