Matthieu 15:4 - UNIMBƆTI NYƆƆBUNDI GBƆŊKU

⁴ Unimbɔti bí yii: <Á nīn tɔ́ a-baa nì a-na,> ní ki gíti bí yii: <Un di yaa sòon̄ ki bíil̀ u-baa kii u-nee máaǹ bí kpɔ̀-u.>

Matthieu 15:4 Iomraidhean Croise

Exode 20:12

Á nīn tɔ́ a-baa nì a-na ní kí ŋmā kí kàl̄ kitiŋ kin ti-Dindaan Unimbɔti làá tīī-see poon kí yúntí.

Exode 21:17

«Un di yaa sīī u-baa àá u-nee, bí kpɔ̀-u.»

Proverbes 20:20

Unil un di yaa kpēē ki sīŋkiǹ u-baa nì u-nee, u làá kpú kii fitila nín kúù dibɔmbɔndin puee ní.

Proverbes 23:22

Pīlifiǹ a-baa un di màl̄-see, kí taa kpèè a-na fám yii u nín púĺee pu.

Proverbes 30:17

Unil un yaa bèel̄ u-baa, ní kaa fātìi tɔ́ u-nee, tilaagaal tin bí mbunnee làá lúkutí udaan nimbiliŋ, ní kaajiikub ń dāá jī-u.

Esaïe 8:20

ní kíí-bi yii: «Ti-Dindaan dàkal nì u-bɔti ní ni máaǹ kí pīlifì.» Un kamaa yaa kaa sòon̄ mimmee kaa làá ká ntaafaawalifi.

Lévitique 19:3

«Báà ŋma ń nīn tɔ́ u-baa nì u-na, kí nīn tɔ́ ŋwiŋŋuŋfikaa dal. Man di sá ni-Dindaan, ni-Nimbɔtiu.

Lévitique 20:9

«Un di yaa sīī u-baa àá u-nee, bí kpɔ̀-u. Udaan nín sīī u-baa àá u-nee puee, u-kúm kpuulool ń gítí u-pu.

Matthieu 15:3

Ní Yeesu kíí-bi yii: «Kin nimbi fáà, ni nín nóó ni-yaajakoobiliŋ ki yìntī Unimbɔti marabee!

Matthieu 15:5

Ama ní nimbi dàkà binib yii a ŋūǹ kí tùkù a-baa àá a-na yii: <M nín bàà làá tīī-si tiŋyee m dūu ŋá Unimbɔti saraa.>

Matthieu 19:19

kí nīn tɔ́ a-baa nì a-na, kí nīn néeń a-juti kii sii a-bee.»

Matthieu 4:10

Niinee Yeesu bí-u yii: «Sitaan, sútí niin kí wàatī-mi! Kun puee an ŋmàn̄ Unimbɔti gbɔŋku poon yii: <Ti-Dindaan a-Nimbɔtiu baba ní an sá á jāam̀, kí nīn bí úǹ baba tundin.>»

Romains 3:31

Mimmee, an dàkà yii ti yaa fōō Yeesu ki kííyee, taa ti dù marab kí yíiń tiba deeyaaa? Aayee, an kaa sá míǹ. Ŋyunti gbanti ní ti nín tìì marab mpɔn.

Ephésiens 6:1

Mbiyaamu, ni nín sá ti-Dindaan yabee puee, ní nīn tɔ́ ni-baabi nì ni-nab, kun puee míǹ di ŋān̄.

Deutéronome 27:16

«Mbusu dɔ̄ ki cí unil un di kpēē u-baa nì u-na fámee.» Ní samaa kɔkɔ ń kíí yii: <Ameeni!>

Deutéronome 5:16

«Á nīn tɔ́ a-baa nì a-na kii man a-Dindaan a-Nimbɔtiu nín síiǹ-si mara yii á ŋá puee. A yaa ŋá mimmee, a làá kàl̄ kitiŋ pu kí yúntí ní an bútí-si kitiŋ kin man a-Dindaan a-Nimbɔtiu làá dūú tīī-see poon.