Matthieu 17:5 - UNIMBƆTI NYƆƆBUNDI GBƆŊKU

⁵ U bíi sòoǹ mimmee, ní ditagbandi diba dɔ́miń ki bīiǹ bi-pu ki jìl̀ pàlpal, ní bi gbìl̄ Unimbɔti sòon̄ní ditagbandee ni yii: «Un bí nee di sá man Jipɔɔn un m néeń tiŋanee, u-pu ní m-pɔbil sɔ̀m̀. Ní pīlifìmaan-u.»

Matthieu 17:5 Iomraidhean Croise

Yoob 38:1

Ti-Dindaan yíiń Yoob kubuŋkpaaŋŋu poon ní ki bālifì-u yii:

Psaumes 81:7

M túutì-si ditúndi din a túee, m fōō-si diwaŋgul din nyìm̀ ki kā a-ŋaanee.

Exode 19:19

Ní ŋyinee mɔ̀tīi búǹ ki pɔ̄ɔ̄ kpaŋkpam. Mooyiisi nìn sòoǹ ní Unimbɔti kíikí-u mpɔn itaatantati poon.

Esaïe 42:1

Ti-Dindaan bí yii: «Kpèè, m-tɔntɔnliu, m ŋúb́ u-ŋal, m lēē-u ní m-pɔbil sɔ̀m̀ u-pu. M dū m-Fam ki ŋá u-pu ú dāá sòoǹ deedee bɔti kí tùkù atimbun kɔkɔ.

Esaïe 42:21

Ti-Dindaan nín sá deedeedaanee puee, an mɔ́ɔkiǹ-u ú dàkà yii u-marau sá ukpaan ki ŋān̄.

Matthieu 12:18

«Unimbɔti bí yii: <Kpèè m-tɔntɔnliu un m lēēyee sèé. Úǹ ní m néeń ní m-pɔbil sɔ̀m̀ u-pu. M làá dū m-Fam kí ŋá u-pu. Úǹ di làá dāá sòoǹ deedee bɔti kí tùkù atimbun kɔkɔ.

Matthieu 17:6

U-boonnooliibi nín gbìl̄ an sòon̄ní mimmee ní bi fāŋkì tikpil ki lítì dicincibil,

Matthieu 3:17

Niinee ní Unimbɔti sòon̄ní kutaa pu yii: «Un bí nee di sá man Jipɔɔn un m néeń tikpilee, úǹ ní m-pɔbil fáatì.»

Marc 1:11

ní u gbìl̄ Unimbɔti sòon̄ní kutaa pu ki lī yii: «Sii di sá m-Jipɔɔn un m néeń tikpilee! M-pɔbil fáatì-si.»

Marc 9:7

Niinee, ditagbandi diba dɔ́miń ki bīiǹ bi-pu, ní bi gbìl̄ Unimbɔti sòon̄ní ditagbandee ni yii: «Un bí nee di sá m-Jipɔnneeŋkaau. Ní pīlifim̀maan-u!»

Luuki 3:22

ní Unimbɔti Fam kpákatìń u-pu ki náań nì dibeenanjil ní bi gbìl̄ Unimbɔti sòon̄ní kutaa pu yii: «Sii di sá man Jipɔɔn un m néeń tikpilee, sii ní m-pɔbil fáatì.»

Jean 3:16

Kun puee Unimbɔti néeń kitiŋ pu nib kɔkɔ tikpil, míǹ pu ní u dū u-Jipɔmbaabil ki tīī, án nín làá ŋá pu un sá kamaa yaa fōō-u ki kííyee ń taa kpú, ama ú ká dimaŋfal din kaa cáá dikúntilee.

Jean 3:35

Unimbɔti néeń u-Jipɔɔn ki dū tikɔkɔ ki ŋá u-ŋaan.

Jean 5:37

Ní m-Baa un túnní-mee mun u-ba lèekī seera m-pu. Naa láá pée gbìl̄ u-neen pu dalba, kaa láá ká u-nimbiin dalba,

Actes 1:9

U lī míǹ ki dóòyee, u-kpambaliŋ bíi kpèé-uee, ní an yōoǹ-u ki cáa nín jɔ́ḿ yilpu, ní ditagbandi diba dɔ́miń ki līkiǹ u nì bi kansikin, ní baa ti wāĺ-u.

Actes 7:37

Mooyiisi gbanti ubaanti tùkū Isirayeel yab yii: <Unimbɔti làá dāá lēē ni-nabiyaamu kansikin ubɔ, ú nīn sá Unimbɔti bɔnaatiliu kii mamee.>

Ephésiens 1:6

án nīn sá-u tinyool, tiŋaŋkpaandi tin u dī u-Jipɔnneeŋkaau pu ki ŋá ki tīī-tee pu.

Deutéronome 18:15

Ti-Dindaan ni-Nimbɔtiu làá dāá lēē ni-nabiyaamu kansikin ubɔ ú nīn sá Unimbɔti bɔnaatiliu kii mamee, ní dāá pīlifiǹ-u.

Deutéronome 18:19

Un sá kamaa yaa kaa dāa pílifiǹ m-nyɔɔbuŋŋi ŋin ubɔnaatilee làá dāá sòoǹ m-yindi puee, mama m-ba di làá dāá dáaĺ u-tafal.

Deutéronome 5:22

An nìn sá ŋŋmi nì ditagbandi nì dibɔmbɔŋkpaandi poon ní ti-Dindaan nìn sòon̄ nì ni-kɔkɔ mpɔn dijool pu ní ki tīī-ni marab nee. Waa nìn gíti kútì tiba an pu. Míǹ boonee ní u ŋmàn̄ marabee titaŋkpapilindi tili pu ní ki dūu tīī-mi.

Colossiens 1:13

Di sá yii u nyántì-ti dibɔmbɔndi pɔŋŋun ki cáań-ti u-Jipɔnneeŋkaau beel poon.

Hébreux 5:9

An pu ní u sá uniŋman umɔnti un pu baa kāntí tikpitil tibee, ki kpántì un tìì difiil din kaa cáá dikúntilee ki tīī bin kɔkɔ tɔ́-uee.

Apocalypse 1:7

Kpèèmaan, u làá dāá dāan̄ atagban māntì ki tú-u. Báà ŋma làá dāá ká-u, ki kpáaǹ bin nìn sāā ki cíl̀ u-takakalee. Míǹ ní duulinya timbuŋŋi kɔkɔ làá dāá sɔ̄ kí yāliŋkì u-dāantam gbanti pu. Tiŋman, án ŋá míǹ!

Apocalypse 14:14

M kpēēyee, ní ki ká ditagbampindi diba, ní ubɔ kā di-pu ki náań nì unil, ní ki cíkí sindaariya beefuuliiki ki ŋúb́ ugɔti un jītée u-ŋaan.