Matthieu 17:4 - UNIMBƆTI NYƆƆBUNDI GBƆŊKU

⁴ Bi ká mimmee, ní Peetroo tùkū Yeesu yii: «M-Dindaan, an ŋān̄ tí nīn bí doo! A yaa là m làá gāā tibìń tita, sii kubɔ, Mooyiisi kubɔ, Eelii mun kubɔ.»

Matthieu 17:4 Iomraidhean Croise

Psaumes 16:11

Sii di dàkà-mi dimaŋfal sàmbiki, m yaa bí a-nimbiinee, m-pɔbil sɔ̀m̀ ní. A yaa bí ki kɔ́ĺ-mee, m cáá mmɔn ŋun kaa kúntée ní.

Psaumes 4:6

Ní ŋá saraabi min an máaǹee, ní kí nīn máká ti-Dindaan pu.

Esaïe 33:17

A-nimbil làá dāá ká ubɔti u-nyaaŋku kɔkɔ poon, ní kí dāá ká kitiŋ nín pée dɔ̄ ki wāā puee.

Zacharie 9:17

Bi làá dāá nīn bí mmɔnneeee! Bi làá dāá nīn cáá kunyaaŋŋu! Bilee làá dāá yàntī binaacimpɔmbi ń yábití, ní ndapɔm ń dāá yàntī bisapɔmbi mun ń yábití.

Matthieu 17:3

Niinee ní u-kpambaliŋ kpēēyee Mooyiisi nì Eelii di sí bi nì Yeesu sòoǹee.

Luuki 9:33

Ŋyunti ŋun bi làá yīkì Yeesu ceeyee, ní Peetroo bí-u yii: «Ukpil, an ŋān̄ tí gbíntí doo, tí gāā tibìń tita, sii kubɔ, Mooyiisi kubɔ, Eelii mun kubɔ.» - Di sá waa nìn nyí tin u bíi sòoǹee. -

Jean 17:24

«M-Baa, m là yii laakin m bée, bin kɔkɔwoooo a tīī-mee ń nīn bí m-cee niin kí ká m-nyooti, tinyool tin a tīī-mee. Di sá yii a néeń-mi ki wāatì ní ki nín náań yilpu nì taapu.

Jean 7:2

Juuda yab jiŋaaliu un bi yíì Tibìń jiŋaaliuee tóobińee,

Philippiens 1:23

Ajan gbanti liitil bí ki dátí-mi, m bàà là kí kpú kí cùú nīn kā Kriisitoo cee, míǹ di bàà ŋān̄ tikpil.

1 Jean 3:2

M-nabineeŋkaamu, kí yòon̄ díǹ kí nīn cée, ti kpántì Unimbɔti biyaamu. Ti nín làá dāá nīn bí miŋyee kaa láá nyáń mpaampiin pu. Ama ti nyí yii ŋyunti ŋun ti-Dindaan yaa láa páaǹnée, ti làá dāá nīn bí kii u nín bí puee ní, kun puee ti làá dāá ká-u kí béé un ní u baasii sée.

Apocalypse 21:23

Kitiŋ gbanti kaa nyàab̀ ŋwìiń nì uŋmal ń ŋmíntí-kì i-walfiŋu, Unimbɔti nyooti di dāa sá-kì ŋwalifi, ní Dipibil dāa sá ki-fitilau.