Matthieu 13:11 - UNIMBƆTI NYƆƆBUNDI GBƆŊKU

¹¹ Ní u kíí-bi yii: «Unimbɔti yāntì nimbi béè u-Beel bɔti tin bí dibalinee taapu. Ama an kaa yāntì bíǹ ń béé.

Matthieu 13:11 Iomraidhean Croise

Psaumes 25:14

Bin fàŋkí ti-Dindaanee sá u-bɔɔbi ní, ní u yàntī bi béetí u-poondi.

Esaïe 29:10

Di sá yii ti-Dindaan di dū ŋgeembiim miba ki tɔ́ ni-pu. - U bɔ̄ntì nimbi bibɔnaatiliibi nimbiliŋ -, - ki dū iŋaabu ki bīiǹ nimbi bibɔɔbi nimbiin -.

Esaïe 29:11

Dileedakal nee kɔkɔ bí ni-cee kii tibɔti tin bi ŋmàn̄ ki ŋá kugbɔŋu kun bi kpáb́ ki nyīī ŋŋalee ní. Bi dū-ku ki tīī un ŋūǹ kí kàaǹee, ki bí-u yii: «Fōō kí kàaǹ», ní udaan kíí yii: «Maa ŋūǹ kí kàaǹ, di sá yii bi kpáb́ kugbɔŋuee ki nyīī ŋŋal».

Esaïe 35:8

Bi làá dāá tɔ̄ didandi diba niin, kí dāá nīn yíì-dì yii <circir saŋŋu>. Unil un kaa bí circiree kaa dāa dì-ŋu, ŋu dāa sá ki tīī ti-Dindaan nibul ní. Báà ugbaan ubɔ kaa dāa yìntī kí dī-ŋu.

Matthieu 13:10

Yeesu boonnooliibi nìn sútìń ki pìl̄-u ní ki bālifì-u yii: «Ba pu ní a cáá tibɔŋmantikaal ki sòoǹ nì bi ní?»

Matthieu 16:17

Ní Yeesu bí-u yii: «Siimɔn, Yoowaneesi jipɔɔn, a bí mmɔnni! Di sá yii an kaa sá unil di lēē an baamɔŋyi ki dàkā-si, an sá m-Baa un bí yilpuee di dàkā-si.

Matthieu 19:11

Ní u bí-bi yii: «An kaa sá báà ŋma di ŋūǹ tibɔti nee, see bin an pú bí ŋmēe.

Matthieu 20:23

Ní Yeesu kíí-bi yii: «Tiŋman, an lafun sá ní nyɔ̀ falaa gbanti, ama an yaa kíǹ ŋŋaŋgiil nì ŋŋaŋgan kakaaŋu bɔtee, an kaa sá man di pūǹ an paaŋyi. Ipaan gbanti sá ki tīī bin pu m-Baa bɔ́ntì-i ki síiǹee ní.»

Marc 10:40

Ama an yaa kíǹ m-ŋaŋgiil nì m-ŋaŋgan kakaaŋuee, an kaa sá man di pūǹ an paaŋyi. Ipaan gbanti sá ki tīī bin pu Unimbɔti bɔ́ntì-i ki síiǹee ní.»

Marc 4:11

Ní u kíí-bi yii: «Unimbɔti yāntì nimbi béè u-Beel bɔti tin nìn bí dibalinee taapu. An yaa kíǹ bifantantiibee, an sá tibɔti ní bí nīn cáa ŋmàntī-bi,

Luuki 8:10

Ní u kíí-bi yii: «Unimbɔti yāntì nimbi béè u-Beel bɔti tin bí dibalinee taapu, ama bin kíǹee, án làá nīn sá bíǹ tibɔŋmantikaal ní, án nín làá ŋá pu bi-nimbiliŋ ń nīn kpítì bí taa nín̄ wāĺee, ní bí nīn pílifí kí taa nín̄ gbìl̀ee.»

Jean 6:65

Ní u lī-bi yii: «Míǹ pu ní m tùkū-ni yii ubɔ kaa ŋūǹ kí dāan̄ m-cee an yaa kaa tin sá m-Baa Unimbɔti di cáań-u.»

Jean 7:17

Un yaa là kí ŋá min Unimbɔti lèe, udaan làá béé m-dàkatam nee yaa nyēeń Unimbɔti ceeyaaa, an yaa tí sá man m-ba pɔŋŋu pu ní m sòoǹ.

Actes 16:14

Unimpu ubɔ nìn bí bin nìn bíi pílifée kansikin, bi yíì-u Liidiya. U nìn nyánní Tiyatiir tiŋkin ki sá unyampu ki nyáfí bisatamambi. U nìn tɔ́ Unimbɔti marab, ní ti-Dindaan pīitì u-pɔbil ki yāntì u fōō Pɔɔl bɔti.

Romains 11:25

M-nabiyaamu, m là ní béé ibaamɔn iba i bí dibalin, án nín làá ŋá pu ní taa nín̄ yíì ni-ba yii biciŋfitiibee. Di sá yii Isirayeel yab dijandi kaa ŋūǹ kí gbìl̄ tibɔti nee taapu, kí dāá sāā ŋyunti ŋun ntimu mun kɔkɔ kíǹee yab ń dāá kɔ́ difiilinee.

