Matthieu 14:9 - UNIMBƆTI NYƆƆBUNDI GBƆŊKU

⁹ Niinee, an kɔ́ ubɔti kunimbaau. U nín gíti dáá pūtì bin u yíińee nimbiinee ní u kíí yii u làá tīī-u,

Matthieu 14:9 Iomraidhean Croise

Ecclésiaste 5:2

Unil yaa dàkafī tikpilee, u dámintí tidamintiil ní, ní un sòoǹ tikpilee sòoǹ tibɔfan.

Jérémie 44:25

Ti-Dindaan Mpɔŋkɔdaan, Isirayeel yab Nimbɔtiu nín sòon̄ puee sɔ̀. Ni nì ni-nimpoobi, ni lī yii: <Ti pōoǹ yii ti làá nīn tùutī talaalub ki tìì diwaal yilpu Nimpubɔtiu ki féeń-dì ndaam. Ti nín pōoǹ puee, míǹ ní ti làá ŋá!> Too, nín̄ ŋúb́ ni-pooŋyi, ŋámaan ni nín pōoǹ puee.

Matthieu 14:1

Ŋyunti gbantee, Eeroodi un nìn sá ubɔti Galiileeyee gbìl̄ bi nín sòoǹ Yeesu pu miŋyee

Matthieu 14:10

ní ki tú ubɔ ń cù kusarkadiin kí tìlīń Yoowaneesi un fùul̀ binib Unimbɔti nyimee yil kí cáań.

Matthieu 14:5

Niinee ní u kíǹ ki nyàab̀ kí kpɔ̀ Yoowaneesi, ama ní ki fàŋkí Juuda yab, kun puee báà ŋma nìn nyí Yoowaneesi pu yii u sá Unimbɔti bɔnaatiliu.

Matthieu 14:8

Ní usapɔɔnee na yāntì u lī yii: «Á tùkutī Yoowaneesi un fùul̀ binib Unimbɔti nyimee yil kí tàkan̄-mi kpaatan kɔŋkɔnnee.»

Marc 6:14

Ubɔti Eeroodi nìn gbìl̄ bi sòoǹ Yeesu pu, kun puee u-yindi nìn gbītì ajan kɔkɔwoooo. Binib biba nìn sòoǹ Yeesu pu yii: «An sá Yoowaneesi un nìn fùul̀ binib Unimbɔti nyimee di fīkitì ditaŋkpiilin, an pu ní u ŋūǹ ki ŋáań maamaacib.»

Marc 6:20

Di sá yii Eeroodi, úǹ nìn fàŋkí Yoowaneesi ki nyí yii Yoowaneesi sá ibaamɔndaan ki sá Unimbɔti tɔntɔnliu. An puee Eeroodi nìn mɔ́tí u-pu. Yoowaneesi yaa nìn sòoǹee, an nìn páb̀ Eeroodi, ama u nìn néeń ki pílifíǹ-u.

Marc 6:26

Niinee, kunimbaau kɔ́ ubɔti. U mun gíti dáá pūtì u-nicambi bin u yíińee nimbiin, waa ti ŋūǹ kí yíí.

Luuki 13:32

Ní Yeesu kíí-bi yii: «Cùú tùkùmaan Eeroodi un cáá iciin kii jiiŋkpaayee yii: <M làá jà arasiniibi kí cáaǹ bibunliibi díǹ nì fool, daapudalee, m dóò dee.>

Juges 11:39

Iŋmal ilee jítèe, ní Jeefita bisal fātìi gítìń u-baa cee ní u-baa dū-u ki ŋá u nín pōoǹ yii u làá ŋá puee. Too, u nín kaa nìn béè uninja ní ki kpíìyee pu ní an dūu kpántì dikoobil Isirayeel tiŋkin.

Juges 21:1

Isirayeel yab nín nìn kpáfì Miisipa tiŋkinee, bi nìn pūtì yii: «Ti-kansikin báà ubɔ ń taa dū u-bisal kí tīī Beenjameen naakookun yab ubɔ ticati.»

1 Samuel 14:24

Yaadal wiiŋŋuee, samaa nìn jíń falaa, kun puee Saayuul nìn pūtìi tɔ́ báà ŋma pu ki lī yii: «Un ní ŋwìiń yaa kaa láá jéetì man tɔ̀n̄ m-nannanliibi ipɔntoon ní udaan jíń tijinee, mbusu ń lítí udaan pu.» Samaa poonee, báà ubɔ kaa nìn jíń tijin.

1 Samuel 14:28

Ní bijanjaliibi kansikin ubɔ bí-u yii: «A-baa bàà pūtì ki tɔ́ samaa pu yii: <Un yaa jíń tijin díǹee, mbusu ń lítí udaan pu.» An pu ní báà ŋma gīī.

1 Samuel 25:22

Unimbɔti ń tīī m-nannanliibi mpɔn kí bìin̄ bi-pu gba, m yaa fu yāntì uninja bambaanti u-dicaŋkun kaa kūū-u fool kutaafaau.»

1 Samuel 28:10

Ní Saayuul bí yii: «M pūtì ti-Dindaan un bí dimaŋfalin nee yii tiba kaa làá ŋá-si tibɔti nee poon.»