Matthieu 12:6 - UNIMBƆTI NYƆƆBUNDI GBƆŊKU

⁶ Ama m tùkù ki cántí-ni yii, man un jítiǹ kunimbɔtidiiyee bí doo.

Matthieu 12:6 Iomraidhean Croise

2 Chroniques 6:18

«Mimmee Unimbɔti ŋūǹ kí kɔ́ kitiŋ pu u nì binibaaa? Áli gba kutagbɔŋu nín wāā pu nee kaa bàn̄-si á kɔ́, ki dāa nín kàaǹ kudii kun m máń nee.

Esaïe 66:1

Ti-Dindaan nín lī puee sèé: «Yilpu di sá m-beejal ní kitiŋ sá m-taaŋi tɔkɔnlaŋki. Kudii kulɔkɔ ní ni làá gíti mā-mi? Mpaan ŋulɔŋu pu ní m làá ŋmā kí ŋùŋfì?

Esaïe 66:2

Nì m-ŋalii ní m dūu náań tin kɔkɔ bí nee. Man di yì tíǹ gbanti kɔkɔ, man ni-Dindaan di lī míǹ. Ama unil un m làá fàtīí kpèèyee di sá ufalaadaan un sīntiǹ u-ba taapuee, unil un di yaa gbìl̄ m-nyɔɔbundi, dì cáá-u tifaandi u jìkèe.

Malachie 3:1

Kpèè, m làá tɔ̄ń m-tɔntɔnliu. U làá cátí nsan ń dòon̄ m-nimbiin. Dicilpu dicilpu ni-Dindaan un ni nyàab̀ee làá dāan̄ kí kɔ́ u-diikun. Kpèèmaan dipoondi tuuŋŋu ŋun ni kā ki cée. Ŋu dòoń. Ti-Dindaan Mpɔŋkɔdaan di lī míǹ.

Matthieu 12:5

Àá, naa kàan̄ Mooyiisi marab gbɔŋkun yii ŋwiŋŋuŋfikaa dalee, bisaraaŋaliibi yìntī ŋwiŋŋuŋfikaa marau kunimbɔtidiin, an kaa sá-bi ikpiti?

Colossiens 2:9

Di sá yii Unimbɔti bimbim kɔkɔ bí Kriisitoo wuntin,