Matthieu 15:9 - UNIMBƆTI NYƆƆBUNDI GBƆŊKU

⁹ Bi jáaḿ-mi fám ní, kun puee tin binib náańee ní bi dàkà, ní ki cáa yíì man marab.>»

Matthieu 15:9 Iomraidhean Croise

Psaumes 39:6

Kpèè, iwiin in a tīī-mi ḿ dūú kàl̄ kitiŋ puee bí kii diŋaantil waaŋŋuee ní. M-maŋfal wiiŋyi kaa pée sá a-cee tiba. Tiŋman, unifoo kamaa bí kii kubuŋuee ní.

Psaumes 73:13

Mimmee m pée ŋá m-pɔbil circir ki fíntì m-ŋalii kí dàkà yii m sá maanyiiba fám deeyaa!

Exode 20:7

Á taa nín̄ yíì man a-Dindaan a-Nimbɔtiu yindi fám fám, kun puee man a-Dindaan kaa làá dūú pɔ̄ un ŋáań mimmee.

Esaïe 29:13

Ti-Dindaan sòon̄ dinibul nee pu yii: «Binib nee pìlīǹ-mi kinyɔkɔn fám ní. Bi nyɔ́ŋkí-mi nì bi-nyɔmmu fám ní. Ama bi-pɔbiliŋ poonee, bi dátiǹ-mi ní. Bi nín lì yii bi tɔ́-mee, binib marab bin bi dūu dàkā-bee ní bi nóó.

Lévitique 26:16

m nín làá dāá ŋá ni-puee sèé: «M làá dāá kɔ́ǹ-ni dinyoondin, kí yàntī didúntil weeŋyi nì nnaanyeem ń cúú-ni ní kí yàntī iween gbanti ń ŋmɔ́ kí bīil̀ ni-nimbiliŋ kí bàtī ni-wiiŋyi pu. Ni làá dāá kpɔ̀ kí bɔ̄l̀ ni-sati fám, kun puee ni-nannanliibi di dāa yì ni-kpaajinti gbanti kí jī.

Lévitique 26:20

Ní ní kpɔ̀ kí kpɔ̀ kí gīī púb, ama ni-timmu kaa làá lòoǹ tikpaajin ní isufi mun kaa làá lòoǹ abil.

Malachie 3:14

Ni lì yii: <Kí tɔ̄ Unimbɔti tundee kaa cáá ipaati iba. Ti ŋúb́ u-marab, ki yíiń binib ti kāl̀ dikpool, ti-Dindaan Mpɔŋkɔdaan ń bàà sɔ̄ ti-saai, ama taa ká ipaati iba.

Matthieu 15:10

Míǹ boonee ní Yeesu yíiń kunipaauee u-cee ní ki bí-bi yii: «Ní pīlifì kí gbìl̄ tibɔti nee taapu tiŋan.

Marc 7:7

Bi jáaḿ-mi fám ní, kun puee tin binib náańee ní bi dàkà, ní ki cáa yíì man marab.>»

1 Corinthiens 15:2

Tibɔmɔntiil gbanti pu ní Unimbɔti fīī-ni. An puee ní nīn gbíntì ki ŋúb́-tì kii m nín nìn sòon̄ nì ni puee. Yaa sá fám, ni fōō ki kíí fám dee.

1 Timothée 1:4

ki dàkà-bi bí taa nín̄ kā ki máafí mmaam ki kàaǹ atiŋkpikiyin ŋin kaa dóotée. An cāabìń kunikpɔŋkpɔkɔu, kaa tútúǹ unil ń béé Unimbɔti nín yóoǹ puee: an dàkà yii tí fōō-u kí kíí.

Tite 1:14

Bí yàntī titiŋkpikibɔti tin Juuda yab cáá ki máafée, nì binib bin fá ibaamɔn saŋŋu ki yōoǹ bíǹ bi-ba marabee bɔti.

Hébreux 13:9

Binib nyántì tibɔpɔn tin nyáń ti-bee ki dàkà, ní taa yàntī bí dū an bɔtee kí dàkà-ni ní gáatí. An ŋān̄ yii diyimɔɔl din Unimbɔti pú-tee pu ní tí nīn kāntí mpɔn, án taa nín̄ sá marab bin binib ŋúb̀ ki kòó tijin tibee pu. Bin ŋúb̀ an marab gbantee kaa ká ipaati iba poon.

Jacques 2:20

Ugbaan, aa là kí béé yii a yaa fōō ki kíí ní kaa tūǹ atummɔntee, a-fookiiu sá fámaaa?

Apocalypse 22:18

Man Yoowaneesi di kpáafí bin kɔkɔ gbìl̄ tibɔti tin Unimbɔti sòon̄ an kā kugbɔŋu nee poonee yii: Un yaa gbéeǹ tibɔti nee poon tibee, Unimbɔti làá dāá gbéeǹ udaan ditafadaaldi din u ŋmàn̄ ki ŋá kugbɔŋu nee poonee.

1 Samuel 25:21

Daafiidi nìn bí ki lì u-ban yii: «Mimmee, m pée wúń kijapaai nee wanti kuteeu nee pu tiba kaa wáŋkì fám deeyaa! M ŋá-u tiŋan ní u dū tikpitil ki pàn̄-mi!