Matthieu 18:7 - UNIMBƆTI NYƆƆBUNDI GBƆŊKU

⁷ Mbusu bí duulinya pu, kun puee tiwan tikpil yàntī binib ŋáań ikpiti. Tin yàntī binib ŋáań ikpitee làá nīn pée bí ní. Ama mbusu bí ki tīī un pu ní án làá dīńee.

Matthieu 18:7 Iomraidhean Croise

Genèse 13:7

Bi bí niinee ní kujaau kɔ́ Abram pikpaaliibi nì Looti yab kansikin. An yuntiŋuee, Kanaan yab nì Peeriisi yab di nìn kóò kitiŋ gbantin.

2 Samuel 12:14

Ama tibɔti nee poonee, a kpēē ti-Dindaan fám. An puee kibininjabiki kin bi màl̄-si nee làá kpú.»

Matthieu 16:23

Ní Yeesu fātìń Peetroo pu ní ki bí-u yii: «Sii un cáá Sitaan landɔkɔŋuee, sútí niin kí wàatī-mi. A sá-mi kisugiŋ ní nsan pu. Saa dàkafī Unimbɔti yam, a dàkafī nniyaamin ní.»

Matthieu 26:24

Man Kinibiki cá kí kpú ní nee, kii an nín ŋmàn̄ m-pu ki yóoǹ miŋyee, ama mbusu dɔ̄ ki cí un làá dū-mi kí nyāfiǹ m-nannanliibee! Bi yaa kaa bàà màl̄ udaan, an bàà sɔ́.»

Marc 13:7

Ni làá dāá gbìl̄ bi sòoǹ tijáti tin pìlīǹ-nee nì tin dátiǹ-nee bɔti. Ama ni-pɔbiliŋ ń taa bīil̀. An máaǹ tíǹ kɔkɔ ń bàń kí wàatī, ama duulinya kúntitam kaa dá láá yá.

Luuki 17:1

Ní Yeesu tí bí u-boonnooliibi yii: «Kun làá nīn yàntī binib ń nīn ŋáań ikpitee làá nīn pée bí ní. Ama mbusu dɔ̄ ki cí un pu ní án làá dīńee.

Jean 17:12

Man nì bi nín nìn bée, m dū a-pɔŋŋu ŋun a tīī-mee ki ŋúb́-bi, ní ki mɔ́tì bi-pu, ní báà ubɔ bi-kansikin kaa wáŋkì, asee un baba làá pée wāŋkì, kii a-gbɔŋku nín nìn pée sòon̄ ki síiǹ puee.

Actes 1:16

«Nnabiyaamu, an máaǹ yii Unimbɔti gbɔŋku nín nìn sòon̄ min Juudasi pu dooooyee, an ŋá míǹ. Kun puee Unimbɔti Fam dī Daafiidi pu ki sòon̄ Juudasi un nìn līntì nsan bi cúú Yeesuee pu.

1 Corinthiens 11:19

An lafun máaǹ digàntil ń nīn bí ni-kansikin, bí ŋmā kí béé bin yú deedeeyee. -

1 Timothée 6:1

Iyumbu máaǹ kí nīn tɔ́ i-dindambi nì i-pɔbiliŋ kɔkɔ. Mimmee binib kaa sòoǹ kí bīil̀ Unimbɔti yindi nì tibɔti tin ti dàkèe.

Tite 2:5

Bí nīn cáá iciin kí nīn ŋúb́ bi-ba, kí nīn nyí kudii poon tundi tiŋan, kí nīn sá bilaŋŋaŋfitiibi, kí nīn tɔ́ bi-calib, binib ń taa ká bi-pu ikpiti iba kí nīn cáa sòoǹ ki bíiĺ Unimbɔti bɔti.

Tite 2:8

Á nīn sòoǹ anyɔɔbummɔnti ŋin pu baa ŋūǹ kí kpákáǹ-see, ní icoo ń cúú ti-nannanliibi, kun puee baa làá ká ti-pu ikpiti iba kí sòoǹ.

Jude 1:4

Di sá yii binib biba bin kaa tɔ́ Unimbɔtee ŋá soooo ki kóoń ni-kansikin ki kpántì tiŋan tin Unimbɔti ŋá-tee bɔti, ki ŋáań min kaa kítèe, ki yíì, kaa là Yeesu Kriisitoo un baba sá ti-kpiliu ki sá ti-Dindaanee. Ama dooooyee ní ditafadaaldi din dɔ̄ ki cí bidambee pée ŋmàn̄ Unimbɔti gbɔŋkun.

1 Samuel 2:17

Eelii jipɔmbee nìn ŋáań ikpitikpaan ti-Dindaan nimbiin, kun puee baa nìn tɔ́ saraabi bin bi nìn ŋáań ki tìì ti-Dindaanee.