Matthieu 16:16 - UNIMBƆTI NYƆƆBUNDI GBƆŊKU

¹⁶ Ní Siimɔn Peetroo kíí-u yii: «Sii di sá Meesiya, ki sá Unimbɔti un bí dimaŋfalinee Jipɔɔn.»

Matthieu 16:16 Iomraidhean Croise

Matthieu 14:33

Bin nìn kā buŋalimbunee gbāaǹ Yeesu nimbiin ki bí-u yii: «Ibaamɔn, a lafun sá Unimbɔti Jipɔɔn.»

Jean 11:27

Ní u kíí-u yii: «Iiin, m-Dindaan: M nyí yii sii di sá Meesiya, Unimbɔti Jipɔɔn un máaǹ kí dāan̄ duulinyanee.»

1 Jean 4:15

Sii un di yaa lì nì ibaamɔn yii Yeesu sá Unimbɔti Jipɔɔnee, Unimbɔti bí a-ni ní si nì u ŋá ubaanti.

Matthieu 27:54

Room soojakpiliu nì u-yab bin nìn cí Yeesuee nín ká kitiŋ cìŋkitam nì tin kɔkɔ pée jítèe, ní tifaandi cúú-bi tikpil ní bi lī yii: «Tiŋman, kijapaai nee lafun sá Unimbɔti Jipɔɔn ní.»

1 Timothée 4:10

Kun pu ti tūǹ ditundi ki gì ki bí kujaau poonee di sá ti dū ti-mákal ki ŋá Unimbɔti un bí kaa kúùyee ni, Unimbɔti un fìil̄ binib kɔkɔee: kí cántée, bin fōō Yeesu ki kííyee ní an sá.

Actes 9:20

ní ki kpáàa kíĺ ki sòoǹ Yeesu pu akpafidiinni, yii u sá Unimbɔti Jipɔɔn.

1 Thessaloniciens 1:9

Báà ŋma máafí ti nín dɔ́miń ni-cee ni fōō-ti pu, ki fá ni-waaŋi ki kíǹ ki nóó ibaamɔn Nimbɔtiu un bí dimaŋfalinee.

Matthieu 26:63

Ama ní Yeesu ŋmí-bi fɔ́ŋfɔŋ. Ní usaraaŋakpil gíti bí-u yii: «Nì Unimbɔti un bí dimaŋfalinee ní m pūtì ki tīī-si, á tùkù-ti a yaa sá Meesiya, ki sá Unimbɔti Jipɔɔn!»

1 Jean 5:5

Ŋma di ŋūǹ kí já kí pɔ̄ɔkiǹ duulinya an yaa kaa sá sii un yaa fōō ki kíí yii Yeesu sá Unimbɔti Jipɔɔnee?

Hébreux 10:31

Sii un yaa kɔ́ Unimbɔti un bí nee bɔtinee, an dóò sii pu dee!

Romains 1:4

Ti yaa làá tí kpèè u-Fam min sá circiree jandi púee, Unimbɔti nín fīkitì-u ditaŋkpiilinee, u dàkā nì mpɔn yii u sá u-Jipɔɔn.

Psaumes 2:7

M làá lì tin ti-Dindaan sòon̄ee, u tùkū-mi yii: «Sii ubɔti, a sá m-jipɔɔn ní. Díǹ nee man di màl̄-si.

Marc 14:61

Ní u ŋmí, kaa gātì tiba. Ní usaraaŋakpil gíti bālifì-u mpɔm yii: «Sii di sá Unimbɔti tinyooldaan Jipɔɔn un u túnní ú nīn sá ubɔteeee?»

Daniel (hébreu) 6:26

Míǹ boonee ní ubɔti Daariyusi ŋmàn̄ kugbɔŋu ki tīī anibul nì atimbun nì isoon kɔkɔ nib bin kóò u-tiŋki kɔkɔ puee yii: «Ŋgbansɔŋfi ń nīn bí ni-cee.

Deutéronome 5:26

Di sá yii nisaal ulɔu di pée gbìl̄ dimaŋfal Nimbɔtiu neen pu, u sòon̄ ŋŋmi poon kii timbi nín bíi gbìl̀ pu nee ki ŋmátì?

Jean 20:31

Bi yaa ŋmàn̄ tin bí neeyee, an sá ní fōō kí kíí yii Yeesu sá Unimbɔti Jipɔɔn ki sá Meesiya. Ni yaa fōō-u ki kíí mimmee, ní ká dimaŋfal u-yindi pu.

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

Hébreux 12:22

Ama nimbi dɔ́miń Siiyɔn jool taapu nì Unimbɔti un bí dimaŋfalinee dumpu Jeerusaleem un bí yilpuee, laakin ituun cutimaanyi kpátì ki bí mmɔnnee ní.

1 Timothée 3:15

M yaa kaa tí ŋúń ki dɔ́miń malaayaaa, kugbɔŋu nee ŋūǹ kí tūtuǹ-si á béé a nín máaǹ kí nīn bí min Unimbɔti dicaŋku poonee, an dàkà yii Unimbɔti un kaa kúùyee nikitil din sá kii jaantalkub ki tíkí ibaamɔnee.

