Matthieu 17:9 - UNIMBƆTI NYƆƆBUNDI GBƆŊKU

⁹ Ŋyunti ŋun bi fàtīi kpákatiń dijool puee, Yeesu kpáafì-bi yii: «Ní taa māafì báà ubɔ tin ni kée kí nīn cí ŋyunti ŋun man Kinibiki làá fìkitī ditaŋkpiilinee.»

Matthieu 17:9 Iomraidhean Croise

Matthieu 12:16

Ama ní u nìn kpáafí-bi tiŋan bí taa tùkù báà ubɔ un ní u sée.

Matthieu 17:12

Ama m tùkù-ni yii Eelii dɔ́miń dooooyee ní binib kaa béè-u, ki ŋá-u bi nín là puee. Míǹ mbaantiim ní bi làá tí sàaǹ man Kinibiki mun.»

Matthieu 17:20

Ní Yeesu kíí-bi yii: «Di sá yii ni-fookiiu un ni cáá Unimbɔti puee di pátì. Ibaamɔn ní m tùkù-ni, ni-fookiiu yaa bàà náaǹ ki bàn̄ kii dijɔnjɔmbilee, ni bàà ŋūǹ kí tùkù dijool nee yii: <Yīkì laakin a bí nee kí nīn cá lapu doo!> Ní dí bàà lafun kpìkitī. Tiba kaa bàà ŋūǹ kí nīn pɔ̄ɔ̄ ki tīī-ni. [

Matthieu 17:22

Dalba Yeesu nì u-boonnooliibi kpáfì ki bí Galiileeyee, ní u tùkū-bi yii: «Bi làá cúú man Kinibiki kí tīī binib, bí kpɔ̀-mi.

Matthieu 17:23

Ama ní winta dalee ḿ fìkitī.» Niinee, an kɔ́-bi kunimbaau tikpil.

Matthieu 17:8

Bi wáaǹ ki kpēēyee ní kaa ti ká bin kíǹee, see Yeesu baba.

Matthieu 8:20

Ní Yeesu kíí-u yii: «Jiiŋkpaaibi cáá bi-kɔŋkooŋyi ki dɔ̀, ní nnɔmbiyaamu mun cáá mu-diiŋŋi, ama man Kinibiki kaa cáá laakin m làá bíĺ m-yil kí ŋùŋfèe.»

Matthieu 8:4

Ní Yeesu bí-u yii: «Pīlifì tiŋan, á taa tùkù báà ubɔ tibɔti nee, ama á cáá a-ba kí dàkà usaraaŋal ú bée yii a-wunti ŋáŋkì, ní kí ŋá saraa kii Mooyiisi marab nín lī puee ní usaraaŋal ń tùkù báà ŋma ń gbìl̄ yii a pɔ́ɔkì.»

Marc 8:30

Niinee ní Yeesu kpáafì-bi tiŋan bí taa sòoǹ u-pu míǹ báà ubɔ cee.

Luuki 8:56

An ŋá kibikee baa nì ki-na bitii ní Yeesu kpáafì-bi yii, tin ŋá nee, bí taa pée māafì-tì báà ubɔ cee.

Luuki 9:36

Unimbɔti tin sòoǹ míǹ ki ŋmīlifée an kíǹ Yeesu baba, ní bi kpáafì an bɔti, kaa pée sòon̄ tin bi kée báà ubɔ cee.