Matthieu 18:3 - UNIMBƆTI NYƆƆBUNDI GBƆŊKU

³ ní ki bí-bi yii: «Ibaamɔn ní m tùkù-ni, ni yaa kaa kpántì ni-bimbim ki ŋá kii mbiyaamuee, ni kpá kí kɔ́ Unimbɔti Beelin.

Matthieu 18:3 Iomraidhean Croise

Psaumes 131:2

Ama m ŋmíl̀ díkí diki ní ki kāl̀ soooo kii kibiki kin kā ki-na taaŋi puee. M-pɔbil sɔ̀m̀ kii kibiki gbantee ní.

Esaïe 6:10

Yàntī binib gbanti pɔbiliŋ ń tìlifì, bi-tafaliŋ ń kpáá ní bi-nimbiliŋ ń ŋúb́. Yàntī bí taa ti wāl̀, kí taa ti gbìl̄, kí taa ti béé tibɔti taapu. Án nín làá ŋá pu bí taa kpántí bi-bimbim kí fàtīí gítiń m-cee ḿ cáaǹ-bee.»

Matthieu 13:15

Kun puee binib nee pɔbiliŋ tīlifì, ní bi kpáá bi-tafaliŋ ní ki ŋúb́ bi-nimbiliŋ, kí taa wāl̀aaa, kí taa gbìl̄aaa, kí taa béé taapu, kí taa kpántí bi-bimbim, ḿ bàà cáaǹ-bi.>

Matthieu 18:2

Ní u yíiń kibiyaawaai kiba ki yóoǹ bi-nimbiin,

Matthieu 18:4

Un sá ukpaan Unimbɔti Beelinee di sá un di sìntīǹ u-ba ki kpántí kii kibikee.

Matthieu 19:14

Ní Yeesu bí-bi yii: «Càntīmaan mbiyaamu nee! Yàntīmaan mú dāan̄ m-cee kí taa pìin̄-mu nsan, kun puee Unimbɔti Beel sá ki tīī bin náań nì muee ní.»

Matthieu 19:23

Niinee ní Yeesu bí u-boonnooliibi yii: «Ibaamɔn ní m tùkù-ni, an dāa pɔ̄ɔ̄ ki tīī ugaaja ń kɔ́ Unimbɔti Beelin.

Matthieu 5:18

Ibaamɔn ní m tùkù-ni, ŋyunti ŋun ní yilpu nì taapu dáá bée, marabee ŋmaŋmabiti poon báà kubɔ kpá kí fɔ́táaa, kilɔmbiki kiba mun kpá kí kpìtī kí dāá sāā ŋyunti ŋun tin kɔkɔ pu an sòon̄ee ń ŋá.

Matthieu 5:20

Ibaamɔn ní m sòoǹ nì ni, ni yaa kaa bí deedee ki jítiǹ bimaradakaliibi nì Fariisab, naa ŋūǹ kí kɔ́ Unimbɔti Beelin.»

Matthieu 6:16

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò.

Matthieu 6:2

«A yaa làá pɔ̄ uwɔfi ubɔ tibee, taa nín̄ báakí bí ká yii sii di bíi tìì tiba, kii ipoonnyoondambi nín báakí adan pu nì akpafidiinni puee. Bi ŋáań míǹ binib ń nīn pàkà-bi ní. Ibaamɔn ní m tùkù-ni, bi fōō bi-paati ki dóò.

Matthieu 6:5

«Ni yaa bíi mèéyee, ní taa nín̄ mèémaan kii ipoonnyoondambi bin néeń ki yūlifí dicancaal akpafidiinni nì asaŋkaŋkpil ki mèé báà ŋma ń nīn wāĺ-bee. Ibaamɔn ní m tùkù-ni, bi fōō bi-paati ki dóò.

Marc 4:12

án nín làá ŋá pu ní: <Bi-nimbiliŋ ń nīn kpítì bí taa nín̄ wāĺ, bí nīn pílifí mun tikpil kí taa nín̄ gbìl̀ee. An yaa yíì, bi yaa kpēē ki wál̀, ki yaa pílifì mun ki gbìl̄ee, bi féeń bi-saŋkpitii, Unimbɔti ń dū bi-kpitii kí pɔ̄-bi!>»

Luuki 13:24

«Pɔ́ɔm̀maan ni-ba kí dīmaan kipunyɔkɔwaai kí kɔ́ Unimbɔti beelin! Mbaamɔn ní m tùkù-ni, binib tikpil làá dāá nyàab̀ kí kɔ́, kaa làá dāá ŋmā.

Luuki 22:32

Ama m mēē a-pu án nín làá ŋá pu a-fookiiu ń taa wāŋkèe. Boonee a yaa láa fātìi kpántì a-bee, á dāá nyàatī a-nabiyaamu.»

Jean 1:51

Ibaamɔn ní m tùkù-ni, ni làá dāá ká kutagbɔŋu cúu pīitì, ní Unimbɔti tuuŋyi sìntīń ki jɔ́ḿ man Kinibiki pu.»

Jean 3:3

Ní Yeesu kíí-u yii: «Ibaamɔn ní m tùkù-si, Unimbɔti yaa kaa fātìi màl̄ unil mpɔm, u kpá kí ká Unimbɔti Beel.»

Jean 3:5

Ní Yeesu gíti bí-u yii: «Ibaamɔn, ibaamɔn ní m tùkù-si, ubɔ kaa ŋūǹ kí kɔ́ Unimbɔti Beelin bi yaa kaa fātìi màl̄ udaan mpɔm nì nnyim nì Unimbɔti Famin.

Actes 14:22

Bi nìn tìì Kriisitoo yab kunyannyaau, ki sáŋkí-bi yii bí nīn pɔ̄ɔntí bi-ba fookii poon, ní ki bí-bi yii: «An sá nì falaakpaan ní tí nín ŋmā kí kɔ́ Unimbɔti Beelin.»

Actes 28:27

Di sá yii binib gbanti pɔbiliŋ gbìfì, bi kpáá bi-tafaliŋ ki ŋúb́ bi-nimbiliŋ. Baa là kí nīn wāĺ, kaa là kí nīn gbìl̀, kaa là bi-landɔkɔi mun ń béé taapu, bí bàà gítiń m-cee ḿ cáaǹ-bi!>»

Actes 3:19

Míǹ puee, fámaan ni-kpitii kí gítímaan Unimbɔti cee kí wàatī ní ú kpìtī ni-kpitii kɔkɔ.

1 Corinthiens 14:20

Nnabiyaamu, ní taa nín̄ dàkafī kii mbiyaamu nín dàkafī puee, nín̄ cáámaan binicikitikaabi landɔkɔŋu. Ama ikpiti jandi púee, ní nīn bí kii mbiyaawaamuee kí taa nín̄ ŋáań ikpiti.

1 Pierre 2:2

Ní nīn néeń Unimbɔti bɔti kii mbipɔmu nín néeń mbiim puee kí ŋmā kí cù nyɔkɔpu Unimbɔti saŋŋu poon kí tin kátí-ku.

2 Pierre 1:11

Ní Unimbɔti ń dāá pɔ̄-ni nsan ní kɔ́ ti-Dindaan Yeesu Kriisitoo un sá ti-Fiiliuee Beel din kaa cáá dikúntilee ni sɔkɔmii.