Matthieu 13:6 - UNIMBƆTI NYƆƆBUNDI GBƆŊKU

⁶ Ŋwìiń dāa píĺee, ní an kpíì kun puee inyaan kaa kɔ́ kitiŋ.

Matthieu 13:6 Iomraidhean Croise

Esaïe 49:10

Ŋkùm kaa dāa gíti cútí-baaa, nnyinnyoo kaa dāa gíti cútí-bi. Nnantantum kaa dāa gíti sèetī-baaa, ŋwìiń mun kaa dāa gíti píl̀-bi. Di sá yii m làá dū dineendi ní kí kpòotī-bi, ní kí cáá-bi kí cùnnì inyimbul in sɔ̀m̀ee laŋki bí nyɔ̀.

Matthieu 13:21

ama waa yàntī tibɔtee ń kàl̄ u-ni kí yúntí kí báań inyaan. Unimbɔti bɔti puee, digìńdi kii disàandi diba yaa bāań-uee, ní ú dū nnimbɔtisan kí fá.

Matthieu 13:5

Ní aba mun lítì kuteeun laakin kitiŋ kaa nyóòyee, ní ki pūtì kpáàa nyáń kun puee kitiŋ kaa nyóò.

Matthieu 13:7

Ní aba mun lítì ikuŋkumin, ní ikuŋkumee wíiǹ ki múkuǹ i-pu.

Marc 4:6

Ŋwìiń píĺee ní i kpíì kun puee kitiŋ kaa nyóò inyaan ń kɔ́.

Luuki 8:13

Ní biba mun náań nì in lítì ataŋkpee poonee. Bíǹ gbìl̀ Unimbɔti bɔti ní ki fòol̄ ki kíikí nì dipɔɔpindi, ama ní kaa cáá inyaan kí báań kí sīĺ. Ŋyunti fiii ní bi dù bi-mákal kí páań Unimbɔti pu. Dinimbinaamandi yaa bāań-bee, ní bí lítí.

Ephésiens 3:17

M gíti mèé-u yii Kriisitoo ń nīn bí ni-pɔbiliŋin, kun puee ni fōō ki kíí. M mèé-u yii ú yàntī ní nīn néeń tɔb kí báań inyaan, kí nīn yú ki pɔ̄ɔ̄,

Colossiens 1:23

Ama, ni máaǹ tibɔti tin ni nìn fōō ki kííyee, ní nīn ŋúb́-tì mmɔntiimin, kí nīn sí deedee kí báań inyaan kí taa lēē dimákal Tibɔmɔntiil tin ni gbìl̄ee pu. An bɔtee di sá tin bi sòon̄ ki tīī báà ŋma ajan kɔkɔee. Man mun Pɔɔl kpántì un kíǹ ki sòoǹ an bɔtee ní.

Colossiens 2:7

Ní báań inyaan u-ni kí nīn wīintí, kí nīn ŋúb́ tin bi nìn dàkā-ni ni fōō ki kííyee mpɔn, kí nīn jáaḿ-u u-ŋanti pu tikpil.

Apocalypse 7:16

Ŋkùm kaa dāa gíti cútí-bi, nnyinnyoo kaa dāa gíti cútí-bi, diwiŋkaŋkambil kaa dāa wù-bi, ní kutuntuŋu kubɔ kaa dāa bí niin.