Matthieu 17:12 - UNIMBƆTI NYƆƆBUNDI GBƆŊKU

¹² Ama m tùkù-ni yii Eelii dɔ́miń dooooyee ní binib kaa béè-u, ki ŋá-u bi nín là puee. Míǹ mbaantiim ní bi làá tí sàaǹ man Kinibiki mun.»

Matthieu 17:12 Iomraidhean Croise

Matthieu 11:2

Ní Yoowaneesi un fùul̀ binib Unimbɔti nyimee kāl̀ kusarkadiinee ki gbìl̄ Kriisitoo tuuŋŋi ŋin u tūǹee pu. Niinee ní u lēē u-boonnooliibi biba ki tú bí cùú bàlifì-u yii:

Matthieu 16:21

Ŋyunti gbantee ní Yeesu kíĺ ki sòoǹ ki cántí u-boonnooliibi yii: «An sá yii ḿ cù Jeerusaleem, bitindaŋkpilib nì bisaraaŋakpilib nì bimaradakaliibi ń sàaǹ-mi tikpil, ní kí kpɔ̀-mi, winta dalee, ní ḿ fìkitī.»

Matthieu 17:11

Ní Yeesu fātìi kíí-bi yii: «Ibaamɔn, Eelii di máaǹ kí péé kí dāan̄ kí bɔ́ntí tikɔkɔ.

Matthieu 17:13

Niinee ní u-boonnooliibi béè yii Yoowaneesi un fùul̀ binib Unimbɔti nyimee pu ní u lì.

Matthieu 17:22

Dalba Yeesu nì u-boonnooliibi kpáfì ki bí Galiileeyee, ní u tùkū-bi yii: «Bi làá cúú man Kinibiki kí tīī binib, bí kpɔ̀-mi.

Matthieu 17:9

Ŋyunti ŋun bi fàtīi kpákatiń dijool puee, Yeesu kpáafì-bi yii: «Ní taa māafì báà ubɔ tin ni kée kí nīn cí ŋyunti ŋun man Kinibiki làá fìkitī ditaŋkpiilinee.»

Matthieu 21:32

Di sá yii Yoowaneesi dɔ́miń ni-cee ki dàkà-ni deedee saŋŋu ní naa fōō-u ki kíí, ama ní bifɔtiliibi bin ni kpèé fámee nì nnimpulaakpaamu fōō-u ki kíí. Ni nín ká mimmee boonee naa kpántì ni-landɔkɔi kí fōō-u kí kíí.»

Matthieu 8:20

Ní Yeesu kíí-u yii: «Jiiŋkpaaibi cáá bi-kɔŋkooŋyi ki dɔ̀, ní nnɔmbiyaamu mun cáá mu-diiŋŋi, ama man Kinibiki kaa cáá laakin m làá bíĺ m-yil kí ŋùŋfèe.»

Luuki 7:33

Di sá Yoowaneesi un fùul̀ binib Unimbɔti nyimee dɔ́miń, kaa jīǹaaa, kaa nyù ndaam, ní naa fōō-u ní ki bí yii arasinii di bí u-pu.

Jean 1:11

Un sá Dinyɔɔbundee dɔ́miń u-yab cee, ní u-yab kaa fōō-u.

Actes 2:23

Kii Unimbɔti nín nyí ki là, ki lēē ki yóoǹ puee, ní ni dū-u ki tīī bin kaa nyí Unimbɔtee kpáá-u ndɔpuntikaa pu ki kūū-u.

Actes 4:10

Míǹ puee, ni-kɔkɔ ń béé tiŋan, ki kpáaǹ Isirayeel yab kɔkɔ, yii an sá Yeesu Kriisitoo Naasaareeti yɔu yindi pu ní u pɔ́ɔkì. An sá u-pɔŋŋu pu ní uninja nee yú ni-nimbiin nì u-gbampɔŋŋu nee. Nimbi di kpáá Yeesu ndɔpuntikaa pu, ama Unimbɔti fīkitì-u ditaŋkpiilin.

Actes 7:52

Bíǹ di nìn sāaǹ Unimbɔti bɔnaatiliibi kɔkɔ, ki kūū bin nìn sòon̄ ki yóoǹ yii Deedeedaan làá dāá dāan̄ee. Kɔŋkɔnnee ni nyáfì Yeesu Deedeedaanee ki kūū-u.