Matthieu 2:12 - UNIMBƆTI NYƆƆBUNDI GBƆŊKU

¹² Boonee ní Unimbɔti sòon̄ nì bi kudamintiiu poon yii bí taa fàtīí dī Eeroodi cee, ní bi páaǹ nsan ŋubɔ ki nín kùǹ bi-dumpu.

Matthieu 2:12 Iomraidhean Croise

Genèse 31:24

Ama kunyeeuee ní Unimbɔti nyántì u-ba ki dàkā Laaban uaranja kudamintiiu poon ní ki bí-u yii: «Á cúú a-ba kí taa lì Jaakɔb tiba nì tiba, kí taa ŋá-u tikpitil báà tiba.»

Exode 1:17

Ama bimatimmaanliibee nìn fàŋkí Unimbɔti. An puee baa nìn pílifiǹ Eejipiti yab bɔtiu ní ki nìn yàntī bi màal̀ mbininjabiyaamu kaa kù-mu.

Daniel (hébreu) 2:19

Kunyeeu gbantee ní Unimbɔti lēē abɔɔn gbanti ki dàkā Daniyeel dileedakal poon. Niinee ní Daniyeel nyɔ́ŋkì yilpu Nimbɔtiu,

Matthieu 1:20

U bíi dàkafī mimmee, ní ti-Dindaan tuuŋŋu dɔ́miń ki sòon̄ nì u kudamintiiun yii: «Jooseefi, Daafiidi naantiiu, taa fàŋkì kí cáá Maarii, kun puee Unimbɔti Fam di yāntì u cáá kibiki kin u làá màal̀ nee pool.

Matthieu 2:13

Bin nyí iŋmalbijaa bɔtee nín kùǹee, ní Unimbɔti tuuŋŋu dɔ́miń ki tùkū Jooseefi kudamintiiun yii: «Yīkì kí yòon̄ kibiki nì ki-na kí sāǹ kí nīn cá Eejipiti tiŋkin kí kàl̄ niin kí nīn cí ŋyunti ŋun m làá tùkù-si á fàtīí gítińee, kun puee Eeroodi làá nyàab̀ kí kpɔ̀ kibiki nee.»

Matthieu 2:19

Ubɔti Eeroodi nín kpíìyee, ní ti-Dindaan tuuŋŋu dɔ́miń Jooseefi cee kudamintiiun Eejipiti,

Matthieu 2:22

Ama u fāŋkì kí cùú kàl̄ Juudee tiŋkin kun puee u gbìl̄ yii Arkeelayusi di fōō u-baa Eeroodi beel Juudee. Kudamintiiun ní Unimbɔti dàkā-u, ní u túĺ Galiilee watil pú,

Matthieu 27:19

Ŋyunti ŋun u kā ibɔsoon puee, ní u-nimpuu túnní bí tùkù-u yii: «Á taa pée cèeǹ deedeedaan nee bɔtin! Di sá yii m jíń u-pu falaa tikpil kudamintiiun díǹ.»

Luuki 2:26

ní ki nìn tùkū-u yii u làá ká Meesiya ní kí nín kpú.

Actes 10:22

Ní bi kíí-u yii: «Kɔɔrneeyi un sá usoojakpil ki bí deedee ki fàŋkí Unimbɔti, Juuda yab kɔkɔ sòoǹ u-pu yii u sá unimɔntee, Unimbɔti tuuŋŋu ŋubɔ tùkū-u yii ú yíiń-si, á dāan̄ u-dumpu ú pīlifì tin tin a cáá kí tùkù-uee.»

Actes 4:19

Ní Peetroo nì Yoowaneesi fātìi kíí-bi yii: «An ŋān̄ Unimbɔti nimbiin yii tí pīlifiǹ nimbi kí yàntī Unimbɔtaaa? Kíímaan-ti!

Actes 5:29

Ní Peetroo nì Yeesu kpambaliŋ ŋin kíǹee, kíí-u yii: «An máaǹ tí gbìl̄ Unimbɔti nyɔkɔ kí yàntī binib.

1 Corinthiens 3:19

Kun puee duulinya ciiŋyi sá Unimbɔti cee digbaandi ní. Míǹ ní an ŋmàn̄ Unimbɔti gbɔŋkun yii: «Unimbɔti gīintí biciŋfitiibi ciiŋyi ní ki fàtīi cáa cútí-bi.»

Hébreux 11:7

Fookii un Noowa nìn cáá Unimbɔti puee di yì-tì ní Unimbɔti nín nìn kpáafì-u yii nnyiŋgbeen dòońee, u nìn fōō ki kíí kaa láá ká-mì, ní ki nìn kíĺ ki bíi kpáà meela un poon u nì u-dicaŋku làá kɔ́ kí ŋmátée. U-fookiiu un u nìn cáá Unimbɔti puee di dàkā duulinya yab bɔkpil ní úǹ kpántì deedeedaan Unimbɔti nimbiin.

Hébreux 8:5

Saraabi bin bisaraaŋaliibi ŋáańee sá tin bí yilpuee naŋku ní, a lì kii Unimbɔti nín nìn dū yilpu diiku bítam kɔkɔ ki dàkā Mooyiisi u gāā-u tanti taapu doo puee ní. Unimbɔti bí-u yii: «Á kpèè kí gāā-mi tanti ú nīn bí kii un m nìn dàkā-si dijool puee deedee.»