Matthieu 12:7 - UNIMBƆTI NYƆƆBUNDI GBƆŊKU

⁷ Ni yaa bàà nyímaan Unimbɔti nyɔɔbundi nee taapu yii: <Maa là saraabi, m là ní nīn sūǹ tɔb saai ní,> naa bàà kù ibaamɔndambi nee bɔti fám.

Matthieu 12:7 Iomraidhean Croise

Yoob 32:3

U nìn gíí Yoob bɔɔbi bitee mun pu diŋuul, kun puee baa nìn béè bi nín máaǹ kí kíí Yoob puee ki yāntì Unimbɔti fōō dibɔkpil.

Psaumes 109:31

Di sá yii u yú ufalaadaan ŋaŋgiiliŋu pú kí fīī-u kí nyāntí bin bíi kù u-bɔtee ŋaan.

Psaumes 94:21

Bi kpáfí kinyɔkɔ ki lèekī deedeedaan maŋfal, ki sòoǹ maanyiiba bɔti ki kù-u.

Proverbes 17:15

Unil un pɔ̀ dibɔkpil daanee nì unil un kù ibaamɔndaan bɔtee, ti-Dindaan ná binib gbanti liitil.

Osée 6:6

Kun fáatiǹ-mee di sá dineendi, kaa sá saraabi. Kí nīn nyí man Unimbɔtee jítiǹ bisaraawɔkaabi.»

Matthieu 22:29

Ní Yeesu kíí-bi yii: «Ni bí diyìntil poon ní nee, kun puee naa nyí Unimbɔti gbɔŋku poon bɔtaaa, kaa nyí Unimbɔti pɔŋŋu mun.

Matthieu 9:13

Cùú bīfìmaan Unimbɔti nyɔɔbundi nee taapu, yii: <Maa là saraabi, m là ní nīn sūǹ tɔb saai ní.> Maa dɔ́miń kí yíiń deedeedambi, m dɔ́miń kí yíiń binikpitib ní.»

Marc 12:33

Unil máaǹ kí nīn néeń Unimbɔti nì u-pɔbil kɔkɔ nì u-ciiŋyi kɔkɔ nì u-pɔŋŋu kɔkɔ, ní ki máaǹ kí nīn néeń u-juti kii úǹ u-bee. Míǹ jítiǹ tiwaŋkuti saraabi bin bi dù kí wà ŋŋmi kí tīī Unimbɔtee nì saraabi bin kɔ kíǹee.»

Actes 13:27

Binib bin kóò Jeerusaleemee nì bi-bɔtiibi kaa nìn béè un ní Yeesu sée, kaa béè Unimbɔti bɔnaatiliibi bɔti tin bi kàaǹ ŋwiŋŋuŋfikaa sá kamaa dalee taapu mun. Bi nín yāntì bi kūū Yeesu puee, bi ŋá min Unimbɔti bɔnaatiliibi nìn sòon̄ ki yóoǹee dee.

Jacques 5:6

Ni túǹ bin kaa ŋá tibee pu abɔgaan ki kūū-bi, baa kpákáǹ-ni.

Josué 5:5

Bin nìn yíkìń Eejipiti tiŋkinee kɔkɔ nìn pée gíí ní, ama ní mbininjabiyaamu mun bi dāa màl̄ nsanni kuteeunee, múǹ kaa gíí.

1 Samuel 15:22

Ní Samiyeel kíí-u yii: «Ti-Dindaan néeń bisaraawɔkaabi nì saraabi bin kíǹee kii unil ń nīn tɔ́ u-nyɔɔbundaaa? Aayee kpataaa! Unil ń nīn tɔ́ ti-Dindaanee jítiǹ saraabi, ní kí sìntī a-ba kí tīī-uee jítiǹ upìja kpam min bi cáa wù ŋŋmi ki ŋáań saraayee.