Matthieu 17:2 - UNIMBƆTI NYƆƆBUNDI GBƆŊKU

² ní ki cúú u-ba ki kpántì bi-nimbiin, ní u-nimbiin kíǹ ki jìl̀ pàlpal kii ŋwìińee, ní u-wampeeŋkaati píil̀ bɔ́iii kii ŋwalifee.

Matthieu 17:2 Iomraidhean Croise

Psaumes 104:2

ní ki dū ŋwalifi ki bīiǹ a-ba pu kii dibɔkutikpaandee. A kpátì kutagbɔŋu kii tantee.

Cantique des cantiques 6:10

«Batii nimpuu di bí kii kutaawuntuŋu walifiŋu na! U ŋān̄ kii uŋmalee, ki jìl̀ kii ŋwìińee, ki kɔ̄ntí binib tifaandi kii dijanjakitil di bí dikɔmbool puee.»

Matthieu 17:1

Iwiin iluu boonee, Yeesu yōoǹ Peetroo nì Yakubu nì Yoowaneesi un sá Yakubu naalee ki cáá-bi ki kpōotì ŋkpaanceeti dijoofɔkɔl diba pu,

Matthieu 17:3

Niinee ní u-kpambaliŋ kpēēyee Mooyiisi nì Eelii di sí bi nì Yeesu sòoǹee.

Matthieu 28:3

U nìn jìl̀ kii ntaaŋmɔŋmɔee, ní u-wampeeŋkaati pīiǹ káŋkaŋ.

Marc 9:3

ní u-wampeeŋkaati píil̀ káŋkaŋ ki kíǹ ki jìl̀ pàlpal. Unil báà ubɔ kitiŋ nee pu kaa ŋūǹ kí fíntí tiwan tí pīil̀ kii u-wanti nín nìn pīiǹ puee.

Luuki 9:29

Ŋyunti ŋun u bíi mèéyee ní u-nimbiin cúu kpántì, ní u-bɔkutil píil̀ káŋkaŋ ní ki jìliŋkī.

Jean 1:14

Un sá Dinyɔɔbundee kpántì unil ki kāl̀ ti-kansikin ki cáá tiŋan nì ibaamɔn tikpil, ní ti ká u-nyooti tin u nìn fōō Ubaati ceeyee, kun puee u sá Unimbɔti Jipɔmbaabil.

Jean 17:24

«M-Baa, m là yii laakin m bée, bin kɔkɔwoooo a tīī-mee ń nīn bí m-cee niin kí ká m-nyooti, tinyool tin a tīī-mee. Di sá yii a néeń-mi ki wāatì ní ki nín náań yilpu nì taapu.

Romains 12:2

Taa dūmaan ni-ba kí nántíǹ waanee bimbim, ama ní yàntī Unimbɔti ń pɔ̄-ni ilandɔkɔpɔɔn kí kpántí ni-bimbim. Míǹ ní ni ŋūǹ kí béé min ní Unimbɔti lèe, min ŋān̄ ki fáatì-u ki sá mmɔntiimee.

Apocalypse 10:1

Boonee ní m ká ntuun ŋubɔ ŋun cáá mpɔnee nyánní yilpu ki kpákatiń, ní ditagbandi bīī ŋu-pu ní dikuntinyindi māntì ki tú ŋu-yil, ní ŋu-nimbiin jìliŋkī kii ŋwìińee, ní ŋu-taaŋi bí kii ŋŋmipiinee,

Apocalypse 20:11

Boonee ní m ká dibeejapindi dikpaandi diba, ní kitiŋ nì kutagbɔŋu sáǹ un kā dibeejapindi gbanti puee nimbiin, baa ti ká-bi.