Matthieu 19:9 - UNIMBƆTI NYƆƆBUNDI GBƆŊKU

⁹ M tùkù-ni yii, sii un cáá unimpu ní an kaa sá ticati tin kòóyee, ní a jìn̄-u ki fātìi cáá ubɔee, a ŋá tilaakpaal Unimbɔti nimbiin.»

Matthieu 19:9 Iomraidhean Croise

Genèse 20:3

Kunyeeuee ní Unimbɔti dɔ́miń Abimeeleeki cee kudamintiiu poon ní ki bí-u yii: «A làá kpú unimpu un a fōō ki làá cáá nee pu, kun puee u cáá cal.»

2 Chroniques 21:11

Jooram u-ba nìn máń iwaatootipaan Juuda jooŋŋi pu, ní ki yāntì Jeerusaleem yab nì Juuda yab kɔ́ tijɔkɔndin ki dū Unimbɔti ki fá.

Jérémie 3:1

Ti-Dindaan lī yii: Unil yaa jìn̄ u-nimpuu ní u yīkìi cūtìi mɔ́ǹ ubɔee, udaan gíti cáá nsan kí fàtīí fōoń-uaaa? Aayee! Di sá yii atuun gbanti pu ní kitiŋ kɔ́ tijɔkɔndi. Ama sii Isirayeel, a ŋá tilaakpaal nì bibɔntiibi tikpil ní ki bàà là kí fàtīí gítiń m-cee! Ti-Dindaan di lī míǹ.

Jérémie 3:8

Tilaakpaal tin Isirayeel yab ŋée puee, m jìn̄-bi kii uninja nín jì u-nimpuu puee, ki ŋmàn̄ kugbɔŋu kun dàkà kun pu ní m jìn̄-bee ki ŋúbiǹ-bi. Ama u-naal Juuda tiŋkin yab bin kaa yú deedeeyee ká míǹ ní an kaa cúú-bi tifaandi. Nì míǹ kɔkɔee, bi mun páatìi jéetì tilaakpaal pu.

Ezéchiel 16:15

«Ama a dū a-mákal ki páaǹ a-nyaaŋku pu. A-yindi nín gbītì an kɔkɔ puee, a dūu kpántì kilaakpaai. A dōoǹ nì bisanjitiliibi kɔkɔ ní ki dūu kpántì bi-wanti.

Ezéchiel 16:29

A gíti ŋá alaakpaatuun tikpil nì Babiloon yab, binyampoobi tiŋkin, ama an kaa túń-si ditundi.

Ezéchiel 16:8

Míǹ boonee ní m gíti tí jítì a-cee ní ki ká yii a cíkitì ki bàn̄ dicamɔndi. Niinee ní m dū m-bɔkutikpaandi ki bīiǹ a-cancaŋgbeel pu. M nìn pūtì yii m làá nīn yú nì si deedee ní man nì si ŋá mpèé. Niinee ní a kpántì m-yɔu>. Man ni-Dindaan Unimbɔti di lī míǹ.

Matthieu 19:10

Ní u-boonnooliibi bí yii: «An yaa sá míǹ ní uninja nì u-nimpuu kansikinee, mimmee, a yaa kaa pūtì cáá unimpu, an sɔ́ dee.»

Matthieu 19:8

Ní u kíí-bi yii: «An sá ni-pɔɔgbifiŋŋu di yì-tì ní Mooyiisi pú-ni nsan yii ní jà ni-nimpoobi. Ŋkilkaaminee an kaa nìn sá míǹ.

Matthieu 5:32

Ama man tùkù-ni yii un kamaa yaa jìn̄ u-nimpuu ní an kaa sá yii bi-catee kòóyee, mimmee u dū u-nimpuuee ki síiǹ tilaakpaal saŋŋu pu dee. Ní un mun yaa cáá unimpu un bi jìn̄ee mun ŋá tilaakpaal.»

Luuki 16:18

«Un kamaa yaa jìn̄ u-nimpuu ní ki fātìi cáá upɔɔnee, udaan ŋá tilaakpaal Unimbɔti nimbiin, ní un cáá unimpu un u-cal jìn̄ee mun ŋá tilaakpaal Unimbɔti nimbiin.»

1 Corinthiens 5:1

M gbìl̄ bi sòoǹ tijɔkɔndi tin bí ni-kansikinee pu. An jɔkɔntee, bin kaa fōō Yeesu ki kííyee kaa kíikí kí ŋá míǹ gba. M gbìl̄ yii ni-kansikin ubɔ cáá u-baa nimpuaa!

1 Corinthiens 7:39

Unimpu un mɔ́ǹee máaǹ kí nīn pée náká u-cal ní bí nīn bí iyunti kɔkɔ. Ama u-cal yaa kpíìyee, u tɔ́ u-ba kí mɔ̄ǹ un u yaa lèe. Ama un fōō Yeesu ki kííyee ní an sá ú fàtīí mɔ̄ǹ.

1 Corinthiens 7:4

Di sá yii an kaa sá unimpu di yì u-wunti u-ba, an sá u-cal di yì. Míǹ mbaantiim an kaa sá uninja di yì u-wunti u-ba, an sá u-nimpuu di yì.