1 Jean 5:20

Ti tí nyí mun yii Unimbɔti Jipɔɔn dɔ́miń ki tīī-ti iciin tí ŋmā kí béé ibaamɔn Nimbɔtiu, ní timbi nì Unimbɔti ibaamɔndaanee nì Yeesu Kriisitoo u-Jipɔɔn mun ŋá ubaanti. Úǹ di sá Unimbɔti ibaamɔn, ki sá dimaŋfal din kaa cáá dikúntilee.

2 Corinthiens 6:16

Mana ní Unimbɔti nì awaa ŋun kí pèen̄ kudii? Timbi sá Unimbɔti un bí dimaŋfalinee diiku ní, a lì kii Unimbɔti u-ba nín lī puee, yii: «M làá nīn kóò m-nibul cee, ní kí nīn còom̄ bi-kansikin. Man di làá nīn sá bi-Nimbɔtiu, ní bíǹ ń nīn sá man nibul.»

2 Corinthiens 3:3

Báà ŋma wāĺ yii ni sá kugbɔŋu kun Kriisitoo dī ti-pu ki ŋmàn̄ee ní. Waa ŋmàn̄ nì ŋgbaŋŋmamɔɔn. Ama Unimbɔti un bí dimaŋfalinee Fam di ŋmàn̄. Waa ŋmàn̄ ataŋkpee pu, u ŋmàn̄ binib pɔbiliŋin ní.

Actes 14:15

«Ti-yab, ba ŋá ní ni ŋáań míǹ? Ti mun pée sá binib kii nimbee ní, tiwumbaantiil. Ti bíi tùkù-ni Tibɔmɔntiil yii ní fá ni-waaŋi gbanti ŋin sá fámee kí nóó Unimbɔti un bée. Úǹ di náań yilpu nì taapu nì tiŋku, nì tin kɔkɔwoooo pée bée.

Matthieu 4:3

Ní Sitaan sútì ki pìl̄-u, ní ki bí-u yii: «A yaa lafun sá Unimbɔti Jipɔɔn, tīī ditaŋkpal nee mara dí kpántí kpɔnɔ.»

Psaumes 42:2

Kii upeeman di tíkì ki fèefī ki nyàab̀ mbun nyim puee, míǹ ní ma mun tíkì ki fèefī ki nyàab̀-si, Unimbɔti.

Actes 8:36

Bi còom̄ ki cée, ki bàn̄ laaba ki ká nnyim, ní ukàlinjee bí yii: «Kpèè, nnyim sèé nee. Ba di gíti lìkintí-mi bí taa fàl̀-mi Unimbɔti nyim?» [

Jean 6:69

Timbi fōō sii ní ki kíí, ní ki nyí yii sii di sá Circirdaan un nyánní Unimbɔti ceeyee.»

Matthieu 1:16

ní Jaakɔb màl̄ Jooseefi un cáá Maarii un màl̄ Yeesu un bi yíì Kriisitooyee.

Matthieu 16:15

Ní Yeesu bālifì-bi yii: «Kin nimbi fáà, ŋma ní nimbi nyí yii m sá ní?»

Luuki 2:11

Dinyɔɔbundi gbanti di sá yii díǹ nyeeku nee, bi màl̄-ni Ufiil ubɔ Daafiidi dumpu Beetileem. Úǹ di sá Kriisitoo, ti-Dindaan.

Jean 6:57

M-Baa un túnní-mee nín cáá dimaŋfal puee ní u-puee ma mun cáá dimaŋfal. Míǹ ní un yaa fōō-mi ki jíńee mun kāntí dimaŋfal man pu.

Jean 6:68

Ní Peetroo kíí-u yii: «Ti-Dindaan, sii di cáá tibɔti tin tìì dimaŋfal din kaa cáá dikúntilee. Ŋma cee ní ti làá gíti cù?

2 Corinthiens 1:19

Di sá yii Unimbɔti Jipɔɔn Yeesu Kriisitoo un bɔti man nì Siilasi nì Tiimootee sòon̄ ni-cee niinee kaa sá «Iiin» nì «Aayee» bɔti. Ama, u-nee, an pée sá «Iiin» ŋmaniŋma ní.

Hébreux 3:12

An puee m-nabiyaamu, ní nīn nyíǹ ni-ba, ubɔ ń taa nín̄ cáá dipɔɔkpitil din kaa cáá fookiiyee kí cúú u-ba kí nákatíǹ Unimbɔti un bí dimaŋfalinee.

Hébreux 9:14

An yaa nìn ŋūǹ kí ŋá míǹ, kin ataa aŋa pu ní Kriisitoo un Circir Fam tútúǹ u dū u-ba ki ŋá saraamɔnti ki tīī Unimbɔtee fatikuu kaa ŋūǹ kí fíntí atuŋkpiti ti-pɔbiliŋ poon tí ŋmā kí nóó Unimbɔti un bí dimaŋfalinee.

Apocalypse 7:2

M gíti kpēēyee, ki ká ntuun ŋubɔ nyánní ŋwìiń nyalaŋki pú ki ŋúb́ Unimbɔti un bí dimaŋfalinee daaŋku, ní ki téeń ki tùkū ituun inaa in fōō mpɔn kí dāá bīil̀ kitiŋ nì tiŋkuee yii:

Actes 8:37

Ní Fiiliipi kíí-u yii: «An cáá nsan bí fàl̀-si Unimbɔti nyim a yaa fōō ki kíí nì a-pɔbil kɔkɔ». Ní ukàlinjee kíí-u yii: «M fōō ki kíí yii Yeesu Kriisitoo sá Unimbɔti Jipɔɔn.»]