Matthieu 13:44 - UNIMBƆTI NYƆƆBUNDI GBƆŊKU

⁴⁴ «Unimbɔti Beel náań nì kii tigaajati tin bál̀ bukpaa bubɔnee ní. Ubɔ kùn̄ ki bīitì ti-pu ní gíiǹ ki bīiǹ. An nín mɔ́ɔkiǹ-u puee, ní u cūtì ki nyáfì u-wanti tin kɔkɔ u cááyee pílpil ki cáa dá bukpaayee.

Matthieu 13:44 Iomraidhean Croise

Yoob 28:13

Iciin kaa bí binifoobi tiŋkin, an puee binib kaa nyí i-nyampooku.

Proverbes 16:16

Unil ń nīn cáá iciin sɔ́ǹ ú nīn cáá sindaariya. Unil ń nīn cáá dinyil sɔ́ǹ ú nīn cáá animbil kúti.

Proverbes 17:16

Animbil yaa bí ugbaan ŋaanee, u làá dūú ŋá nì ba? Ú cáá dā iciinaaa? Míǹ kaa bí u-yilin.

Proverbes 18:1

Unil un dàkafī u-baba puee kaa kàal̀ bin kíǹee cee, bi yaa là kí tūtuǹ-uee, ní ú gíí diŋuul.

Proverbes 23:23

Nyàab̀ kí ká ibaamɔn nì iciin nì nlandɔkɔmɔnti nì dinyil. A yaa ká tiwan gbantee, á ŋúb́-tì tiŋan.

Esaïe 55:1

Nimbi bin nnyinnyoo cááyee, dāam̄maan, nnyim bí doo! Báà ni yaa kaa cáá animbil, dāam̄maan! Dāmaan tijin kí jī, an sá faalaa ní! Dāam̄maan kí dā ndaam nì nnaabiim kí taa pà tiba.

Matthieu 13:24

Ní Yeesu gíti dū tibɔŋmantikaal nee ki sòon̄ nì bi yii: «Unimbɔti Beel náań nì uninja ubɔ un búĺ iwamboomɔnti u-kpaabunee ní.

Matthieu 13:46

U nín ká ŋin cáá kudapɔɔuee ní ú cùú nyāfì tin kɔkɔ u cááyee pílpil ní kí cáań kí dā.»

Matthieu 13:47

«Unimbɔti Beel náań nì kii bi nín dù kulaaŋŋu kí tɔ̄ dimɔɔlin án cúú kujɔmbuluu kamaa puee ní.

Matthieu 19:21

Ní Yeesu kíí-u yii: «A yaa là kí ŋá min sá páaayee, cù kí dū tin kɔkɔ a cááyee kí nyāfì kí dū animbil kí yàkatī bifalaadambi, ní kí tin ká tigaajati Unimbɔti cee. A yaa ŋá míǹ ki dóòyee ní á dāá nīn nóó-mi.»

Matthieu 19:27

Niinee ní Peetroo bí-u yii: «Kin, timbi nín yíkì ki fá tikɔkɔ nì tikɔkɔ ki nóó-si nee, timbi paati dāa sá ba?»

Matthieu 19:29

Ní un kamaa yaa yíkì ki fá u-diiŋŋi nì u-nabiyaamu, nì u-niisalib, nì u-baa, nì u-na, nì u-biyaamu, nì u-kpaatanti man puee, Unimbɔti làá tin pà udaan míǹ dilaataal pu, ní ú gíti fōō dimaŋfal din kaa cáá dikúntilee.

Matthieu 6:21

Kun puee laakin a-gaajati bée, niin ní a-landɔkɔŋu mun bí.»

Luuki 14:33

Ní Yeesu gíti lī yii: «Míǹ mbaantiim ní ni-kansikin un yaa là kí nīn sá man boonnooliuee ń fá tin kɔkɔ u cááyee.»

Jean 6:35

Ní Yeesu bí-bi yii: «Man di sá tijin tin tìì dimaŋfalee. Un yaa dɔ́miń m-ceeyee, ŋkùm kaa ti cútí udaan jaanjaan, míǹ ní un yaa tí fōō-mi ki kííyee, nnyinnyoo kaa ti cútí udaan jaanjaan.

Romains 15:4

Di sá yii tin kɔkɔ bi nìn ŋmàn̄ Unimbɔti gbɔŋku poon dooooyee sá kí dàkà-ti tí nīn cáá kimɔtii nì kunyannyaau, kí nīn máká Unimbɔti pu.

Colossiens 2:3

un ni ní iciin nì dinyil kɔkɔ bál̀ ki kēe.

Colossiens 3:16

Kriisitoo bɔtee nì tì-gaajati kɔkɔ ń nīn bí ni-cee mmɔntiimin. Ní nīn dàkà tɔb u-bɔtee kí nīn kpáafímaan tɔb nì iciimmɔnti, kí nīn gà ilan nì ni-pɔbiliŋ kɔkɔ, ilan in kā Inyɔŋki laŋyi gbɔŋku poonee nì Kriisitoo nikitil laŋyi nì ilan in Unimbɔti Fam tìì-nee kí nīn cáa pàkà Unimbɔti u-ŋanti pu.

Hébreux 10:34

Míǹ ní ni nì bisarkadambi yākatì bi-falaau. Bi yaa nìn cúú ni-wanti ki fōōyee, an kaa nìn páb́-ni, ni-pɔbiliŋ nìn sɔ̀m̀, kun puee ni nyí yii ni cáá tigaajamɔntiil tin làá nīn bí jaanjaanee an dɔ̄ yilpu.

Apocalypse 3:18

An puee m sáŋkí-si yii á dāan̄ m-cee kí dā sindaariya un bi dū ŋŋmi ki cɔ́ŋkì ki ká yii u sá umɔntee, ní kí nín ŋmā kí kpántí ugaaja, kí dā m-cee abɔkutipiin kí pèen̄ kí bìin̄ a-cooi pu, kí dā nnyɔkɔ m-cee kí jōō a-nimbiliŋ kí wāl̀.