Romains 16:25

Tí nyɔ̄ŋkìmaan Unimbɔti! Nì tibɔmɔntiil tin m sòoǹ Yeesu Kriisitoo puee, Unimbɔti cáá mpɔn kí báań-ni inyaan nnimbɔtisan poon. Doooo ŋyuntikpikee, tibɔtee nìn bí dibalin, Unimbɔti kaa nìn dáá bīitì ti-pu,

1 Corinthiens 13:2

M ŋūǹ kí fōō dipɔl kí nīn nàatī Unimbɔti nyɔɔbundi, ki ŋūǹ kí nīn cáá dinyil kɔkɔ nì di-nyɔkɔm kí béé tin kɔkɔ bí dibalinee, kí nīn cáá fookii tiŋan án nīn kpìkitī ajoon, míǹ kɔkɔee m yaa kaa cáá dineendee, m sá fám ní.

1 Corinthiens 15:51

M làá tùkù-ni tibɔti tin nìn bí dibalinee: di sá yii ti-kɔkɔ kaa làá dāá kpú, ama ti-kɔkɔ wunti di làá dāá kpántí.

1 Corinthiens 2:14

Unil un dàkafī nniyaamin ŋmaniŋmee kaa ŋūǹ kí fōō ibaamɔn in Unimbɔti Fam sòoǹee. Úǹ ceeyee, an sá tiwaatibɔti ní. Waa ŋūǹ kí fōō-tì, kun puee Unimbɔti Fam baba di yàntī unil ń ŋmā kí béé kí gàntī.

1 Corinthiens 2:7

Timbee, Unimbɔti ciiŋyi in nìn bí dibalinee pu ní ti sòoǹ. Unimbɔti nìn pée lēē-i ki yóoǹ-ti án nīn sá ti-nyooti ki wāatì ní ki nín náań duulinya.

1 Corinthiens 4:1

Míǹ puee ní nīn nyí yii ti sá Kriisitoo tɔntɔnliibi bin bin ní Unimbɔti dū u-bɔbalkaati ki ŋá ti-ŋaan tí sòoǹee ní.

1 Corinthiens 4:7

Ŋma di yōoǹ-si yilpu ní a jítiǹ a-juti ní? Tin a cááyee Unimbɔti di kaa tīī-saaa? Kin Unimbɔti di yaa tīī-si ní, ba pu ní a cáá dilambil kii ubɔ di kaa tīī-see?

Ephésiens 1:18

M gíti mèé-u yii ú ŋmíntí-ni ní wāl̀ tiwammɔntiil tin pu u yíiń-nee, ní béé tigaajati tin u kpáafì ki yóoǹ nimbi bin sá u-yabee nín wīikí ki cáá tinyool puee,

Ephésiens 1:9

Di sá yii u yāntì ti béè u nín là kí dī Kriisitoo pu kí ŋá tin nìn bí dibalin dooooyee.

Ephésiens 5:32

An sá tibɔkpaandi ní dijandi nee dàkà-ti. M làá tùkù-ni yii an sòoǹ Kriisitoo nì u-nikitil pu ní.

Ephésiens 6:19

Mèèmaan Unimbɔti ma mun pu, ú tīī-mi tibɔti tin máaǹ ḿ sòoǹee, ḿ ŋmā kí sòoǹ Tibɔmɔntiil tin nìn bí dibalinee nì tininjati.

Colossiens 2:2

Di sá yii m là bí ká kunyannyaau bi-pɔbiliŋin, kí nīn néeń tɔb, kí nīn cáá nnyɔɔpee, kí nīn nyí an kɔkɔ taapu kí nīn cáá dimákal mmɔntiim. Mimmee, bi làá béé tin tin Unimbɔti nìn ŋúb́ dibalinee mbaamɔm, an dàkà yii Yeesu Kriisitoo,

1 Timothée 3:16

Tiŋman, dinimbɔtinool bɔti tin nìn bí dibalin Unimbɔti nyántì ki dàkā-tee sá tiwaŋkpaandi ní! Yeesu kpántì unil ní ki dɔ́miń ti-cee, Circir Fam dàkā yii u sá deedeedaan, Unimbɔti tuuŋyi ká-u. Bi sòon̄ u-pu atimbun kɔkɔn, kitiŋ pu nib fōō-u ki kíí ní Unimbɔti yōoǹ-u ki jɔ́m̀ yilpu tinyool laŋki.

1 Timothée 3:9

Bi máaǹ kí nīn ŋúb́ Unimbɔti saŋŋu ŋun nìn bí dibalin u nyántì ki dàkā-tee nì dipɔɔbaantiil.

Jacques 1:5

Míǹ puee, ni-kansikin ubɔ yaa lóò iciinee, udaan ń mèè Unimbɔti un mɔ̄ ki pūǹ báà ŋma nì dipɔbil diba, kaa wòoǹee, u làá tīī-u.

1 Jean 2:20

Ama nimbee, ti-Dindaan circirdaan sītì ni-pu Circir Fam, an di yì-tì ní ni-kɔkɔ nyí ibaamɔn.

1 Jean 2:27

Ama nimbee, Yeesu sītì ni-pu u-Fam. An puee, an kaa ti bàlifī ubɔ ń dàkà-ni. Kun puee u-Famee di dàkà-ni tikɔkɔ, ní tin ní u dàkèe sá ibaamɔn, nnyimɔn kpá poon. Míǹ puee, ní kpāafìmaan u-Fam nín dàkà-ni puee, ni nì Yeesu ń nīn sá ubaanti.